សន្តិសុខសង្គម

ឆ្លងចរន្តអគ្គិសនី បណ្តាលឲ្យឆេះផ្ទះពលរដ្ឋមួយខ្នងអស់ទាំងស្រុង នៅស្រុកពួក

បានផុស

៤ years មុន

នៅ

ថ្ងៃសុក្រ ១០ ធ្នូ ២០២១

ដោយ

ផ្ទះពលរដ្ឋមួយខ្នង ធ្វើពីឈើលើថ្មក្រោម ត្រូវអគ្គិភ័យឆាបឆេះអស់ទាំងស្រុង ដោយសារឆ្លងចរន្តអគ្គិសនី។ ហេតុការណ៍នេះ កើតឡើងនៅវេលាម៉ោង ១៥ និង ៤៥ នាទី កាលពីថ្ងៃទី ០៩ ខែធ្នូ ឆ្នាំ ២០២១ ស្ថិតចំណុចភូមិស្ទឹងព្រះស្រុក ឃុំល្វា ស្រុកពួក ខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ករណីអគ្គិភ័យនេះបណ្ដាលឲ្យខូចខាតទ្រព្យសម្បត្តិដូចជា ផ្ទះ១ខ្នង ទំហំ ៦ម៉ែត្រ x ៧ម៉ែត្រ សង់ពីឈើលើថ្មក្រោម ជញ្ជាំងក្ដារ ប្រក់ក្បឿង(ខូចខាត អស់ទាំងស្រុង)។ទ្រព្យសម្បត្តិក្នុងផ្ទះ ឆេះខ្សែកមាស ទម្ងន់ ៥ជី ខ្សែដៃមាសទំនន់ ៥ជី ចិញ្ចៀនមាស ទម្ងន់ ២ជីប្រាក់ខ្មែរ ៤០,០០០០រៀល ទូរឈើ ចំនួន០២, ស្រូវ ១៣ការុង និងសម្ភារៈប្រើប្រាស់ មួយចំនួនផ្សេងទៀត។ ម្ចាស់ផ្ទះឈ្មោះ តន់ ធី ភេទស្រី អាយុ ៦៣ ឆ្នាំ រស់នៅភូមិឃុំកើតហេតុខាងលើ។

សមត្ថកិច្ចបញ្ជាក់ថា មូលហេតុបណ្តាលមកពី ឆ្លងចរន្តអគ្គិសនី ទើបបណ្តាលឲ្យឆេះ។ សមត្ថកិច្ចបញ្ជាក់ទៀតថា ករណីនេះ ប្រើប្រាស់រថយន្តពន្លត់អគ្គិភ័យរបស់អធិការស្រុកពួកចំនួន ១ គ្រឿង ប្រើប្រាស់ទឹកអស់ចំនួន ០១ រថយន្ត ទើបរត់ទាំងស្រុង តែមិនបណ្តាលឲ្យប៉ះពាល់ដល់ជីវិតមនុស្ស និងសត្វទេ៕