សន្តិសុខសង្គម
ខណ្ឌរដ្ឋបាលជលផលស្ទឹងត្រែងអំពាវនាវឲ្យអ្នកនេសាទប្រគល់ឧបករណ៍នេសាទខុសច្បាប់
ខណ្ឌរដ្ឋបាលជលផលស្ទឹងត្រែងអំពាវនាវដល់អ្នកធ្វើនេសាទទាំងអស់ ត្រូវបញ្ឈប់ការប្រើឧបករណ៍ឆក់ត្រី ព្រោះវាជាទង្វើរខុសច្បាប់ ហើយទទូចឱ្យអ្នកនេសាទយកមកខុសច្បាប់នោះប្រគល់ជូនមន្ត្រីជំនាញនិងអាចរួចផុតពីការមានទោសទណ្ឌផងដែរ។
លោក ស្រី សំវិចិត្រ នាយខណ្ឌជលផលខេត្ត បានបញ្ចាក់ថា៖ ការលួចប្រើប្រាស់ឧបករណ៍ ឆក់ក្តៅ ឆក់ត្រជាក់ និងខ្លះទៀតផលិតស្មាបាញ់សម្លាប់ត្រីមេពូជធំៗ ដែលវាកំពុងពងនៅក្នុងសំបុកវាជាការបំផ្លាញសម្បត្តិធនធាន មច្ឆជាតិរបស់ខ្លួនឯង ហើយកន្លងមកថ្មីៗនេះអ្នកខ្លះក៍ទទួលគ្រោះថ្នាក់ឆក់ស្លាប់ខ្លួនឯងផងដែរ។
លោកបន្តថា៖ ប្រការនេះ សូមការអំពាវនាវទៅប្រជាពលរដ្ឋ ឬអ្នកធ្វើនេសាទទាំងអស់ ត្រូវតែហ៊ានរាយការណ៍ជូនអាជ្ញាធរពាក់ព័ន្ធ ប្រសិនបើប្រទះឃើញជនសង្ស័យណាមួយ លួចលាក់ប្រើប្រាស់ឧបករណ៍នេសាទខុសច្បាប់។ការប្រើឧបករណ៍នេសាទខុសច្បាប់ដូចជាការឆក់អាចនឹងមានទោសទណ្ឌថែមទៀតផង ដូច្នេះអ្នកនេសាទដែលប្រកបរបរនេសាទខុសច្បាប់ ត្រូវហ៊ានយកឧបករណ៍ដោយខុសច្បាប់ទាំងនោះ មកប្រគល់ឲ្យសមត្ថកិច្ចជំនាញអាច នឹងរួចផុតពីការមានទោស។
លោកមែនសារឿនមេភូមិរិទ្ធីសែនជ័យ២ឃុំអូរស្វាយបានបញ្ចាក់ថា៖លោកបានចូលរួមធ្វើការផ្សព្វផ្សាយនិងអំពាវនាវប្រជាសហគមន៍នេសាទ ជួយទប់ស្កាត់បទល្មើសនៅរដូវបិទនេសាទនេះផងដែរ ដើម្បីអភិរក្សត្រីមេពូជឱ្យសំបូរបែបឡើងវិញ។
លោកបន្តថា៖ច្បាប់ជលផលអាជ្ញាធរបានផ្សព្វផ្សាយបានទូលាយរួចមកហើយ សមល្មមតែចូលរួមគោរពនិងអនុវត្តទាំងអស់គ្នា បញ្ឈប់ប្រព្រឹត្តបទល្មើសទាំងនេះបើពុំនោះទេ នឹងអាចមានទោសថែមទៀត។
សូមបញ្ជាក់ថា៖កន្លងមកថ្មីៗនេះ ក៏មានប្រជាពលរដ្ឋម្នាក់ នៅភូមិរិទ្ធីសែនជ័យ២ ឃុំអូរស្វាយបានប្រើឧបករណ៍ឆក់ត្រី នៅតាមអូរត្រូវ ឆក់ខ្លួនឯងស្លាប់ ដើម្បីចៀសវាងនូវអំពើខុសច្បាប់ និងមានគ្រោះថ្នាក់ដល់ខ្លួនឯង អ្នកនេសាទដឹងថាជាអំពើខុសច្បាប់ ត្រូវយកឧបករណ៍ទាំងនោះ ប្រគល់ឲ្យសមត្ថកិច្ចជំនាញធ្វើការកម្ទេចចោល៕
អត្ថបទ៖ ងិនលីម
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»