កីឡា

អត្តពលិកអង់គ្លេសមួយចំនួនអត់ចង់ចាក់វ៉ាក់សាំងមុនទៅប្រកួតអូឡាំពិក

បានផុស

៣ years មុន

នៅ

ថ្ងៃសុក្រ ២៥ មិថុនា ២០២១

ដោយ

ប្រធានសមាគមអូឡាំពិកចក្រភពអង់គ្លេសនឹងព្យាយាមបញ្ចុះបញ្ចូលអត្តពលិកមួយចំនួនឲ្យព្រមទទួលយកការចាក់វ៉ាក់សាំងបង្ការកូវីដ-១៩ទាំងពីរដូសមុនពេលព្រឹត្តិការណ៍កីឡាអូឡាំពិករដូវក្តៅនៅប្រទេសជប៉ុនមកដល់ខែក្រោយ។

ប្រធានសមាគមអូឡាំពិកចក្រភពអង់គ្លេស (BOA) លោក Andy Anson បានឲ្យដឹងថា អត្តពលិកចក្រភពអង់គ្លេសជាង៩០%នឹងត្រូវចាក់វ៉ាក់សាំងទាំងពីរដូសមុនពេលកីឡាអូឡាំពិកមកដល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែលោកក៏ទទួលស្គាល់ដែរថា កីឡាករ កីឡាការិនីមួយចំនួនមិនចង់ចាក់វ៉ាក់សាំងបង្ការកូវីដ-១៩។

លោកថា ៖«យើងនឹងព្យាយាមបញ្ចុះបញ្ចូលពួកគេឲ្យធ្វើរឿងត្រឹមត្រូវ។ មនុស្សមានសិទ្ធិជ្រើសរើស ហើយយើងត្រូវតែគោរពសិទ្ធិគេ ប៉ុន្តែវាមិនចាំបាច់ដែលមានប្រយោជន៍ទេ»។

នៅក្នុងបទសម្ភាសជាមួយ The Sports Desk លោក Anson បាននិយាយថា BOA បានកំពុងរៀបចំកម្មវិធីចាក់វ៉ាក់សាំងធំមួយដល់អត្តពលិកទាំងអស់ ជាង១០០០នាក់ ពីព្រោះនឹងជួយកាត់បន្ថយហានិភ័យ ប៉ុន្តែនៅតែមានបញ្ហាប្រឈម។

លោកមានប្រសាសន៍ថា ៖«មានបញ្ហាលំបាកដែលអត្តពលិកមួយចំនួនកំពុងធ្វើដំណើរពេញទូទាំងទ្វីបនៅឡើយ។ ខ្ញុំប្រាកដច្បាស់ណាស់ថា ស្ទើរគ្រប់គ្នាហោចណាស់នឹងចាក់១ដូស។ យើងនឹងបន្តព្យាយាមរហូតដល់នាទីចុងក្រោយ»។

ទោះបីជាព្រួយបារម្ភពីព្រឹត្តិការណ៍កីឡាផ្ទុះកូវីដ-១៩ ក៏ម្ចាស់ផ្ទះជប៉ុនបានអនុញ្ញាតឲ្យអ្នកគាំទ្ររហូតដល់១ម៉ឺននាក់ចូលទស្សនាផ្ទាល់នៅទីលានប្រកួត។

លោក Anson បាននិយាយថា ៖«គ្មានអ្វីធំជាង និងល្អជាងកីឡាអូឡាំពិកទេសម្រាប់សាមគ្គីពិភពលោកទាំងមូល។ មែនហើយ វានឹងពិបាក ខុសប្លែក»។

«តែខ្ញុំបានបញ្ចុះបញ្ចូលទាំងស្រុងហើយពីរឿងត្រឹមត្រូវដែលត្រូវធ្វើ។ វាទទួលបានឱកាសបញ្ចប់បំរាមទូទាំងប្រទេស និងពិភពលោក ហើយក៏ជាបទពិសោធដ៏អស្ចារ្យមួយ»។ លោកមានប្រសាស៕

ប្រែសម្រួល៖ វីរបុត្រ
ប្រភព៖ BBC