Connect with us

សន្តិសុខសង្គម

ឃាត់ខ្លួនជនជាតិឥណ្ឌូនេសុី១១នាក់ ពាក់ព័ន្ធគ្រឿងញៀន

បានផុស

នៅ

ម្លាំងនគរបាលឆ្មក់បង្ក្រាប និងឃាត់ខ្លួនជនសង្ស័យជាជនជាតិឥណ្ឌូនេសុីសរុបចំនួន១១នាក់ ពាក់ព័ន្ធករណីប្រើប្រាស់ និងរក្សាទុកគ្រឿងញៀនដោយខុសច្បាប់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការខាងលើបានប្រព្រឹត្តទៅកាលពីវេលាម៉ោង៥ល្ងាចថ្ងៃទី០៩ ខែមេសា ឆ្នាំ២០២៤ នៅផ្ទះសំណាក់មួយកន្លែង បន្ទប់លេខ៤០៦ និង៤០៥ ជាន់ទី៤ តាមផ្លូវបេតុង ក្នុងភូមិព្រៃសាលា សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ។

តាមនគរបាលបានឱ្យដឹងថា បន្ទាប់ពីទទួលបានបណ្តឹងពីតំណាងស្ថានទូតឥណ្ឌូនេសុី មានជនសង្ស័យមួយក្រុម ពាក់ព័ន្ធទៅនឹងបទល្មើសគ្រឿងញៀន បានគេចខ្លួនពីខណ្ឌចំការមន មកសង្ងំលួចលាក់ខ្លួនក្នុងភូមិសាស្ត្រសង្កាត់កាកាបទី២ ខណ្ឌពោធិ៍សែនជ័យ ទើបកម្លាំងជំនាញ ក្រោមបញ្ជាពីលោកវរសេនីយ៍ឯក ម៉ន វុធី អធិការខណ្ឌ ធ្វើការស្រាវជ្រាវ ដោយមានការសហការពីតំណាងស្ថានទូតឥណ្ឌនេសុី និងសេចក្តីរាយការណ៍ពីម្ចាស់ផ្ទះសំណាក់ មានជនបរទេសកំពុងសង្ងំលាក់ខ្លួន ទីបំផុតនៅល្ងាចថ្ងៃទី០៩ ខែមេសា ឆ្នាំ២០២៤នេះ កម្លាំងជំនាញខណ្ឌ កម្លាំងបណ្តាប៉ុស្តិ៍រដ្ឋបាល ឡើងទៅបង្ក្រាបចាប់ខ្លួនបានជនសង្ស័យចំនួន១០នាក់ នៅក្នុងបន្ទប់លេខ៤០៦ ដកហូតបានវត្ថុតាង គ្រឿងញៀន ឧបករណ៍ជក់មួយចំនួន និងនៅបន្ទប់លេខ៤០៥ ឃាត់ខ្លួនស្ត្រីជនជាតិឥណ្ឌូនេសុី ម្នាក់ ដែលក្រុមជនសង្ស័យនាំឱ្យសម្រាកនៅក្នុងបន្ទប់នោះ ។

បើតាមម្ចាស់ផ្ទះសំណាក់បានឱ្យដឹងថា គាត់មិនដែលស្គាល់ក្រុមជនសង្ស័យទាំងនោះទេ ទើបតែនៅព្រឹកថ្ងៃទី០៩ ខែមេសា ឆ្នាំ២០២៤ ក្រុមជនបរទេសទាំងនោះ ចំនួន១០នាក់ មកជួលមួយបន្ទប់ស្នាក់នៅ ងឿងឆ្ងល់តែ មនុស្សដល់ទៅ១០នាក់ ជួលតែមួយបន្ទប់ បន្ទាប់មកក្រុមទាំងនោះ បានហៅស្ត្រីម្នាក់ទៀត ដោយជួលបន្ទប់ទល់មុខគ្នា កាន់តែសង្ស័យ តែមិនហ៊ានរាយការណ៍ភ្លាមទេ រហូតដល់ខាងសមត្ថកិច្ចស្រាវជ្រាវសាកសួររឿងជនបរទេសស្នាក់នៅរាយការណ៍ប្រាប់ជាតម្រុយមួយដល់កម្លាំងជំនាញ និងតំណាងស្ថានទូត ស្រាវជ្រាវ រហូតដល់ចាប់ឃាត់ខ្លួនបានចំនួន១១នាក់ ស្រី១នាក់ ដកហូតបានថ្នាំញៀន និងឧបករណ៍សម្រាប់ជក់គ្រឿងញៀនមួយចំនួន ។

ជនសង្ស័យទាំង១១នាក់ បន្ទាប់ពីចាប់ឃាត់ខ្លួនបាន នគរបាលនាំទៅកាន់ផ្នែកជំនាញខណ្ឌ រង់ចាំអ្នកបកប្រែដើម្បីធ្វើការសាកសួរ និងចាត់ការទៅតាមនីតិវិធី៕

អត្ថបទ៖ សុខា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២១ នាទី មុន

គម្រោងពង្រីកប្រព័ន្ធផ្គត់ផ្គង់ទឹកស្អាតនៅខេត្តស្វាយរៀង តម្លៃជាង ៣០លានដុល្លារ បានបើកការដ្ឋានសាងសង់ជាផ្លូវការ

ព័ត៌មានអន្ដរជាតិ២៣ នាទី មុន

លោក ចូ បៃដិន ចេញមុខធានាការពារអ៊ីស្រាអែល បើអ៊ីរ៉ង់ ហ៊ានវាយប្រហារ

សន្តិសុខសង្គម២៧ នាទី មុន

ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុម​ចោរចូលចាប់ជម្រិត និងបាញ់សម្លាប់ដល់ក្នុងផ្ទះ

ព័ត៌មានជាតិ៣១ នាទី មុន

ឧត្តមសេនីយ៍ឯក ហ៊ុន ម៉ានិត ជំរុញឱ្យទ័ពពិសេស បន្តស្រាវជ្រាវជំនាញថ្មីៗបន្ថែមទៀត ដើម្បីបង្កើនសមត្ថភាព

សេចក្ដីជូនដំណឹង៣៥ នាទី មុន

ឯកឧត្ដម ឃួង ស្រេង និង ឯកឧត្ដម ម៉ប់ សារិន គោរពជូនពរ ឯកឧត្តម អភិសន្តិបណ្ឌិត ស សុខា ក្នុងឱកាសបុណ្យចូលឆ្នាំថ្មីប្រពៃណីជាតិ

Sokha Hotels

ព័ត៌មានពេញនិយម