សន្តិសុខសង្គម
ធ្លាយរឿងប្រធានសាខា ក.ប.ប. តាកែវ ទារលុយពីម្ចាស់ស្ថានីយឥន្ធនៈ ១ ខែ ដល់ ៦០ ម៉ឺនរៀល
មានប្រភពបែកធ្លាយជាច្រេីនលេីកឡេីងថា ប្រធានសាខាកាំងកុងត្រូលខេត្តតាកែវ ហៅកាត់ថា ក.ប.ប. បានដើរដាក់កំហិតទៅម្ចាស់ស្ថានីយប្រេងក្នុងខេត្ត ត្រូវបង់លុយឱ្យជំនាញខ្លួនប្រចាំខែ ជាថ្នូរនឹងការមិនផាកពិន័យធ្ងន់ធ្ងររាល់កំហុសឆ្គង នៃការបម្រើសេវាកម្មរបស់ម្ចាស់ស្ថានីយ។
តាមប្រភពបែកធ្លាយពីតុកាហ្វេជាច្រើនដែលមានអ្នកប្រកបរបរបើកការ៉ាស់សាំង បានបង្ហើបថា លោក ហេង ភារម្យ ប្រធានសាខាកាំងកុងត្រូវខេត្តតាកែវ បានដាក់កំហិតឱ្យម្ចាស់ស្ថានីយប្រេងឥន្ធនៈបង់លុយទៅគាត់ចាប់ពី ២០ម៉ឺនរៀល ទៅ ៦០ម៉ឺនរៀលក្នុងមួយខែៗ តាមការ៉ាស់សាំងតូច ធំ បើមិនដូច្នោះទេ នឹងផាកពិន័យធ្ងន់ធ្ងររាល់កំហុសឆ្គងដែលកើតមាន។
ប្រភពបង្ហើបថា ពេលកម្លាំងជំនាញកាំងកុងត្រូលចុះពិនិត្យការលក់តាមស្ថានីយប្រេងសាំង បើរកឃើញលក់មិនគ្រប់លីត្រគឺត្រូវព្រមាន និងពិន័យ តែបើនិយាយត្រូវគ្នាជាមួយជំនាញ និងយល់ព្រមបង់លុយជាប្រចាំខែឱ្យគាត់ គឺអាចដំណើរការបានមិនអីទេ។
ជុំវិញប្រភពបែកធ្លាយខាងលើ លោក ហេង ភារម្យ ប្រធានសាខាកាំងកុងត្រូលខេត្តតាកែវ បានឱ្យដឹងនៅថ្ងៃទី២៥ ខែមករា ឆ្នាំ២០២៣នេះថា មិនដូចអ្វីដែលលើកឡើងខាងលើនេះទេ កម្លាំងជំនាញរបស់លោកធ្វើការតាមច្បាប់ មិនបានបង្គាប់បញ្ជាឱ្យម្ចាស់ស្ថានីយប្រេងសាំងបង់លុយប្រចាំខែនោះទេ។ លោកប្រធានបន្តថា សូមឱ្យអ្នកកាសែតមកហូបកាហ្វេលេងជាមួយគាត់ម្តងទៅ បើចង់ដឹងព័ត៌មាននេះច្បាស់។
គួរបញ្ជាក់ថា ស្ថានីយប្រេងឥន្ធនៈទូទាំងខេត្តតាកែវ មានចំនួន ២៨០ ស្ថានីយទាំងតូចទាំងធំ។ បើមានករណីបង់លុយឱ្យប្រធានសាខាកាំងកុងត្រូលមែននោះ អ្នកដែលរងគ្រោះពិតប្រាកដ គឺអ្នកទទួលសេវាពីការ៉ាស់សាំង មិនមែនថៅកែការ៉ាស់សាំងទេ ហេីយលោកប្រធានសាខានឹងគ្រប់ទឹកដូចជីកកំណប់ក្នុងមួយខែៗ៕
អត្ថបទ៖ វីរៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ