កីឡា

លោក ឡោ សំណាង ឈឺចាប់ណាស់ពេលឃើញថៃបំពានលើខ្មែរម្ដងហើយម្ដងទៀត

បានផុស

១ minute មុន

នៅ

ថ្ងៃសុក្រ ១៤ វិច្ឆិកា ២០២៥

ដោយ

លោក ឡោ សំណាង អតីតអ្នកប្រដាល់ល្បីឈ្មោះ និងជាគ្រូបង្វឹកប្រចាំក្លឹបប្រដាល់ឡោសំណាងគុនខ្មែរ ថាលោកពិតជាឈឺចាប់ណាស់នៅពេលឃើញទង្វើរឈ្លានពានរបស់ប្រទេសថៃម្ដងហើយម្ដងទៀតមកលើខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឡោ សំណាង

លោក ឡោ សំណាង បានឲ្យដឹងថា កាលពីព្រឹកថ្ងៃទី១៤ ខែវិច្ឆិកា ឆ្នាំ២០២៥ នេះបានដឹកនាំសិស្សគុនរបស់លោកចំនួន ១១នាក់ដើម្បីមកបរិច្ចាគឈាមក្នុងព្រឹត្តិការណ៍បរិច្ចាគឈាម «យើងផ្ដល់ឈាមដល់ក្ដីស្រឡាញ់សម្រាប់កម្ពុជា» នៅឯវិមានពហុកីឡដ្ឋានជាតិ។

គ្រូបង្វឹកគុនខ្មែររូបនេះបន្ថែមទៀតថា លោកមិនស្ដាយក្នុងការបរិច្ចាគឈាមរបស់លោកសម្រាប់ជួយប្រជាជនខ្មែរ និងសម្រាប់បម្រើដល់កងទ័ពនោះទេ។ មានតែការសាមគ្គីគ្នាប៉ុណ្ណោះទើបអាចយកឈ្នះសត្រូវបានពិសេសក្នុងស្ថានភាពឥលូវនេះ។

ទិដ្ឋភាពព្រឹកមិញ

លោក ឡោ សំណាង បន្តថា លោកពិតជាមានការឈឺចាប់បំផុតនៅពេលឃើញការឈ្លានពានពីសំណាក់ទាហានថៃមកលើកម្ពុជាម្ដងហើយម្ដងទៀតពិសេសថ្មីៗនេះរហូតមានប្រជាជនកម្ពុជាស្លូតត្រង់បាត់បង់ជីវិត និងរបួសបែបនេះ។ ទង្វើទាំងនេះគឺបានបញ្ជាក់ថាជនជាតិសៀមនេះជាជនជាតិដែលមានពុតត្បុត និងសន្ដានលួចគ្រប់ជំនាន់ទៅដល់អន្តរជាតិបានដឹងផងដែរ។

ទិដ្ឋភាពព្រឹកមិញ

បញ្ជាក់ដែរថា នេះជាលើកទី២ ហើយនៃព្រឹត្តិការណ៍បរិច្ចាគឈាមទ្រុងទ្រាយធំដែលទទួលការបរិច្ចាគឈាមពីមហាជនមកពីគ្រប់ទិសទីពិសេសអ្នកដែលរស់នៅរាជធានីភ្នំពេញសម្រាប់បម្រុងទុកជួយដល់ប្រជាជនកម្ពុជាដែលត្រូវការប្រើប្រាស់បន្ទាប់ និងសម្រាប់ផ្ដល់ជូនទៅដល់កងទ័ពដែលមានតម្រូវការចាំបាច់ណាមួយភ្លាមៗផងដែរ។ ក្នុងព្រឹត្តិការណ៍បរិច្ចាគឈាមព្រឹកមិញនេះក៏មានការចូលរួមពីវិស័យកីឡាផងដែរដូចជាមានក្រុមប្រដាល់គុនខ្មែរលោក ឡោ សំណាង និងសិស្ស លោក អេភូថង និងក្រុមគ្រួសារ លោក ពេជ្រ សុផាន់ លោក ធី ណារិទ្ធ រួមទាំងក្រុមពិធីករកីឡាផងដែរ៕