កីឡា

អេលីត ពិសិដ្ឋ មុនចាប់អាជីពប្រដាល់នេះជីវិតរសាត់អណ្ដែតធ្លាប់ធ្វើសំណង់ និងសន្តិសុខទៀតផង

បានផុស

២ ខែ មុន

នៅ

ថ្ងៃសុក្រ ២៤ មេសា ២០២៦

ដោយ

កីឡាករ អេលីត ពិសិដ្ឋ ថាមុនចាប់អាជីពជាអ្នកប្រដាល់នេះរូបគេមានជីវិតរសាត់អណ្ដែតពីការងារមួយទៅការងារមួយដូចជាធ្វើកម្មករសំណង់ និងសន្តិសុខផងដែររហូតពេលខ្លះមិនមានថវិកាសូម្បីទិញមីញុំក៏មានដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ អេលីត ពិសិដ្ឋ

អេលីត ពិសិដ្ឋ បានឲ្យដឹងថា រូបគេស្រឡាញ់ចូលចិត្តវិស័យប្រដាល់នេះយូរណាស់មកហើយ ប៉ុន្តែដោយសារមិនស្គាល់ខាងអ្នកប្រដាល់ ឬក្លឹបណាមួយនោះទើបមិនមានឱកាស។ ប៉ុន្តែនៅអំឡុងឆ្នាំ២០២៣ ដោយចៃដន្យឃើញលោក ក្រាក់ សម្ផស្ស ប្រកាសទទួលបានបង្ហាត់សិស្សទើបរូបគេមានឱកាសចូលប្រឡូកក្នុវវិស័យប្រដាល់រហូតដល់បច្ចុប្បន្ននេះតែម្ដងទៅ។

កីឡាករ អេលីត ពិសិដ្ឋ

សិស្សគុនក្លឹបប្រដាល់ស្របស្រឿយខាងលើនេះបន្ថែមទៀតថា មុនចាប់អាជីពប្រដាល់នេះរូបគេមានជីវិតរសាតអណ្ដែតការងារមិនច្បាស់លាស់នោះឡើយ។ ប្រាក់ចំណូលមិនទៀតទាត់ និងមានពេលខ្លះរកតែថវិកាទិញមីញុំក៏គ្មានដែរ។ កីឡាកររូបគេធ្លាប់ធ្វើជាកម្មករសំណង់ និងធ្វើជាសន្តិសុខពីមួយកន្លែងទៅមួយកន្លែងទៀតផង។ យ៉ាណាតាំងពីចូលប្រដាល់នេះមករូបគេមានអាជីពច្បាស់លាស់មួយ និងមានការរស់នៅសមរម្យមិនជួបការលំបាកដូចមុននោះឡើយ។

កីឡាករ អេលីត ពិសិដ្ឋ និងថ្នាក់ដឹកនាំក្លឹប

បញ្ជាក់ដែរថា អេលីត ពិសិដ្ឋ ជាអតីតកូនសិស្សលោក ក្រាក់ សម្ផស្ស និងចាប់អាជីពប្រដាល់នេះបានប្រហែល ៣ឆ្នាំមកហើយតាំងពីអំឡុងឆ្នាំ២០២៣ កន្លងមក។ រូបគេបច្ចុប្បន្នបានផ្លាស់ប្ដូរមករួមរស់ជាមួយលោក ស៊ន អេលីត នៃក្លឹបប្រដាល់ស្របស្រឿយគុនខ្មែរ។ តាំងពីផ្លាស់ប្ដូរមកក្លឹបថ្មីគេឃើញ ពិសិដ្ឋ កំពុងមានការចាប់អារម្មណ៍ និងមានទីផ្សារប្រកួតច្រើន៕

អត្ថបទដោយ៖ នួន ស៊ីណា

Related Topics:កីឡាប្រដាល់គុនខ្មែរ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា