សន្តិសុខសង្គម
ឃាត់ខ្លួនជនសង្ស័យ៣នាក់ ពាក់ព័ន្ធករណីឆបោក និងរំលោភលើទំនុកចិត្ត
ប៉ៃលិន ៖ នៅវេលាម៉ោង ០៤ និ ង ០០នាទី ទៀបភ្លឺថ្ងៃទី២៧ ខែឧសភា ឆ្នាំ២០២២ លោកវរសេនីយ៍ឯក ហ៊ីង យ៉ាន់ នាយការិយាល័យ នគរបាល ព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តប៉ៃលិន បានដឹកនាំកម្លាំងការិយាល័យនគរបាលព្រហ្មទណ្ឌកម្រិតស្រាល សហការ កម្លាំងវេនប្រចាំបញ្ជា របស់អធិការដ្ឋាននគរបាលក្រុងប៉ៃលិន ចុះប្រតិបត្តិការធ្វើការស្រាវជ្រាវ ស៊ើបអង្កេត ឃាត់ខ្លួនជនសង្ស័យចំនួន ០៣នាក់ នៅចំណុចទល់មុខសណ្ឋាគារប៉ៃលិនស៊ីធី ស្ថិត ក្នុងភូមិអូរតាពុកលើ សង្កាត់ប៉ៃលិន ក្រុងប៉ៃលិន ។
ការឃាត់ខ្លួនជនសង្ស័យនេះ ធ្វើឡើងដោយអនុវត្តន៍តាមបទបញ្ជាដឹកនាំដ៏ខ្ពង់ខ្ពស់ របស់លោកឧត្តមសេនីយ៍ ទោ សេង សុគន្ធ ស្នងការ នៃ ស្នងការដ្ឋាន នគរបាល ខេត្តប៉ៃលិន លោក ឧត្តមសេនីយ៍ត្រី ស្រី សាម៉ុន ស្នងការរង ផែន ការងារ នគរបាល ព្រហ្មទណ្ឌ និងដោយមានការ សម្របសម្រួល នីតិវិធី ដោយ ឯកឧត្តម សេង គីមឡាក់ ព្រះរាជអាជ្ញា នៃ អយ្យការ អម សាលាដំ បូងខេត្តប៉ៃលិន។
បើតាមលោកវរសេនីយ៍ឯក ហ៊ីង យ៉ាន់ នាយការិយាល័យ នគរបាល ព្រហ្មទណ្ឌ កម្រិត ស្រាល នៃស្នងការដ្ឋាននគរបាលខេត្តប៉ៃលិន បានឲ្យដឹងថា ជនសង្ស័យទី១ឈ្មោះ គីម ដារ៉ា ហៅ (រ័ត្ន ថា) ភេទប្រុស អាយុ ៤០ឆ្នាំ ជនខ្មែរ (កូនកាត់វៀតណាម) មុខរបរមិនពិតប្រាកដ ទីកន្លែងកំណើតភូមិចំការតាម៉ៅ ឃុំស្រែថ្មី ស្រុករលាប្អៀរ ខេត្តកំពង់ឆ្នាំង មានទីកន្លែងស្នាក់នៅបណ្តោះអាសន្ន ភូមិត្រពាំងព្រីង សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង ទី២-ឈ្មោះ យ៉ូន រ៉ាវុធ ភេទប្រុស អាយុ ៣៥ឆ្នាំ ជាតិ ខ្មែរ មុខរបរ (រត់តាក់ស៊ី) ជាម្ចាស់រថយន្ត មានទីកន្លែងកំណើតៈ ភូមិស្វាយទាប ឃុំស្វាយទាប ស្រុកចំការលើ ខេត្តកំពង់ចាម ទី លំនៅ បច្ចុប្បន្នៈ ភូមិ តាញ៉ោក ឃុំ ប្រាសាទ ស្រុកសន្ទុក ខេត្ត កំពង់ ធ។ និងទី៣-ឈ្មោះ ឆៃ គឹម ធឿន ភេទប្រុស អាយុ ៣៤ឆ្នាំ ជាតិ ខ្មែរ មុខរបរ (រត់តាក់ស៊ី) ទីកន្លែងកំណើត និងទីលំនៅបច្ចុប្បន្នៈ ភូមិផ្សារកណ្តាល១ សង្កាត់ផ្សារកណ្តាល ខ័ណ្ឌដូនពេញ រាជធានីភ្នំពេញ។ចំណែកវត្ថុតាងដកហូតរួមមាន៖
១-រថយន្ត ម៉ាក់ LEXUS RX 330 ពណ៌ខ្មៅ ឆ្នាំផលិត ២០០៤ ពាក់ស្លាកលេខៈ ភ្នំ ពេញ 2AD-2471
២-ទូរស័ព្ទដៃចំនួន ០៣គ្រឿងៈ
-ម៉ាក iPhone7 ចំនួនៈ ០១គ្រឿង
-ម៉ាក Samsung Note9 ចំនួនៈ ០១គ្រឿង
-ម៉ាក Oppo A31 ចំនួនៈ ០១គ្រឿង
-ម៉ាក Nokia ចំនួនៈ ០១គ្រឿង
៣-សៀវភៅគ្រួសារចំនួនៈ ០១ក្បាល
៤-រូបថតចំនួនៈ ១០សន្លឹក
៥-លោហៈធាតុពណ៌លឿងចំនួន ០២ខ្សែ មួយខ្សែៗប្រវែង ៦០ស.ម (ហុកសិបសង់ទីម៉ែត្រ)ផងដែរ។ លោកវរសេនីយ៍ឯក ហ៊ីង យ៉ាន់ នាយការិយាល័យ នគរបាល ព្រហ្មទណ្ឌ កម្រិត ស្រាល ក៏បានបញ្ជាក់ដែរថា៖ ការឃាត់ខ្លួនជនសង្ស័យខាងលើ ធ្វើឡើងដោយមានការស្នើសុំ ឲ្យជួយអន្តរាគមន៍ពីលោក វរសេនីយ៍ឯក ហោ វុទ្ធី នាយការិយាល័យនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តស្ទឹងត្រែង កាលពីថ្ងៃទី២៦ ខែឧសភា ឆ្នាំ២០២២ វេលាម៉ោង ០៨ និង ៤៩នាទី ពាក់ព័ន្ធនឹងករណីឆបោក និងរំលោភលើទំនុកចិត្ត នៅខេត្តស្ទឹងត្រែង។
បច្ចុប្បន្នជនសង្ស័យទាំង ០៣នាក់ រួមទាំងវត្ថុតាងខាងលើ ត្រូវបានធ្វើការឃាត់ខ្លួន និងរក្សាទុកជាបណ្តោះអាសន្ននៅការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តប៉ៃលិន ដើម្បីរង់ចាំម្ចាស់ករណីមកទទួលយកទៅចាត់ការ បន្ត តាម នីតិវិធី បន្ត៕
ដោយ ៖ អត្ថបទ សេង សុវណ្ណារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ