កីឡា

ខ្លាញីឥណ្ឌាជួបដៃគូថ្មី វគ្គពាក់កណ្តាលផ្តាច់ព្រ័ត្រខ្សែក្រវាត់ GP វ៉ៃថ្ងៃសុក្រនេះ

បានផុស

៥ years មុន

នៅ

ថ្ងៃអង្គារ ២៦ តុលា ២០២១

ដោយ

បន្ទាប់ពីបេក្ខនារីម្នាក់ បានដកខ្លួនចេញពីកម្មវិធីខ្សែក្រវាត់ពិភពលោក ONE Women’s Atomweight World Grand Prix នៅវគ្គពាក់កណ្តាលផ្តាច់ព្រ័ត្រដោយសាររបួស ឥឡូវនេះមានបេក្ខនារីម្នាក់ទៀតហើយបានដកខ្លួន។

ការប្រកួតវគ្គពាក់កណ្តាលផ្តាច់ព្រ័ត្រកម្មវិធីខ្សែក្រវាត់នេះ នៅព្រឹត្តិការណ៍ផ្សាយផ្ទាល់ ONE: NEXTGEN នាថ្ងៃសុក្រ ទី១៥ ខែតុលានេះនៅប្រទេសសិង្ហបុរី។

ទី១ កីឡាការិនីកូរ៉េខាងត្បូង Ham Seo Hee ដែលបានប្រកួតឈ្នះនៅវគ្គ៨នាក់ដំបូង បានដកខ្លួនកាលពីដើមខែនេះ ដូច្នេះដៃគូរបស់កីឡាការិនីថៃ Stamp គឺកីឡាការិនីប្រេស៊ីល Julie Mezabarba ដែលបានប្រកួតឈ្នះក្នុងការប្រកួតបម្រុងសម្រាប់កម្មវិធីខ្សែក្រវាត់នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចុងក្រោយបំផុតគឺដៃគូរបស់ខ្លាញីឥណ្ឌា Ritu Phogat គឺអ្នកលេងគុនចម្រុះជប៉ុន Itsuki Hirata ទើបតែដកខ្លួនចេញពីការប្រកួតនាដើមសប្តាហ៍នេះ ដូច្នេះដាក់ជំនួសវិញដោយកីឡាការិនីហ្វីលីពីន Jenelyn Olsim។

ជុំវិញការដកខ្លួនដែលជិតដល់ថ្ងៃប្រកួតនេះ កីឡាការិនីជប៉ុន Itsuki Hirata បានពន្យល់ថា នាងមានបញ្ហាសុខភាពដោយសារកម្តៅខ្លួនឡើងខ្ពស់ ប៉ុន្តែមិនកម្តៅដោយសារឆ្លងកូវីដ-១៩ឡើយ។ នាងបានសុំទោសដៃគូ Ritu ម្ចាស់ឧបត្ថម្ភ និងអ្នកគាំទ្រ ព្រមទាំងក្រុមការងារ ONE ដែលរៀបចំឲ្យនាងប្រកួតកន្លងមក។

តាមពិតទៅនេះជាឱកាសល្អកម្រមានសម្រាប់កីឡាការិនីហ្វីលីពីន Olsim ដែលទទួលបានកៅអីប្រកួតវគ្គពាក់កណ្តាលផ្តាច់ព្រ័ត្រខ្សែក្រវាត់ពិភពលោកនេះ ហើយនាងទើបតែប្រកួតបានម្តងគត់នៅសង្វៀន ONE ដោយបានយកឈ្នះកីឡាការិនី Bi Nguyen កាលពីខែសីហាកន្លងទៅនេះ។

ជាមួយគ្នានេះ ការប្រកួតឃីកបុកសីងទម្ងន់យក្សជើងខ្លាំង Iraj Azizpour ប្រកួតជាមួយកីឡាករប្រេស៊ីល Anderson Silva។

ខាងក្រោមជាសមាសភាពផ្លូវការសម្រាប់ ONE: NEXTGEN

• កីឡាការិនីថៃ Stamp Fairtex ជួបកីឡាការិនីប្រេស៊ីល Julie Mezabarba (វគ្គពាក់កណ្តាលផ្តាច់ព្រ័ត្រ Women’s Atomweight World GP)

• កីឡាការិនីឥណ្ឌា Ritu Phogat ជួបកីឡាការិនីហ្វីលីពីន Jenelyn Olsim (វគ្គពាក់កណ្តាលផ្តាច់ព្រ័ត្រWomen’s Atomweight World GP)

• កីឡាករអ៊ីរ៉ង់ Iraj Azizpour ជួបកីឡាករប្រេស៊ីល Anderson Silva (ឃីកបុកសីងទម្ងន់ធ្ងន់)

• កីឡាករបេឡារុស្ស Kirill Grishenko ជួបកីឡាករកាណាដា Dustin Joynson (គុនចម្រុះទម្ងន់ធ្ងន់)

• កីឡាករចិន Miao Li Tao ជួបកីឡាករហ្វីលីពីន Jeremy Miado (គុនចម្រុះទម្ងន់មធ្យម)

• កីឡាកររុស្ស៊ី Beybulat Isaev ជួបកីឡាកររ៉ូម៉ានី Bogdan Stoica (ឃីកបុកសីងទម្ងន់ធ្ងន់មធ្យម)៕

Related Topics:កីឡាប្រដាល់

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា