កីឡា

ស្ដាយសមត្ថភាពណាស់ សូដា សូសែន បាត់មុខពីប្រដាល់ដោយសាររបួសកំពុងសំងំរៀនកាត់សក់ប្រកបអាជីពថ្មី

បានផុស

៤ ខែ មុន

នៅ

ថ្ងៃអង្គារ ១៧ កុម្ភៈ ២០២៦

ដោយ

អ្នកគាំទ្រប្រដាល់គុនខ្មែរប្រហែលមិនសូវចាប់អារម្មណ៍ចំពោះការបាត់មុខពីសង្វៀនរបស់កីឡាករជើងខ្លាំង សូដា សូសែន មួយរយៈពេលធំនេះដោយសាតែរូបគេមានរបួសស្នា និងកំពុងរៀនកាត់សក់ដើម្បីប្រកបមុខរបរថ្មីឆាប់ៗខាងមុខនេះទាំងចិត្តនៅអាល័យប្រដាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ សូដា សូសែន

នេះបើតាមវីដេអូគ្រូបង្រៀនកាត់សក់របស់ សូដា សូសែន បានបញ្ជាក់ថា ដោយសារតែរបួសធ្លាក់ស្នាដែលធ្វើឲ្យប៉ះពាល់ដល់ការហ្វឹកហាត់ និងការឡើងប្រកួតទើបបង្ខំឲ្យរូបគេងាកមកចាប់មុខរបរថ្មីបើទោះជានៅអាល័យជាមួយវិស័យប្រដាល់គុនខ្មែរយ៉ាងណាក្ដី។

ប្រភព NHA_Barber

អតីតកូនសិស្សលោក ផាត សូដា រូបនេះកំពុងរៀនជំនាញកាត់សក់ និងបានចុះទៅកាត់សក់តាមកម្មវិធីរបស់ហាងដែលចុះទៅតាមសាលារៀននានាកន្លងមក។ រូបគេកំពុងតែពង្រឹងជំនាញមួយនេះ និងមានគម្រោងបើកហាងកាត់សក់ផ្ទាល់ខ្លួនមួយកន្លែងនៅឯអ្នកលឿង ខេត្តព្រៃវែង អំឡុងចូលឆ្នាំប្រពៃណីខ្មែររួច។

ប្រភព NHA_Barber

បញ្ជាក់ដែរថា សូដា សូសែន ជាកីឡាករវ័យក្មេងដែលមានសមត្ថភាពល្អមួយរូបក្នុងវិស័យគុនខ្មែរ។ ជាកីឡាករមិនសូវចេះនិយាយស្ដីច្រើន ប៉ុន្តែស្នៀតប្រយុទ្ធ និងភាពអង់អាចក្លាហានបានធ្វើឲ្យរូបគេមានឈ្មោះល្បីក្នុងចំណោមជើងខ្លាំងទម្ងន់ស្រាលកន្លងទៅនេះ។ សូសែន ធ្លាប់បានផ្ដល់បទសម្ភាសជាមួយកម្ពុជាថ្មី ថាមានក្ដីស្រមៃចង់មានកេរ្តិ៍ឈ្មោះល្បីក្នុងវិស័យគុនខ្មែរនៅថ្ងៃអនាគត និងចង់មានជីវភាពធូរធារដូចរៀមច្បងផ្សេងៗ។ ប៉ុន្តែក្ដីស្រមៃនេះប្រហែលមិនអាចកើតឡើងនោះទេដោយសារតែរបួសស្នាធ្វើឲ្យរូបគេឃ្លាតពីវិស័យកីឡាមួយនេះហើយ៕

កីឡាករ សូដា សូសែន

អត្ថបទដោយ៖ នួន ស៊ីណា

Related Topics:កីឡាប្រដាល់គុនខ្មែរ រិទ្ធី សូសែន

ព័ត៌មានអន្ដរជាតិ១៨ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា