នយោបាយ
ប្រធានបក្ស៣រូប ឈរឈ្មោះដណ្ដើមកៅអីនៅមណ្ឌលខេត្តកំពង់ចាម
ការបោះឆ្នោតជាតិ អាណត្តិទី៧ ដែលប្រព្រឹត្តទៅនៅថ្ងៃទី២៣ ខែកក្កដាខាងមុខ មានប្រធានគណបក្សនយោបាយចំនួន៣រូប បានឈរឈ្មោះដណ្ដើមអាសនៈតំណាងរាស្ត្រនៃរដ្ឋសភា នៅមណ្ឌលខេត្តកំពង់ចាម ដែលមណ្ឌលនេះមាន១០អាសនៈ។
លោក ម៉ម សូណង់ដូ ជាប្រធានគណបក្សសំបុកឃ្មុំសង្គមប្រជាធិបតេយ្យ បានឈរឈ្មោះជាបេក្ខជនតំណាងរាស្ត្រនៅមណ្ឌលខេត្តកំពង់ចាម។ តាមសេចក្ដីសម្រេចរបស់គណៈកម្មាធិការជាតិរៀបចំការបោះឆ្នោត គណបក្សសំបុកឃ្មុំសង្គមប្រជាធិបតេយ្យ បានដាក់បេក្ខជនឈរឈ្មោះបោះឆ្នោតជ្រើសតាំងតំណាងរាស្ត្រ អាណត្តិទី៧នេះ សរុបចំនួន១១៤នាក់ នៅមណ្ឌលតែ៦រាជធានី-ខេត្តប៉ុណ្ណោះ។ មណ្ឌលឈរឈ្មោះទាំង៦នេះ រួមមាន៖ ខេត្តបាត់ដំបង ខេត្តកំពង់ចាម ខេត្តកណ្ដាល ខេត្តព្រៃវែង ខេត្តស្វាយរៀង និងរាជធានីភ្នំពេញ។
ជាមួយគ្នានេះ ប្រធានគណបក្សយុវជនកម្ពុជា លោក ពេជ្រ ស្រស់ ដែលជាអ្នកនយោបាយជំនាន់ក្រោយ ក៏បានសម្រេចចិត្តឈរឈ្មោះជាបេក្ខជនតំណាងរាស្ត្រ ដើម្បីដណ្ដើមយកអាសនៈរដ្ឋសភា នៅមណ្ឌលខេត្តកំពង់ចាមនេះ។ គណបក្សយុវជនកម្ពុជា បានដាក់បញ្ជីបេក្ខជនឈរឈ្មោះបោះឆ្នោតទាំង២៥មណ្ឌលរាជធានី-ខេត្ត ដែលមានបេក្ខជនសរុបចំនួន ២៦៦នាក់ ស្រីចំនួន៩០នាក់។
ក្រៅពីប្រធានគណបក្សទាំងពីរនេះ គឺមានប្រធានគណបក្សមួយទៀត ក៏បានឈរឈ្មោះនៅមណ្ឌលខេត្តកំពង់ចាមនេះដែរ ខណៈមណ្ឌលមួយនេះមានរហូតដល់១០អាសនៈ នោះគឺប្រធានគណបក្សសញ្ជាតិកម្ពុជា លោក សេង សុខេង។ គណបក្សរបស់លោក សេង សុខេង បានចុះបញ្ជីបេក្ខជនឈរឈ្មោះបោះឆ្នោតនៅ២៥មណ្ឌលរាជធានី-ខេត្ត ដែលមានបេក្ខជនសរុបចំនួន២៦៦នាក់ផងដែរ៕
ដោយ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ