Connect with us

នយោបាយ

គណបក្សនយោបាយមួយចំនួន មិនចាប់អារម្មណ៍ការរួបរួម ឬចងសម្ព័ន្ធភាពគ្នាឡើយ

បានផុស

នៅ

នៅមុនការបោះឆ្នោតជ្រើសតាំងតំណាងរាស្រ្ដ ឆ្នាំ ២០២៣ខាងមុខ មានគណបក្សនយោបាយមួយចំនួន ដែលបង្កើតឡើងដោយអតីតមន្ត្រី នៃអតីតគណបក្សសង្រ្គោះជាតិ បានបង្ហាញអំពីបំណងក្នុងរួបរួមគ្នា ឬចងសម្ព័ន្ធភាពជាមួយគ្នា។ ក៏ប៉ុន្តែគណបក្សនយោបាយផ្សេងទៀត មិនចាប់អារម្មណ៍ចំពោះការរួបរួម ឬការចងសម្ព័ន្ធភាពគ្នានេះឡើយ។

លោក ពេជ្រ​ ស្រស់ ប្រធានគណបក្សយុវជនកម្ពុជា មានប្រសាសន៍ប្រាប់កម្ពុជាថ្មីថា គណបក្សនយោ​បាយមួយចំនួន មានបំណងរួបរួមគ្នា ឬចងសម្ព័ន្ធភាពនយោបាយជាមួយគ្នា គឺជាសិទ្ធិនយោ​បាយ ឬជាឆន្ទៈរបស់ពួកគេ។ ប៉ុន្តែលោក ចោទជាសំណួរ ថាតើការរួបរួម ឬចងសម្ព័ន្ធភាពនោះ អាចទៅរួចដែរឬទេ? ខណៈកន្លងមានគណបក្សនយោបាយមួយចំនួន មានបំណងរួបរួមដែរតែត្រូវបរាជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពេជ្រ ស្រស់ បានឲ្យដឹងថា គណបក្សយុវជនកម្ពុជារបស់លោក មិនទាន់គិតទៅដល់ការរួបរួមជាមួយគណបក្សនយោបាយណាមួយនោះទេ ដោយបច្ចុប្បន្នគឺផ្ដោតទៅលើការពង្រឹងសមត្ថភាព លទ្ធភាពនៅក្នុងគណបក្សខ្លួនឯងសិន។ លោកថា «ចំពោះគណបក្សយុវជនកម្ពុជា យើងគិតមិនទាន់ដល់ក្នុងរួបរួមជាមួយក្រុមណាទេ ពីព្រោះយើងកំពុងតែពង្រឹងពង្រីកសមត្ថភាពការងាររបស់យើង និងកំពុងតែពង្រីកបណ្ដាញការងាររបស់យើងតាមមូលដ្ឋាន ដើម្បីបម្រើប្រជាពលរដ្ឋ»។

លោក ម៉ម សូណង់ដូ គណបក្ស​សំបុក​ឃ្មុំ​សង្គម​ប្រជាធិបតេយ្យ បានលើកឡើងដែរថា ការរួបរួម ឬចងសម្ព័ន្ធភាពរវាងគណបក្សនយោបាយនានា គឺជារឿងល្អ តែថាក្រោយពីការរួបរួមហើយ ថាតើត្រូវធ្វើអ្វីបន្តទៀត។ លោកមិនជឿថា គណបក្សនយោបាយទាំងនោះ អាចរួបរួមគ្នា ឬចងសម្ព័ន្ធភាពជាមួយគ្នាបានឡើយ។

លោក ម៉ម សូណង់ដូ មានប្រសាសន៍ថា «ប៉ុន្តែខ្ញុំមិនជឿថា នឹងមានជោគជ័យទេ ដោយសារតែគណបក្សនីមួយៗ ឧទាហរណ៍ដូចជា គណបក្សរបស់ខ្ញុំអ៊ីចឹង កាលណាខ្ញុំបង្កើតខ្ញុំមានទិសដៅច្បាស់លាស់ ហើយមានឆន្ទៈច្បាស់លាស់ ត្រូវធ្វើនេះមួយ ធ្វើឬក៏មិនធ្វើ ប៉ុន្តែប្រសិនបើជាយើងរួបរួមជាមួយគណបក្សទាំងអស់ វាមានឆន្ទៈខុសគ្នា វាមានទិសដៅខុសគ្នា»។

ពាក់ព័ន្ធនឹងការរួបរួមគ្នា ឬការចងសម្ព័ន្ធភាព របស់គណបក្សនយោបាយមួយចំនួននេះ លោក សុខ ឥសាន អ្នកនាំពាក្យគណបក្សប្រជាជនកម្ពុជា បានលើកឡើងថា គឺជាសិទ្ធិនយោបាយរបស់ពួកគេ ហើយគណបក្សប្រជាជនកម្ពុជា ក៏គ្មានអ្វីគួរឲ្យព្រួយបារម្ភនោះដែរ។

លោកថា «ការរួបរួម ក៏ដូចជាការចងសម្ព័ន្ធភាព រវាងគណបក្សនយោបាយ និងគណបក្សនយោបាយ គឺជាសិទ្ធិនយោ បាយរបស់ពួកគាត់ អត់មានបញ្ហាអីខុសច្បាប់ ឬច្បាប់ហាមឃាត់ទេ ក៏ប៉ុន្តែចំពោះជំហររបស់គណបក្សប្រជាជន គាំទ្រសិទ្ធិនយោបាយ របស់គណបក្សនយោបាយនានា ទីពីរ គឺគណបក្សប្រជាជនកម្ពុជា មិនមានការភ័យខ្លាចអីពីរឿងការចងសម្ព័ន្ធភាព ឬមួយក៏ការបញ្ចូលគ្នារវាងគណបក្សផ្សេងៗ ដែលធ្លាប់ចាញ់ឆ្នោតនោះទេ»៕

អត្ថបទ៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៤ នាទី មុន

អ្នកវិទ្យាសាស្រ្តកំពុងបារម្ភ ខ្លាចផ្ទុះមេរោគ Zombie ចេញពី តំបន់ស៊ីបេរី

ព័ត៌មានអន្ដរជាតិ៨ ម៉ោង មុន

អ៊ុយក្រែនថា ការចូលរួមរបស់ប្រធានាធិបតីចិន ក្នុង “កិច្ចប្រជុំកំពូលសន្តិភាព” ពិតជាសំខាន់ខ្លាំង

ព័ត៌មានអន្ដរជាតិ១១ ម៉ោង មុន

អ្នកការទូតកំពូលរបស់ចិន នឹងពិភាក្សារឿងកោះតៃវ៉ាន់ជាមួយទីប្រឹក្សាសន្តិសុខជាតិអាមេរិក

ព័ត៌មានជាតិ១៣ ម៉ោង មុន

បេក្ខជនជិត ២ពាន់នាក់ នឹងត្រូវចូលរួមប្រឡងជ្រើសរើសគ្រូអប់រំកាយ និងកីឡា ខណៈជ្រើសរើសតែ ១០០នាក់ប៉ុណ្ណោះ

ព័ត៌មានជាតិ១៣ ម៉ោង មុន

លោក លី ធុជ ចូលប្រជុំនៅស្វីស ដើម្បីសម្រេចគោលដៅអាទិភាព ពេលកម្ពុជារៀបចំកិច្ចប្រជុំស្ដីពីពិភពលោកគ្មានមីន

ព័ត៌មានអន្ដរជាតិ៧ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៥ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៦ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៥ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ចរាចរណ៍១ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

Sokha Hotels

ព័ត៌មានពេញនិយម