សន្តិសុខសង្គម
ម្ចាស់ផ្ទះសំណាក់ សណ្ឋាគារ ត្រូវថតចម្លងអត្តសញ្ញាណប័ណ្ណ ឬ ប៉ាសស្ព័រ របស់ភ្ញៀវទេសចរ
លោក ហួត ហៃ អភិបាលរងរាជធានីភ្នំពេញតំណាងលោក ឃួង ស្រេង អភិបាល នៃគណៈអភិបាលរាជធានីភ្នំពេញ បានធ្វើការណែនាំឲ្យម្ចាស់អាជីវកម្មផ្ទះសំណាក់ សណ្ឋាគារ និងខុនដូទាំងអស់នៅក្នុងរាជធានីភ្នំពេញ ត្រូវតែគូបពីអត្តសញ្ញាណប័ណ្ណ ឬ ប៉ាសស្ព័រ សម្រាប់ភ្ញៀវគ្រប់រូប ដែលចូលស្នាក់នៅទីតាំងរបស់ខ្លួន ដើម្បីបង្ការទប់ស្កាត់បទល្មើសផ្សេងៗ។
ការណែនាំបែបនេះរបស់លោក ហួត ហៃ បានធ្វើឡើងក្នុងកិច្ចប្រជុំស្តីអំពីការពង្រឹងសន្តិសុខ សុវត្ថិភាព នៅតាមបណ្តាមូលដា្ឋនអាជីវកម្ម សេវាកម្មស្នាក់នៅទេសចរណ៍ នៅថ្ងៃទី ១៦ ខែកញ្ញានេះ នៅសាលារាជនីភ្នំពេញ។
លោក ហួត ហៃ បានមានប្រសាសន៍លើកឡើងថា ការអញ្ជើញបងប្អូនជាម្ចាស់អាជីវកម្ម សេវាកម្ម ផ្នែកទេសចរណ៍ ខុនដូ មកគឺរដ្ឋបាលរាជធានីភ្នំពេញចង់ណែនាំឱ្យម្ចាស់អាជីវកម្មវិស័យនេះអនុវត្តឱ្យបានត្រឹមត្រូវដោយយកចិត្តទុកដាក់ចំពោះភ្ញៀវដែលស្នាក់នៅផ្ទះសំណាក់ សណ្ឋាគារ និងខុនដូរបស់ខ្លួនឲ្យបានត្រឹមត្រូវ និងម៉ត់ចត់ដោយសារកន្លងមកអ្នកដែលបានស្នាក់នៅមួយចំនួនបានធ្វើសកម្មភាពបង្ករបទល្មើសផ្សេងៗនៅក្នុងទីតាំងដែលខ្លួនស្នាក់នៅ។
រដ្ឋបាលរាជធានីភ្នំពេញជំរុញឲ្យម្ចាស់ទីតាំងទាំងអស់ត្រូវតែតថតចម្លងអត្តសញ្ញាណប័ណ្ណ ឬ ប៉ាសស្ព័រ សម្រាប់ភ្ញៀវគ្រប់រូប ដែលចូលស្នាក់នៅទីតាំងរបស់ខ្លួន ដើម្បីបង្ការទប់ស្កាត់បទល្មើស។
លោក ហួត ហៃ បន្ថែមថា «តែបើបទល្មើសផ្សេងៗកើតមានឡើង យើងមានអត្តសញ្ញាណជនសង្ស័យដែលអាចឲ្យយើងសាវជ្រាវឈានទៅដល់ការឃាត់ខ្លួនជនទាំងនោះមកដាក់ទោសតាមផ្លូវច្បាប់បាន»។
បន្ថែមពីនេះ លោក ហួត ហៃ ក៏បានជំរុញម្ចាស់អាជីវកម្ម សេវាកម្ម ផ្នែកទេសចរណ៍ទាំងអស់ដែលមិនទាន់មានច្បាប់អនុញ្ញាតសូមមកសុំច្បាប់អាជីវកម្មរបស់ខ្លួនឲ្យបានត្រឹមត្រូវតាមរយៈច្រកចេញ-ចូលតែ១ នៅថ្នាក់ខណ្ឌ និងអង្គភាពនៅថ្នាក់រាជធានី៕
អត្ថបទ៖ ស្រីរ័ត្ន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១២ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)