អាវុធហត្ថរាជធានីឃាត់ខ្លួនមន្ត្រីយោធាម្នាក់ បន្ទាប់​ពីយកកាំភ្លើងAK ទៅគំរាមអ្នកលក់ត្រី

បុរសជាមន្ត្រីយោធាម្នាក់បានយកយកអាវុធម៉ាក AK 47 មួយដើមទៅគំរាមជនរងគ្រោះម្នាក់ដែលបានចោទខ្លួនថា មានទំនាក់ទំនងជាមួយប្រពន្ធជនរងគ្រោះ។ ហេតុការណ៍នេះបង្កការភ្ញាស់ផ្អើលកាលពីវេលាម៉ោង៧និង៣០នាទីយប់ ថ្ងៃទី ១៧ ខែកក្កដា ឆ្នាំ២០២៤ ចំណុចយឿត្រីថ្មីគល់ស្ពានព្រែកព្នៅ ភូមិផ្សាលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។

ជនសង្ស័យមានឈ្មោះ សុខ មនោរម្យ អាយុ៣៧ឆ្នាំ មុខរបរយោធា (កងកិត្តិយសត្រែទ័ព) បច្ចុប្បន្នរស់នៅផ្ទះលេខ៦៨C ភូមិលូ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។ ដោយឡែកជនរងគ្រោះឈ្មោះ តែ ប្រុស អាយុ៣៧ឆ្នាំ មុខរបររលក់ត្រី បច្ចុប្បន្នរស់នៅផ្ទះលេខ៣២G ភូមិលូ សង្កាត់ស្វាយប៉ាក ខណ្ឌឫស្សីវកែវ រាជធានីភ្នំពេញ។

ប្រភពព័ត៌មានបានដឹងថា នៅយប់ថ្ងៃកើតហេតុជនសង្ស័យបានជិះរថយន្តមួយគ្រឿងម៉ាក ឡិចស៊ីស 350 ពណ៌ស ពាក់ស្លាកលេខខេមរៈភូមិន្ទ 02.2.6171 ដោយដាក់អាវុធវែងAK47 មួយដើមក្នុងរថយន្តពេលមកដល់កន្លែងកើតហេតុ បានដកអាវុធវែងAK47 ចេញពីក្នុងរថយន្តយកទៅគំរាមជនរងគ្រោះ និងអ្នកជិតខាង។ មូលហេតុដោយសារជនរងគ្រោះ​ចោទខ្លួនថា បានទំនាក់ទំនងស្នេហាជាមួយប្រពន្ធរបស់គាត់។

ក្រោយពីធ្វើសកម្មភាពរួចជនសង្ស័យបានបើករថយន្តទៅទុកនៅក្នុងអង្គភាពកងកិត្តិយសត្រែទ័ព ចំណែកអាវុធវែងAK47បានយកទៅទុកក្នុងឃ្លាំងវិញ។ សង្ស័យខាងលើបានបញ្ជូនទៅការិយាល័យព្រហ្មទណ្ឌកងរាជអាវុធហត្ថរាជធានីភ្នំពេញចាត់ការតាមនីតិវិធី៕

អត្ថបទ៖ សំណាង