Connect with us

សន្តិសុខសង្គម

លេងសើចក្នុងវង់ផឹកស៊ី ទាស់ពាក្យសម្ដីចាក់សម្លាប់ស្លាប់ម្នាក់ និងរបួសធ្ងន់ម្នាក់

បានផុស

នៅ

បុរសម្នាក់បានស្លាប់នៅកន្លែងកើតហេតុ និងម្នាក់ទៀតរងរបួសធ្ងន់ ក្រោយទាស់ពាក្យសម្ដីគ្នាជាមួយជនដៃដល់ក្នុងវង់ផឹកស៊ី ធ្វើឲ្យជនដៃដល់យកកាំបិតចុងស្រួចចាក់សម្លាប់រួចគេចខ្លួនបាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីនេះបានកើតឡើងកាលពីវេលាម៉ោង១០យប់ ថ្ងៃទី១២ ខែឧសភា ឆ្នាំ២០២២ ស្ថិតនៅក្នុងតំបន់ក្រុមហ៊ុន ញូញៀន ចំណុចពយស្ងាវ ភូមិពាមកាយ ឃុំកោះស្តេច ស្រុកគិរីសាគរ ខេត្តកោះកុង។

លោក ព្រហ្ម សុវណ្ណី អធិការនគរបាលស្រុកគិរីសាគរ ឱ្យដឹងនៅព្រឹកថ្ងៃទី១៣ ខែឧសភា នេះថា ករណីឃាតកម្មនេះ បង្កឡើងដោយជនដៃដល់ឈ្មោះ សៀន ស៊ីន ភេទប្រុស អាយុ៤០ឆ្នាំ ជនជាតិខ្មែរ មុខរបរកម្មករ មានទីលំនៅស្រុកពារាំង ខេត្តព្រៃវែង បានយកកូនកាំបិតចុងស្រួចចាក់ទៅលើជនរងគ្រោះ២នាក់បងប្អូនជីដូនមួយ។

លោកអធិការបានបន្ថែមថា ជនរងគ្រោះទី១-ឈ្មោះ ឌឹម សម្បត្តិ ភេទប្រុស អាយុ៤២ឆ្នាំ ជនជាតិខ្មែរ មុខរបរកម្មករ មានទីលំនៅភូមិសាមគ្គី ឃុំព្រៃព្នៅ ស្រុកពារាំង ខេត្តព្រៃវែង ស្លាប់នៅនឹងកន្លែង។ ទី២ឈ្មោះ ទាន កែវ ភេទប្រុស អាយុជាង៣០ឆ្នាំ ជនជាតិខ្មែរ មុខរបរកម្មករ មានទីលំនៅស្រុកពារាំង ខេត្តព្រៃវែង បានរងរបួសធ្ងន់។ ចំណែកជនដៃដល់បានរត់គេចខ្លួនបាត់ស្រមោល ខណៈទើបតែមកចូលធ្វើការ​បាន២ទៅ៣​ថ្ងៃមកនេះ។

លោកអធិការបានបញ្ជាក់ថា មូលហេតុឱ្យមានការចាក់សម្លាប់គ្នានេះ គឺបណ្តាលមកពីផឹកស្រាស្រវឹងនិយាយលេងសើចជ្រុលជ្រួសក៏ទាស់ពាក្យសម្តីគ្នា។ ទាំង៣នាក់ស្នាក់នៅបណ្តោះអាសន្នធ្វើការងារ​សំណង់នៅចំណុចកើតហេតុខាងលើ។ កម្លាំងជំនាញកំពុងធ្វើការស្រាវជ្រាវរកចាប់ខ្លួនជនដៃដល់ដើម្បីផ្ដន្ទាទោសតាមភ្លូវច្បាប់៕

អត្ថបទ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម