សន្តិសុខសង្គម

ឃាត់ខ្លួនពលករខ្មែរ ក្រោយសង្ក្រាន្ត ១ សប្តាហ៍ បានជាង ៥០០ នាក់

បានផុស

២ years មុន

នៅ

ថ្ងៃអង្គារ ២៦ មេសា ២០២២

ដោយ

តែក្នុងរយៈពេល ១ សប្តាហ៍ប៉ុណ្ណោះ ក្រោយពីសង្ក្រាន្តឆ្នាំថ្មីត្រូវបានបញ្ចប់ អាជ្ញាធរថៃឃាត់ខ្លួនពលករខ្មែរបានជាង ៥០០ នាក់ ខណៈដែលពួកគេលបឆ្លងដែនទៅរកការងារធ្វើនៅក្នុងប្រទេសថៃវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់ភាគីថៃក្នុងខេត្តស្រះកែវបានបញ្ជាក់ថា ក្រោយពីពិធីបុណ្យចូលឆ្នាំត្រូវបានបញ្ចប់ គឺពលករខ្មែរចាប់ផ្តើមសម្រុកចូលទៅរកការអារធ្វើយ៉ាងពពាក់ពពូន ស្ទើរគ្រប់ច្រកល្ហក តាមបណ្តោយព្រំដែនកម្ពុជា-ថៃ លើទឹកដីខេត្តស្រះកែវ ដែលសុទ្ធសឹងគ្មានច្បាប់អនុញ្ញាត ។ បន្ទាប់ពីទទួលបានបទបញ្ជាពីអភិបាលខេត្តស្រះកែវ ដែលបានបញ្ជាឲ្យកម្លាំងដែលឈរជើង ពង្រឹងលើកិច្ចការពារព្រំដែនរួចមក ទាំងកម្លាំងកងរយលេខ ១១១ និងកម្លាំងការពារព្រំដែនលេខ ១២ – ១៣ បានចេញល្បាតត្រួតពិនិត្យ ២៤ ម៉ោង លើ ២៤ ម៉ោង ដើម្បីទប់ស្កាត់ការវិលត្រឡប់របស់ពលករខ្មែរដែលលបចូលដោយខុសច្បាប់។

ជាក់ស្តែង តែក្នុង ១ ថ្ងៃ គឺថ្ងៃទី ១៦ មេសា ក្រោយសង្ក្រាន្តឆ្នាំថ្មី ទាហានឈុតខ្មៅថៃបានឃាត់ខ្លួនពលករខ្មែរ បានជាង ១០០ នាក់ លុះចាប់ពីថ្ងៃទី ២០ ដល់ថ្ងៃទី ២៥ ខែមេសា កន្លងទៅនេះ ទាហានថៃឃាត់ពលករខ្មែរបន្ថែមទៀត រហូតបានជាង ៥០០ នាក់ នេះបើគិតត្រឹមរយៈពេលតែ ១ សប្តាហ៍ ប៉ុណ្ណោះ។

បើតាមចម្លើយរបស់ពួកគេគឺភាកច្រើន ពលករខ្មែរតែងតែសំងំនៅចំណុច ភូមិល្វា ឃុំបឹងបេង ស្រុកម៉ាឡៃ ខេត្តបន្ទាយមានជ័យ ហើយឆ្លងចូលទឹកដីថៃត្រង់ចំណុច ព្រំប្រទល់ស្រុកអារញ្ញប្រាថេត និងស្រុកខ្លងហាត រីឯមួយចំនួនទៀត លបឆ្លងតាមច្រករបៀងក្នុងទឹកដីខេត្តស្រះកែវដូចគ្នា។ ដែលបច្ចុប្បន្នអាជ្ញាធរថៃនៅតែបន្តទប់ស្កាត់យ៉ាងតឹងរឹងទៅលើការលបឆ្លងដែនខុសច្បាប់ជាប្រចាំ៕

អត្ថបទ៖ សោ និយមរ័ត្ន

Related Topics:

Up Next

ទើបត្រឡប់មកពីប្រទេសថៃបានមួយយប់ ចេញកាច់សោ.ក ម៉ូតូ តែមិនបានសម្រេច

Don't Miss

មន្ត្រីជលផលដឹកនាំកម្លាំងចុះបង្ក្រាបបទល្មើសនេសាទទ្រង់ទ្រាយធំ ខណៈថ្ងៃឱសានវាទកាន់តែបោះជំហានទៅមុខ