នយោបាយ
លោក ប្រាក់ សុខុន ប្តេជ្ញាជួបលោកស្រី អ៊ុងសាន ស៊ូជី ឲ្យបាន នៅពេលទៅភូមាម្តងទៀតក្នុងខែកញ្ញាខាងមុខ
ប្រេសិតពិសេសរបស់ប្រធានអាស៊ាន និងជារដ្ឋមន្ត្រីការបរទេសកម្ពុជា លោក ប្រាក់ សុខុន បានអះអាងជាថ្មីថា លោកស្រី អ៊ុងសាន ស៊ូជី នៅតែជាតួអង្គដ៏សំខាន់សម្រាប់ការដោះស្រាយវិបត្តិនយោបាយ ការស្វែងរកសន្តិភាព និងការផ្សះផ្សារជាតិនៅមីយ៉ាន់ម៉ា។ លោក នឹងទៅកាន់មីយ៉ាន់ម៉ាម្តងទៀតនៅក្នុងខែកញ្ញាខាងមុខ ហើយគ្រោងស្នើសុំជួបលោកស្រី អ៊ុងសាន ស៊ូជី ឲ្យខានតែបាន។ លោក ប្រាក់ សុខុន អះអាងបែបនេះនៅក្នុងបទសម្ភាសជាមួយសារព័ត៌មាន Channel News Asia កាលពីថ្ងៃទី២០ ខែកក្កដា កន្លងទៅថ្មីៗនេះ។
ប្រេសិតពិសេសរបស់ប្រធានអាស៊ានបានប្រាប់ Channel News Asiaថា លោកកំពុងរៀបចំផែនការធ្វើដំណើរទស្សនកិច្ចផ្លូវការជាលើកទី៣ ទៅកាន់ប្រទេសមីយ៉ាន់ម៉ា ក្នុងអំឡុងសប្តាហ៍ទីពីរនៃខែកញ្ញា មុន ពេលកិច្ចប្រជុំមហាសន្និបាតអង្គការសហប្រជាជាតិ។ លោក អះអាងថា ដំណើរទៅកាន់មីយ៉ាន់ម៉ាលើកនេះ លោកនឹងស្នើជួបលោកស្រី អ៊ុងសាន ស៊ូជី ឱ្យខានតែបាន ហើយប្រើឥទ្ធិពលរបស់លោកស្រី ដើម្បីបញ្ចប់ វិបត្តិនយោបាយ និងអំពើហឹង្សានៅមីយ៉ាន់ម៉ា។
លោក ប្រាក់ សុខុន លើកឡើងដូច្នេះថា៖ «អ្វីដែលសំខាន់បំផុតដែលយើងនឹងសួរ ឬពិភាក្សាជាមួយលោក ស្រី អ៊ុងសាន ស៊ូជី គឺទស្សនៈរបស់លោកស្រីចំពោះអនាគតប្រទេសមីយ៉ាន់ម៉ា ថាតើលោកស្រីមើលឃើញច្រកចេញពីវិបត្តិដោយរបៀបណា? ហើយឥទ្ធិពលនយោបាយរបស់លោកស្រី អាចមានទម្ងន់លើដំណើរការនយោបាយ និងកិច្ចសន្ទនាបែបណាដែរ»។
លោកបន្តថា ចំណុចសំខាន់មួយទៀត គឺគោលការណ៍អហិង្សារបស់លោកស្រី អាចមានឥទ្ធិពលលើក្រុម ប្រដាប់អាវុធទាំងអស់នៅមីយ៉ាន់ម៉ាដែរឬទេ? ហើយដើម្បីបញ្ឈប់អំពើហិង្សាដោយរបៀបណា។ ដូច្នេះ លោកស្រី អ៊ុងសាន ស៊ូជី នៅតែត្រូវបានចាត់ទុកថា ជាតួអង្គដ៏សំខាន់បំផុតមួយនៅក្នុងប្រទេសមីយ៉ាន់ម៉ា ក្នុងវិស័យនយោបាយ និងសម្រាប់សន្តិភាព និងការផ្សះផ្សារជាតិផងដែរ។
គួររំលឹកដែរថា ក្នុងដំណើរទស្សនកិច្ចផ្លូវការចំនួន ២លើករួចមកហើយរបស់លោក ប្រាក់ សុខុន ត្រូវបានរដ្ឋាភិបាលរបបសឹកយោធាមីយ៉ាន់ម៉ាបដិសេធមិនឱ្យចូលជួបលោកស្រី អ៊ុងសាន ស៊ូជី ខណៈលោកស្រីកំពុងត្រូវបានឃុំខ្លួននៅក្នុងពន្ធនាគារទីក្រុងណៃពិដោ។ លោក ប្រាក់ សុខុន និយាយថា នៅក្នុងដំណើរទស្សនកិច្ចនៅមីយ៉ាន់ម៉ា កាលពីខែមិថុនា ឆ្នាំ២០២២ កន្លងទៅ គឺលោក មីនអ៊ុង ឡាំង បានប្រាប់ថា ការជួបលោកស្រី អ៊ុងសាន ស៊ូជី នៅពេលនោះមិនទាន់អាចធ្វើទៅបានទេ ប៉ុន្តែវាអាចកើតឡើងនៅពេលក្រោយ ដោយហេតុថា លោកស្រីកំពុងបន្តជាប់ដំណើរការក្ដីនៅតុលាការពាក់ព័ន្ធលើបទចោទប្រកាន់ប្រព្រឹត្តអំពើពុករលួយ និងការក្លែងបន្លំការបោះឆ្នោត៕
ដោយ៖ ធឿន វ៉ាន់សុង
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១៤ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានអន្ដរជាតិ១១ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៧ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៧ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ