សន្តិសុខសង្គម
លេងសើចក្នុងវង់ផឹកស៊ី ទាស់ពាក្យសម្ដីចាក់សម្លាប់ស្លាប់ម្នាក់ និងរបួសធ្ងន់ម្នាក់
បុរសម្នាក់បានស្លាប់នៅកន្លែងកើតហេតុ និងម្នាក់ទៀតរងរបួសធ្ងន់ ក្រោយទាស់ពាក្យសម្ដីគ្នាជាមួយជនដៃដល់ក្នុងវង់ផឹកស៊ី ធ្វើឲ្យជនដៃដល់យកកាំបិតចុងស្រួចចាក់សម្លាប់រួចគេចខ្លួនបាត់។
ករណីនេះបានកើតឡើងកាលពីវេលាម៉ោង១០យប់ ថ្ងៃទី១២ ខែឧសភា ឆ្នាំ២០២២ ស្ថិតនៅក្នុងតំបន់ក្រុមហ៊ុន ញូញៀន ចំណុចពយស្ងាវ ភូមិពាមកាយ ឃុំកោះស្តេច ស្រុកគិរីសាគរ ខេត្តកោះកុង។
លោក ព្រហ្ម សុវណ្ណី អធិការនគរបាលស្រុកគិរីសាគរ ឱ្យដឹងនៅព្រឹកថ្ងៃទី១៣ ខែឧសភា នេះថា ករណីឃាតកម្មនេះ បង្កឡើងដោយជនដៃដល់ឈ្មោះ សៀន ស៊ីន ភេទប្រុស អាយុ៤០ឆ្នាំ ជនជាតិខ្មែរ មុខរបរកម្មករ មានទីលំនៅស្រុកពារាំង ខេត្តព្រៃវែង បានយកកូនកាំបិតចុងស្រួចចាក់ទៅលើជនរងគ្រោះ២នាក់បងប្អូនជីដូនមួយ។
លោកអធិការបានបន្ថែមថា ជនរងគ្រោះទី១-ឈ្មោះ ឌឹម សម្បត្តិ ភេទប្រុស អាយុ៤២ឆ្នាំ ជនជាតិខ្មែរ មុខរបរកម្មករ មានទីលំនៅភូមិសាមគ្គី ឃុំព្រៃព្នៅ ស្រុកពារាំង ខេត្តព្រៃវែង ស្លាប់នៅនឹងកន្លែង។ ទី២ឈ្មោះ ទាន កែវ ភេទប្រុស អាយុជាង៣០ឆ្នាំ ជនជាតិខ្មែរ មុខរបរកម្មករ មានទីលំនៅស្រុកពារាំង ខេត្តព្រៃវែង បានរងរបួសធ្ងន់។ ចំណែកជនដៃដល់បានរត់គេចខ្លួនបាត់ស្រមោល ខណៈទើបតែមកចូលធ្វើការបាន២ទៅ៣ថ្ងៃមកនេះ។
លោកអធិការបានបញ្ជាក់ថា មូលហេតុឱ្យមានការចាក់សម្លាប់គ្នានេះ គឺបណ្តាលមកពីផឹកស្រាស្រវឹងនិយាយលេងសើចជ្រុលជ្រួសក៏ទាស់ពាក្យសម្តីគ្នា។ ទាំង៣នាក់ស្នាក់នៅបណ្តោះអាសន្នធ្វើការងារសំណង់នៅចំណុចកើតហេតុខាងលើ។ កម្លាំងជំនាញកំពុងធ្វើការស្រាវជ្រាវរកចាប់ខ្លួនជនដៃដល់ដើម្បីផ្ដន្ទាទោសតាមភ្លូវច្បាប់៕
អត្ថបទ៖ សិរីវឌ្ឍនៈ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ