Connect with us

នយោបាយ

គ​.​ជ​.​ប រៀបចំ​វគ្គ​បណ្ដុះបណ្ដាល ស្ដីពី​ការ​ស្រង់​ស្ថិតិ​ពលរដ្ឋ​ប៉ាន់ស្មាន សម្រាប់​បម្រើឱ្យ​ការ​ការចុះឈ្មោះ​បោះឆ្នោត​ឆ្នាំ​២០២២

បានផុស

នៅ

​គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​) បានរៀបចំ​វគ្គ​បណ្ដុះបណ្ដាល ស្ដីពី ការ​ស្រង់​ស្ថិតិ​ប្រជាពលរដ្ឋ​ប៉ាន់ស្មាន​សម្រាប់​បម្រើឱ្យ​ការពិនិត្យ​បញ្ជី​ឈ្មោះ និង​ការចុះឈ្មោះ​បោះឆ្នោត ឆ្នាំ​២០២២ ជូន​ដល់​ប្រធាន អនុប្រធាន​លេខាធិការដ្ឋាន​រាជធានី ខេត្ត​រៀបចំ​ការបោះឆ្នោត (​លធ​.​ខ​ប​) ប្រធាន​ផ្នែក​សេវាកម្ម​ច្បាប់ និង​បច្ចេកទេស និង​មន្ត្រី គ​.​ជ​.​ប សរុប​ចំនួន​៨៥​នាក់ នៅ​ទីស្ដីការ គ​.​ជ​.​ប ដែល​វគ្គ​បណ្ដុះបណ្ដាល​ធ្វើឡើង​កាលពី​ព្រឹក​ថ្ងៃទី​២៩ ខែកក្កដា ឆ្នាំ​២០២២​នេះ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​ម៉ុក ដា​រ៉ា អគ្គលេខាធិការរង គ​.​ជ​.​ប បាន​ថ្លែង​នៅក្នុង​ពិធី​បើក​វគ្គ​បណ្ដុះបណ្ដាល​នេះ​ថា អនុលោម​តាមច្បាប់​ស្តីពី​ការបោះឆ្នោត​ជ្រើសតាំង​តំណាងរាស្ត្រ គ​.​ជ​.​ប ត្រូវធ្វើ​បច្ចុប្បន្នភាព​បញ្ជី​បោះឆ្នោត​ក្នុង​ឃុំ សង្កាត់ តាមរយៈ​ការពិនិត្យ​បញ្ជី​ឈ្មោះ និង​ការចុះឈ្មោះ​បោះឆ្នោត​ប្រចាំឆ្នាំ ដើម្បីឱ្យ​បញ្ជី​បោះឆ្នោត​មានគុណ​ភាពល្អ​ដែល​ធានាបាន​នូវ ភាព​ពេញលេញ ភាពត្រឹមត្រូវ និង​មាន​បច្ចុប្បន្នភាព​។ ដូច្នេះ​ដើម្បី​សម្រេចបាន​ការងារ​នេះ គ​.​ជ​.​ប ត្រូវអនុវត្ត​ការ​ស្រង់​ស្ថិតិ​ប្រជាពលរដ្ឋ​ប៉ាន់ស្មាន​នៅតាម​ភូមិ ឃុំ សង្កាត់ មុន​ដំណើរការ​នៃ​ការពិនិត្យ​បញ្ជី​ឈ្មោះ និង​ការចុះឈ្មោះ​បោះឆ្នោត​។

លោក​បន្ថែម​ទៀត​ថា ដំណើរការ​ស្រង់​ស្ថិតិ​ប្រជាពលរដ្ឋ មាន​គោលបំណង​ស្រង់​ចំនួន​ប្រជាពលរដ្ឋ​រួម ដែលមាន​សិទ្ធិ​បោះឆ្នោត ចំនួន​អ្នក​មិនទាន់បាន​ចុះឈ្មោះ​បោះឆ្នោត ចំនួន​អ្នក​ទើប​គ្រប់​អាយុ​ចុះឈ្មោះ​បោះឆ្នោត ចំនួន​អ្នក​ដែល​នឹងត្រូវ​លុប​ចេញពី​បញ្ជី​បោះឆ្នោត ដើម្បី​ធ្វើជា​មូលដ្ឋាន​ក្នុងការ​កំណត់​ចំនួន និង​ទីតាំង​ការិយាល័យ​បោះឆ្នោត និង​ការិយាល័យ​ចុះឈ្មោះ​បោះឆ្នោត ព្រមទាំង​កំណត់ និង​ប៉ាន់ស្មាន​ចំនួន​អ្នក​ដែល​មិនទាន់បាន​ចុះឈ្មោះ​បោះឆ្នោត​ទាំងអស់ ចំនួន​អ្នក​ដែល​អាច​មកសុំ​ចុះឈ្មោះ​បោះឆ្នោត​តាម​ឆ្នាំ​នីមួយៗ ក្នុងអំឡុងពេល​នៃ​ការចុះឈ្មោះ​បោះឆ្នោត​តាម​ឃុំ សង្កាត់ ដើម្បីឱ្យ​ការពិនិត្យ​បញ្ជី​ឈ្មោះ និង​ការចុះឈ្មោះ​បោះឆ្នោត​ប្រចាំឆ្នាំ ទទួលបាន​លទ្ធផល​ល្អ​តាម​ការរំពឹងទុក​។

ចំណែក​លោក សោម សូ​រី​ដា ទីប្រឹក្សា និង​ជា​អគ្គលេខាធិការរង គ​.​ជ​.​ប បាន​មាន​ប្រសា​ស​ន៍​ដែរ​ថា ដើម្បី​ផ្តល់​ការគាំទ្រ​ដល់ គ​.​ជ​.​ប ក្នុង​ការងារ​រៀបចំ​បញ្ជី​បោះឆ្នោត​ដែល​ធានាបាន​នូវ​ភាពត្រឹមត្រូវ ភាព​ពេញលេញ និង​មាន​បច្ចុប្បន្នភាព អាជ្ញាធរ និង​អង្គភាព​ពាក់ព័ន្ធ​ទាំងអស់ ត្រូវអនុវត្ត​ការ​ស្រង់​ស្ថិតិ​ប្រជាពលរដ្ឋ​ប៉ាន់ស្មាន​នេះ ជាប្រចាំ​រៀងរាល់ឆ្នាំ​។ ទន្ទឹមនឹងនេះ លោក​បាន​ណែនាំ​ដល់​សិក្ខាកាម​ទាំងអស់ យកចិត្តទុកដាក់​អនុវត្ត​ឱ្យ​ត្រឹមត្រូវ​តាម​សេចក្តីណែនាំ​របស់ គ​.​ជ​.​ប ស្តីពី​ការ​ស្រង់​ស្ថិតិ​ប្រជា​ពល​រដ្ឋ​ប៉ាន់ស្មាន​, ផ្សព្វផ្សាយ​ឱ្យបាន​ទូលំទូលាយ​ដល់​ភាគី​ពាក់ព័ន្ធ​ទាំងអស់​ក្នុង​រាជធានី ខេត្ត​របស់ខ្លួន អំពី​ការងារ​ស្រង់​ស្ថិតិ​, អនុវត្តតាម​ប្រតិទិន​ការងារ​ស្រង់​ស្ថិតិ​ប្រជាពលរដ្ឋ​តាម​ឃុំ សង្កាត់ ដែល​បាន​បែងចែក​ជូន​តាម​រាជធានី ខេត្ត​, យកចិត្តទុកដាក់​ណែនាំ​រំលឹក​ដល់​អាជ្ញាធរ​ឃុំ សង្កាត់ ឱ្យ​ពិនិត្យ​ស្ថានភាព​ទីតាំង ការិយាល័យ​បោះឆ្នោត​នីមួយៗ​ឡើងវិញ និង​ពិនិត្យ ផ្ទៀងផ្ទាត់ និង​បូកសរុប​ស្ថិតិ​ប្រជាពលរដ្ឋ​តាម​ឃុំ សង្កាត់​របស់ខ្លួន​៕

ដោយ ៖ កោះ​កែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ១ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ២ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ២ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៣ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម