អាវុធហត្ថខណ្ឌចំការមន ឃាត់ខ្លួនយុវជន២នាក់ ក្រោយបង្កហិង្សាដាក់គ្នា

ក្មេងស្ទាវ២ក្រុមអង្គុយផឹកស៊ីក្បែរគ្នាទាស់ពាក្យសម្តីគ្នាបង្កហិង្សាត្រូវបានកម្លាំងអាវុធហត្ថខណ្ឌចំការមនចុះទៅឃាត់ខ្លួនបាន២ភ្លាមៗ ។

ហេតុការណ៍ខាងលើនេះដែរបង្កឲ្យមានការភ្ញាក់ផ្អើលកាលពីវេលាម៉ោង១២និង៣០នាទីរំលងអាធ្រា្រតឈានចូលថ្ងៃទី០៥ ខែមករា ឆ្នាំ២០២៤ ចំណុចក្នុងបរិវេណទីក្រុងកោះពេជ្រ សង្កាត់ទន្លេបាសាក់ ខណ្ឌចំការមន។

បើយោងតាមការបញ្ជាក់ពីកន្លែងកើតហេតុបានប្រាប់ឲ្យដឹងថា មុនកើតហេតុដោយឃើញយុវជនទាំង២ក្រុមបានមកអង្គុយផឹកសុីក្បែរគ្នានៅក្នុងបរិវេណកោះពេជ្រហើយមួយក្រុមមានគ្នា២នាក់ និងមួយក្រុមទៀតមាន៣នាក់មួយសន្ទុះក្រោយមកក៏ឃើញមានទាស់ពាក្យសម្តីគ្នាទៅវិញទៅមកហើយប្រកែកគ្នាខ្លាំងៗ បន្ទាប់មកភាគីមានគ្នា៣នាក់បានទាញកៅអីគុប និងវាយទៅលើយុវជន២នាក់ផ្អើលពេញក្នុងកោះពេជ្រ រួចរត់គេចខ្លួន។ ភ្លាមនោះដែរក៏ឃើញមានកម្លាំងអាវុធហត្ថ និងសមត្ថកិច្ចខណ្ឌចំការមនចុះមកជួយអន្តរាគមន៍ភ្លាមៗ និងឃាត់បានអ្នកបង្កចំនួន២នាក់ និងម្នាក់ទៀតរត់គេចខ្លួន។

បន្ទាប់ពីកើតហេតុកម្លាំងអាវុធហត្ថក៏បាននាំខ្លួនយុវជនពីរនាក់ដែលជាអ្នកបង្ក និងជនរងគ្រោះចំនួនពីរនាក់ទៀតយកទៅមូលដ្ឋានកងរាជអាវុធហត្ថខណ្ឌចំការមនសួរនាំបន្ត និងចាត់ការទៅតាមច្បាប់៕

អត្ថបទ៖ សុខា