សន្តិសុខសង្គម
នគរបាលម្នាក់ និងបក្ខពួក ត្រូវតុលាការសម្រេចឃុំខ្លួនបណ្ដោះអាសន្ន ក្រោយបាញ់កាំភ្លើងពីរគ្រាប់នៅថ្ងៃឆ្លងឆ្នាំ
ចៅក្រមស៊ើបសួរសាលាដំបូងខេត្តកណ្តាល អ្នកស្រី ពេជ ម៉ារ៉ែន នៅល្ងាចថ្ងៃទី២ ខែមករា ឆ្នាំ ២០២២ បានសម្រេច ចេញដីកាឃុំខ្លួននគរបាលម្នាក់ និងបក្ខពួក ដាក់ពន្ធនាគារបណ្ដោះអាសន្ន ពីបទ “កាន់កាប់អាវុធដោយគ្មានការអនុញ្ញាត និងប្រើប្រាស់អាវុធដោយគ្មានការអនុញ្ញាត” តាមមាត្រា ៤៩០ នៃក្រមព្រហ្មទណ្ឌ និងមាត្រា២០ នៃច្បាប់ស្តីពី ការគ្រប់គ្រងអាវុធគ្រឿងផ្ទុះ និងគ្រាប់រំសេវ។
ជនត្រូវចោទទី១ឈ្មោះផាន់ ហ៊ុយហាក់ ភេទប្រុស អាយុ២៦ឆ្នាំ មុខរបរនគរបាល ទីលំនៅផ្ទះលេខ៨២ ភូមិដំណាក់ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ទី២ឈ្មោះម៉ៅ ជីវិន ភេទប្រុស អាយុ ៣២ឆ្នាំ មុខរបរ អាជីវករ មានទីលំនៅផ្ទះលេខ ២៩ ភូមិ ៦ សង្កាត់ទឹកល្អក់ ៣ ខណ្ឌទួលគោក រាជធានីភ្នំពេញ។
នៅថ្ងៃទី ៣១ ខែធ្នូ ឆ្នាំ ២០២១ វេលាម៉ោង ២២៖ ៥០ នាទីយប់ នៅចំណុចមុខស្ថានីយប្រេងរបស់ ឈ្មោះម៉ាន់ ពិសី ភូមិផ្លូវត្រី ឃុំថ្មគរ ស្រុកល្វាឯម ខេត្តកណ្តាល ជនសង្ស័យទាំង ពីរនាក់បានធ្វើដំណើរតាមរថយន្តមួយគ្រឿងម៉ាកLexus ដោយឈ្មោះផាន់ ហ៊ុយហាក់ ជាអ្នកបើកបរ ពេលមកដល់ចំណុចកើតហេតុប្រជាពលរដ្ឋដែលជាម្ចាស់ស្ថាននីយប្រេងបានឃើញរថយន្តជនសង្ស័យបាញ់កាំភ្លើងចំនួនពីរគ្រាប់ឡើងលើហើយក៏បានទូរស័ព្ទរាយការណ៍មកសមត្ថកិច្ចក្រោយទទួលបានព័ត៌មានសមត្ថកិច្ចនៃអធិការដ្ឋាននគរបាលស្រុកល្វាឯម បានដាក់កម្លាំងគ្រប់បណ្ដាប៉ុស្តិ៍ តាមដងផ្លូវ ដើម្បីឃាត់រថយន្តមួយគ្រឿងរបស់ជនសង្ស័យនេះ។
ពេលរថយន្តជនសង្ស័យ មកដល់ចំណុចជិតស្ពានព្រែកដូនកឹមបានឃើញ រថយន្តស៊ីរ៉ែន របស់សមត្ថកិច្ចក៏បត់រថយន្តត្រឡប់ក្រោយវិញបើកគេច សមត្ថកិច្ចក៏បានបើក រថយន្ដដេញតាម រហូតមកដល់ចំណុចផ្លូវបេតុងក្នុងភូមិពាមតាឯកដល់ ផ្លូវទាល់ទើបរថយន្តជនសង្ស័យមិនអាចបន្តទៅ មុខរួចក៏ឈប់នៅទីនោះសមត្ថកិច្ចបានត្រួតពិនិត្យក្នុងរថយន្តពុំឃើញអាវុធឡើយហើយបាននាំជនសង្ស័យមកសាកសួរនៅចំពោះមុខសម្ថកិច្ចជនសង្ស័យឈ្មោះ ម៉ៅ ជីវិន បានសារភាពថាគេពិត ជាបានបាញ់អាវុធខ្លីចំនួន០២គ្រាប់ឡើងទៅលើចេញពីក្នុងឡានកំពុងបើកនៅចំណុចមុខស្ថានីយ៍ប្រេងអាវុធខ្លីនេះជាអាវុធរបស់ខ្លួនគេផ្ទាល់ដែបានទិញពីមនុស្សម្នាក់មិនស្គាល់ឈ្មោះ ហើយរថយន្តរបស់គេបានបើកសំដៅទៅកំពុងចម្លងអរិយក្សត្រ។
ក្នុងពេលនៅដែលបានពិនិត្យជាតិអាកុលទៅលើជនសង្ស័យឈ្មោះ ផាន់ ហ៊ុយហាក់ ដែលជាអ្នកបើករថយន្ត មានជាតិអាកុលចំនួន 0.092Mg/L៕
អត្ថបទ៖ ឆៃ យ៉ា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?