សន្តិសុខសង្គម
មេបញ្ជាការកងការពារព្រំដែនលេខ៥០៣ ធ្វើអត្តឃាតចងកសម្លាប់ខ្លួនឯង
មានការសោកស្តាយជាខ្លាំងពីសំណាក់មិត្តរួមអាវុធ និងអ្នកដែលស្គាល់លោកឧត្តមសេនីយ៍ឃួន ជឿន មេបញ្ជាការកងការពារព្រំដែនលេខ៥០៣ដែលជានាយទាហានដ៏ឆ្នើមឆ្លងកាត់សមរភូមិប្រយុទ្ធរាប់មិនអស់រហូតប្រទេសជាតិមានសុខសន្តិភាព និងអភិវឌ្ឍន៍នាពេលបច្ចុប្បន្ន បានទទួលមរណភាពហើយកាលពីទៀបភ្លឺថ្ងៃទី១៦ ខែមីនា២០២៣នេះដោយការធ្វើអត្តឃាតចងកសម្លាប់ខ្លួនឯងនៅទីបញ្ជាការភ្នំខ្លែងពណ៌ស្រុកស្វាយចេកខេត្តបន្ទាយមានជ័យ។
តាមសមត្ថកិច្ចស្រុកស្វាយចេកបានឱ្យដឹងតាមទូរស័ព្ទកាលពីព្រឹកថ្ងៃទី២៦នេះថាលោកឧត្តមសេនីយ៍ត្រីឃួន ជឿន មេបញ្ជាការការពារព្រំដែនគោក៥០៣ពិតជាទទួលមរណៈភាពហើយនៅចន្លោះម៉ោង៤ទៅម៉ោង៥ថ្ងៃទៀបភ្លឺថ្ងៃទី២៦ ខែមីនា ឆ្នាំ ២០២៣នៅនឹងបន្ទាយរបស់លោកដោយការធ្វើអត្តឃាតចងកសម្លាប់ខ្លួនឯងដោយខ្សែពណ៌ខ្មៅក្នុងឯកសណ្ឋានអាវពណ៌ស ខោជើងវែងនៅលើកៅអី។
ប្រភពប្រាប់សមត្ថកិច្ចជំនាញឱ្យដឹងថាមុនពេលកើតហេតុគេឃើញលោកមេបញ្ជាការអង្គុយនឹងកៅអីនៃកន្លែងកើតហេតុដូចរាល់ដងដែលគាត់ហាត់ប្រាណតែក្រោយមកក៏ឃើញម្តងទៀតទើបដឹងថាគាត់បានធ្វើអត្តឃាតស្លាប់បាត់ហើយ។
សមត្ថកិច្ចជំនាញមិនបានបញ្ជក់ពីមូលហេតុនៃការធ្វើអត្តឃាតនេះទេតែតាមការពិនិត្យលើសាកសពពិតជាការធ្វើអត្តឃាតចងកសម្លាប់ខ្លួនឯង។ ការស្លាប់របស់លោកឧត្តមសេនីយ៍ ឃួន ជឿន ក្នុងអាយុ៥៨ឆ្នាំមានទីលំនៅភូមិបន្ទាយថ្មីឃុំអូបីជាន់ស្រុកអូជ្រៅខេត្តបន្ទាយមានជ័យមានកូនចំនួន០៥នាក់ប្រុស០៤នាក់ស្រី០១នាក់ប្រពន្ធឈ្មោះសុខ ណៃ អាយុ៥៨ឆ្នាំ។ តាមប្រភពនានាមួយរយះចុងក្រោយមុនកើតហេតុគាត់តែកើតទុក និងនិយាយរឿងជំពាក់ប្រាក់គេច្រើន។
ទោះជាក្នុងហេតុផលអ្វីក៏ដោយអ្នកដែលស្គាល់លោកឧត្តមសេនីយ៍ឃួន ជឿន មិនថាកូនចៅរបស់លោកឬមិត្តរួមការងាររបស់លោក និងថ្នាក់ដឹកនាំសុទ្ធតែសោកស្តាយខ្លាំងនៅការបាត់បង់នេះ៕
អត្ថបទ៖ អពៅ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ