នយោបាយ
ប្រធានគណបក្ស៤រូបនេះ ឈរឈ្មោះជាបេក្ខជននៅមណ្ឌលផ្សេងៗគ្នា
គណៈកម្មាធិការជាតិរៀបចំការបោះឆ្នោត (គ.ជ.ប) បានទទួលស្គាល់ជាផ្លូវការលើពាក្យសុំចុះបញ្ជីគណបក្សចំនួន៧ និងកំពុងពិនិត្យលើពាក្យសុំរបស់គណបក្សចំនួន២ផ្សេងទៀត។ គណបក្សដែលបានមកចុះបញ្ជីនៅ គ.ជ.ប គឺភាគច្រើនបានដាក់បញ្ជីបេក្ខជនឈរឈ្មោះនៅ២៥មណ្ឌលរាជធានី-ខេត្ត។ ក្នុងនោះ ប្រធានគណបក្សចំនួន៤ បានឈរជាបេក្ខជននៅមណ្ឌលផ្សេងៗគ្នា ដូចជា រាជធានីភ្នំពេញ ខេត្តកណ្ដាល បន្ទាយមានជ័យ និងខេត្តកំពង់ចាម។

ជាក់ស្ដែង គណបក្សប្រជាជនកម្ពុជា ដែលជាគណបក្សកាន់អំណាចសព្វថ្ងៃបានសម្រេចដាក់បញ្ជីបេក្ខជនឈរឈ្មោះនៅ ២៥មណ្ឌលរាជធានី-ខេត្ត និងមានបេក្ខជនឈរឈ្មោះសរុបចំនួន២៧៤រូប។ សម្ដេចតេជោ ហ៊ុន សែន ដែលជាប្រធាន និងជាបេក្ខជននាយករដ្ឋមន្ត្រីរបស់គណបក្សប្រជាជនកម្ពុជា គឺសម្ដេចបានឈរឈ្មោះជាបេក្ខជនពេញសិទ្ធិលេខរៀងទី១ មណ្ឌលខេត្តកណ្ដាល។
រីឯ ប្រធានគណបក្សហ្វ៊ុនស៊ិនប៉ិច ព្រះអង្គម្ចាស់ នរោត្តម ចក្រាវុធ បានឈរជាបេក្ខជននាយករដ្ឋមន្ត្រី និងឈរឈ្មោះជាបេក្ខជនពេញសិទ្ធិលេខរៀងទី១ មណ្ឌលរាជធានីភ្នំពេញ។ គណបក្សរាជានិយមមួយនេះ បានដាក់ពាក្យស្នើសុំចុះបញ្ជីគណបក្ស និងបញ្ជីបេក្ខជនឈរឈ្មោះការបោះឆ្នោតជ្រើសតាំងតំណាងរាស្ត្រ នីតិកាលទី៧ កាលពីរសៀលថ្ងៃទី១ ខែឧសភា ឆ្នាំ ២០២៣ ដែលបច្ចុប្បន្នកំពុងស្ថិតក្រោមការត្រួតពិនិត្យរបស់ គ.ជ.ប។

ចំណែក គណបក្សខ្មែររួបរួមជាតិ គឺត្រូវបាន គ.ជ.ប ប្រកាសទទួលស្គាល់ជាផ្លូវការហើយលើពាក្យសុំចុះបញ្ជីគណបក្ស និងបញ្ជីបេក្ខជនឈរឈ្មោះនៅ២៥មណ្ឌលរាជធានី-ខេត្ត។ លោក ញឹក ប៊ុនឆៃ ក្នុងនាមជាប្រធានគណបក្សខ្មែររួបរួមជាតិ គឺឈរឈ្មោះជាបេក្ខជនពេញសិទ្ធិលេខរៀងទី១ មណ្ឌលខេត្តបន្ទាយមានជ័យ។

ដោយឡែក គណបក្សយុវជនកម្ពុជា ដែលជាបក្សដ៏ក្មេងខ្ចីមួយនៅកម្ពុជា ក៏ត្រូវបាន គ.ជ.ប ប្រកាសទទួលស្គាល់ជាផ្លូវការលើពាក្យសុំចុះបញ្ជីគណបក្ស និងបញ្ជីបេក្ខជនឈរឈ្មោះក្នុងការបោះឆ្នោតថ្នាក់ជាតិ នាពេលខាងមុខផងដែរ។ ក្នុងនោះ គណបក្សយុវជនកម្ពុជាបានសម្រេចដាក់បញ្ជីបេក្ខជនឈរឈ្មោះនៅ២៥មណ្ឌលរាជធានី-ខេត្ត ដែលមានបេក្ខជនសរុបចំនួន២៦៦រូប ខណៈប្រធានបក្សនេះ គឺលោក ពេជ្រ ស្រស់ ឈរជាបេក្ខជនពេញសិទ្ធិនៅមណ្ឌលខេត្តកំពង់ចាម៕

ដោយ៖ ធឿន វ៉ាន់សុង

-
ព័ត៌មានអន្ដរជាតិ៦ ថ្ងៃ ago
ពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ១ សប្តាហ៍ ago
រុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានអន្ដរជាតិ៤ ថ្ងៃ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៤ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
បច្ចេកវិទ្យា២ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ២ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ១ សប្តាហ៍ ago
ព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៤ ថ្ងៃ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ