សន្តិសុខសង្គម
អធិការស្រុកបន្ទាយអំពិល ព្រមានចាត់វិធានការលើម្ចាស់ទីតាំងបើកល្បែងស៊ីសងជល់មាន់
ល្បែស៊ីសងប្រភេទជល់មាន់ដ៏ធំនៅចំណុចតំបន់អភិវឌ្ឍន៍ជនពិការ ស្ថិតនៅក្នុងភូមិពោធិ៍ចាស់១ ឃុំបេង ស្រុកបន្ទាយអំពិល ខេត្ត ឧត្តរមានជ័យ បើកឲ្យលេងយ៉ាងគក្រឹកគគ្រេង ហូរកញ្ជៀវពេញព្រៃត្រូវកម្លាំងនគរបាលនៃអធិការដ្ឋាននគរបាលស្រុកបន្ទាយអំពិល ចុះធ្វើការណែនាំ និងឲ្យម្ចាស់ទីតាំងធ្វើកិច្ចសន្យាមិនឲ្យបន្តលេង បើនៅតែរឹងទទឹងនឹងចាត់វិធានការតាមផ្លូវច្បាប់ដោយមិនយោគយល់។
![](https://www.kampucheathmey.com/wp-content/uploads/2023/02/photo_2023-02-13_14-35-46.jpg)
ការចុះធ្វើការណែនាំ និងព្រមានចាត់វិធានការតាមផ្លូវច្បាប់ទៅម្ចាស់ទីតាំងខាងលើនេះ បានធ្វើឡើងក្រោយពីពលរដ្ឋបានរាយករណ៍ជូនលោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តឧត្តរមានជ័យនាថ្ងៃទី១២ ខែកុម្ភៈ ឆ្នាំ២០២៣ លោកក៏បាន បញ្ជាទៅលោកវរសេនីយ៍ឯក ឃុល ភិន អធិការនគរបាលស្រុក ភ្លាមនោះលោកក៏បានចាត់ឲ្យលោកវរសេនីយ៍ទោ ស៊ឹម វណ្ណៈ អធិការរង ដឹកនាំកម្លាំងចុះធ្វើការបង្ក្រាប។ តែដោយសារតែក្រុមញៀនល្បែងទាំងនោះដឹងខ្លួនជាមុនក៏បានឈប់លេងរត់ចែកផ្លូវគ្នាអស់រៀងៗខ្លួន បន្សល់ទុកនូវឧបករណ៍ក្រុងមាន់ជល់ ដំបូលប្រក់ តុ កៅអី និងអ្នកលក់គ្រឿងហូប រីឯម្ចាស់ទីតាំងបានគេចខ្លួនបាត់ស្រមោល។ តែទោះជាយ៉ាងនេះក្តី កម្លាំងនគរបាលបានធ្វើការណែនាំដល់អ្នកញៀនល្បែងជល់មាន់ដែលនូវសេសសល់រួមទាំងអ្នកលក់គ្រឿងហូបអ្នក មើលខុសត្រូវនៅទីនោះ និងធ្វើកិច្ចសន្យាព្រមទាំងឲ្យតាមហៅម្ចាស់ទីតាំងខាងលើចូលខ្លួនមកធ្វើកិច្ចសន្យាបញ្ឈប់ការផ្តល់ទីតាំងបើកឲ្យលេងល្បែងស៊ីសងបន្តទៀតផងដែរ។
![](https://www.kampucheathmey.com/wp-content/uploads/2023/02/photo_2023-02-13_14-35-50.jpg)
បើតាមការសាកសួរពីលោកវរសេនីយ៍ទោ ស៊ឹម វណ្ណៈ អធិការរងទៅកាន់អ្នកញៀនល្បែង និងអ្នកលក់ដូរនៅទីនោះបានបញ្ជាក់ថា ទីតាំងខាងលើនេះទើបបើកឲ្យលេងបានប្រមាណ២ទៅ៣សប្តាហ៍តែប៉ុណ្ណោះ។ តែទោះយ៉ាងណានេះក្តីបើតាមប្រភពព័ត៌មានពីអ្នកញៀនល្បែងដែលសកម្មជាងគេបានបញ្ជាក់ថា ទីតាំងនេះបានបើកឲ្យលេងជាយូរខែមកហើយ ពោលគឺប្រមាណជាង៣ខែទៅហើយ ដោយទីតាំងនេះមានដប់ទឹកសុទ្ធរាយប៉ាយជាច្រើនហើយផ្លូវចូលមានស្នាមកង់ឡាន ម៉ូតូ និងកន្លែងទីតាំងខាងលើទួកៗទៀតផង។
ពាក់ព័ន្ធករណីខាងលើនេះ លោកអធិការ និងអធិការរងបានបញ្ជាក់ថា លោកមិនបានដឹងទាល់តែសោះទើបតែទទួលបានបទបញ្ជាពីស្នងការ ខេត្ត និងអ្នកសារព័ត៌មានហើយរយះការកន្លងមកលោកតែងតែធ្វើការនាំឲ្យមន្ត្រីក្រោមឱវាតចុះតាមដានជារើយៗ នៅក្នុងមូលដ្ឋានតែមិន ដែលបានជួបប្រទះសោះ។
![](https://www.kampucheathmey.com/wp-content/uploads/2023/02/photo_2023-02-13_14-35-53.jpg)
ភ្ជាប់ជាមួយករណីខាងលើនេះដែរកាលពីថ្មីៗកន្លងមកនេះ សម្តេចតេជោនាយករដ្ឋមន្ត្រីនៃកម្ពុជា បានចេញបទបញ្ជាយ៉ាងដាច់ណាត់បំផុត ឲ្យមន្ត្រីថ្នាក់ក្រោមជាតិត្រូវចុះអនុវត្តនូវគោលនយោបាយភូមិ ឃុំ/សង្កាត់ មានសុវត្ថិភាពជូនប្រជាពលរដ្ឋ ពិសេសបង្ក្រាបឲ្យអស់នូវល្បែងស៊ីសងគ្រប់ប្រភេទ ទោះជាមានអ្នកចាំកាងពីក្រោយខ្នងពាក់ដល់ទៅផ្កាយ ឬលោកខែក្តី ក៏មិនយោគយល់ ដែរ៕
អត្ថបទ៖ ចាន់ ធី
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១៤ ម៉ោង ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ៥ ម៉ោង ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៥ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សេដ្ឋកិច្ច១ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានអន្ដរជាតិ២ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ១ សប្តាហ៍ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ២ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
សន្តិសុខសង្គម១ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ