សន្តិសុខសង្គម

ចាប់ខ្លួនក្មេងទំនើង ៤ នាក់ ដេញកាប់គ្នាប្រសាចពេញផ្លូវ នៅខណ្ឌមានជ័យ

បានផុស

២ years មុន

នៅ

ថ្ងៃសៅរ៍ ២៦ កុម្ភៈ ២០២២

ដោយ

កម្លាំងល្បាតមូលដ្ឋានអាវុធហត្ថខណ្ឌមានជ័យ រាជធានីភ្នំពេញ បានធ្វើការឃាត់ខ្លួនជនសង្ស័យ ៤ នាក់ ពាក់ព័ន្ធករណីដេញកាប់គ្នាដោយប្រើ កាំបិតប៉័ងតោ ដុំថ្ម និងពូថៅ នៅចំណុចស្ថានីយប្រេងឥន្ធនៈ តូតាល់ ភូមិដំណាក់ធំ ៤ សង្កាត់ស្ទឹងមានជ័យទី ២ ខណ្ឌមានជ័យ រាជធានីភ្នំពេញ កាលពីវេលាម៉ោង ២០ និង ០០ នាទី កាលពីថ្ងៃទី ២៤ ខែកុម្ភៈ ឆ្នាំ ២០២២ ។

អាវុធហត្ថរាជធានីភ្នំពេញ ប្រាប់អោយដឹងថា ជនសង្ស័យទាំង ៤ នាក់ ១.ឈ្មោះ កែវ សម័យ ភេទប្រុស អាយុ ១៦ ឆ្នាំ, ២.ឈ្មោះ កន សុភ័ក្ត្រា ភេទប្រុស ហៅគឺត អាយុ ២០ ឆ្នាំ, ៣.ឈ្មោះ ណាង វណ្ណៈ ភេទប្រុស អាយុ ២០ ឆ្នាំ, ៤.ឈ្មោះ ហេង គឹមស្រ៊ីន ភេទប្រុស អាយុ ២២ ឆ្នាំ មុខរបរកម្មករសិប្បកម្មងៀតគោ ស្នាក់នៅភូមិដំណាក់ធំ ៤ សង្កាត់ស្ទឹងមានជ័យទី ២ ខណ្ឌមានជ័យ រាជធានីភ្នំពេញ ចាប់វត្ថុតាងរួមមាន កាំបិតប៉័ងតោ ២, ពូថៅ ១, កាបូបស្ពាយសម្រាប់ដាក់កាំបិត ១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះជនសង្ស័យទាំង ៤ នាក់ រួមនឹងវត្ថុតាង ត្រូវបានបញ្ជូនទៅការិយាល័យប្រឆាំងបទល្មើសព្រហ្មទណ្ឌ កងរាជអាវុធហត្ថរាជធានីភ្នំពេញ ដើម្បីកសាងសំណុំរឿងបញ្ជូនទៅតុលាការ ចាត់ការតាមនីតិវិធី ៕

អត្ថបទ៖ រ៉ាវុទ្ធ

Related Topics:ក្មេងទំនើង