Connect with us

នយោបាយ

តើបក្សកាន់អំណាចដាក់មន្ត្រីណាខ្លះ ជាបេក្ខជន តំណាងរាស្ត្រមណ្ឌលដែលមានតែ១អាសនៈ?

បានផុស

នៅ

គណៈកម្មាធិការជាតិរៀបចំការបោះឆ្នោត (គ.ជ.ប) បានទទួលស្គាល់ជាផ្លូវការហើយលើពាក្យសុំចុះបញ្ជីរបស់គណបក្សប្រជាជនកម្ពុជា ដោយបានដាក់បេក្ខជនឈរឈ្មោះនៅ២៥មណ្ឌលរាជធានី-ខេត្ត។ ក្នុងនោះ នៅមណ្ឌលដែលមានតែ១ អាសនៈ គឺបក្សកាន់អំណាចមួយនេះ បានដាក់មន្ត្រីជាន់ខ្ពស់ និងអតីតមេទ័ពឲ្យឈរឈ្មោះជាបេក្ខជនក្នុងការបោះឆ្នោតខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មណ្ឌលមានតែ១អាសនៈសម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣នេះ គឺរួមមាន ខេត្តព្រះវិហារ ខេត្តឧត្តរមានជ័យ ខេត្តប៉ៃលិន ខេត្តកោះកុង ខេត្តកែប ខេត្តស្ទឹងត្រែង ខេត្តរតនគិរី និងខេត្តមណ្ឌលគិរី។ បើតាមបញ្ជីផ្លូវការបេក្ខជនឈរឈ្មោះរបស់គណបក្សប្រជាជនកម្ពុជា ដែល គ.ជ.ប ប្រកាសទទួលជាផ្លូវការ គឺបានឲ្យដឹងថា លោក មាស សុភា បច្ចុប្បន្នមានតំណែងជាទេសរដ្ឋមន្ត្រី និងជាអតីតមេបញ្ជាការកងទ័ពជើងគោក ត្រូវបានឈរឈ្មោះជាបេក្ខជនពេញសិទ្ធិមណ្ឌលខេត្តព្រះវិហារ ខណៈអតីតនាយសេនាធិការចម្រុះកងយោធពលខេមរៈភូមិន្ទ លោក គន់ គីម ឈរជាបេក្ខជនពេញសិទ្ធិមណ្ឌលខេត្ត ឧត្តរមានជ័យ។

រីឯ លោក អ៊ី ឈាន បច្ចុប្បន្នកាន់ជារដ្ឋលេខាធិការក្រសួងការពារជាតិត្រូវឈរឈ្មោះជាបេក្ខជនតំណាងរាស្ត្រពេញសិទ្ធិមណ្ឌលខេត្តប៉ៃលិន លោកទេសរដ្ឋមន្ត្រី ចម ប្រសិទ្ធ រដ្ឋមន្ត្រីក្រសួងឧស្សាហកម្ម ជាបេក្ខជនពេញសិទ្ធិឈរនៅមណ្ឌលខេត្តកែប និងអតីតអភិបាលខេត្តស្ទឹងត្រែង និងជាសមាជិកគណៈកម្មាធិការអចិន្ត្រៃយ៍នៃរដ្ឋសភា លោក ឡូយ សុផាត ត្រូវបន្តឈរឈ្មោះជាបេក្ខជនតំណាងរាស្ត្រមណ្ឌលខេត្តនេះជាថ្មីទៀត។  

ដោយឡែក បេក្ខជនឈរឈ្មោះនៅមណ្ឌលខេត្តរតនគិរី គឺលោក គិត ទ្រី ខណៈសមាជិករដ្ឋសភាក្នុងតំណែងសព្វថ្ងៃចំនួន២រូប គឺលោក ចាន់ យឿន ត្រូវបន្តឈរជាបេក្ខជននៅមណ្ឌលខេត្តមណ្ឌលគិរី និងលោក ដុំ យុហៀន បន្តឈរឈ្មោះជាបេក្ខជនក្នុងការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣នេះ នៅមណ្ឌលខេត្តកោះកុងដដែល៕

ដោយ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ នាទី មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ១ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ១ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង២ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៤ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

Sokha Hotels

ព័ត៌មានពេញនិយម