សន្តិសុខសង្គម
សមត្ថកិច្ចបំភ្លឺ ក្រោយគណនីហ្វេសប៊ុកមួយថា ឃាត់រថយន្ត ដោយគ្មានបទល្មើសអ្វីទាំងអស់
សមត្ថកិច្ចរាជធានីភ្នំពេញ បានចេញសេចក្ដីបំភ្លឺ និងបដិសេធ ចំពោះការបង្ហោះនៅលើគណនីហ្វេសប៊ុកមួយ ដែលថា មានការឃាត់រថយន្តមួយគ្រឿង ដោយមិនមានបទល្មើសអ្វីទាំងអស់។
ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ នៅរសៀលថ្ងៃទី ១៨ ខែមករា ឆ្នាំ ២០២២នេះ បានឲ្យដឹងថា បន្ទាប់បានឃើញគណនីហ្វេសប៊ុកមួយ បានចុះផ្សាយថា «ផ្លូវជាតិលេខ ៤ ខណ្ឌកំបូល ឡានមិនមានបទល្មើសអ្វីទាំងអស់ (ខ្សែក្រវ៉ាត់ក៏ពាក់ ទូរស័ព្ទក៏មិនបាននិយាយ) ប៉ុន្តែប៉ូលិសឃាត់ ដោយមិនបានប្រាប់ថា យើងខុសអីនោះទេ គឺហៅសួររកឯកសារឡាន និងប័ណ្ណបើកបរម៉ង»។
សមត្ថកិច្ចរាជធានីភ្នំពេញ បានបំភ្លឺថា តាមពិតជាក់ស្តែង ក្រោយពីសមត្ថកិច្ចធ្វើការស្រាវជ្រាវ និងសួរមន្ត្រីអនុវត្តតាមគោលដៅ គឺមិនមានករណីនេះកើតឡើងនោះទេ។ សមត្ថកិច្ច បានបន្តថា ការអនុវត្តរឹតបន្តឹងច្បាប់ចរាចរណ៍ផ្លូវគោក គឺអនុវត្តតាមច្បាប់ត្រឹមត្រូវ មិនមានការអនុវត្តន៍ លើសសេចក្តីណែនាំរបស់ច្បាប់ ក៏ដូចជាការណែនាំរបស់ថ្នាក់នាំឡើយ។
ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ បានលើកឡើងថា ការចុះផ្សាយព័ត៌មានមិនពិតនេះ មានលក្ខណៈបំភ្លើស ក្នុងន័យបង្ខូចកិត្តិយសរបស់កងកម្លាំងអនុវត្តន៍ច្បាប់ ហើយពេលនេះសមត្ថកិច្ច កំពុងធ្វើការស្រាវជ្រាវរកគណនីហ្វេសប៊ុកខាងលើ ដើម្បីចូលមកបកស្រាយបំភ្លឺ លើករណីផ្សព្វផ្សាយព័ត៌មានមិនពិតនេះ៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង