កីឡា
ក្តៅៗ វិសាខា តែងតាំងអតីតគ្រូជម្រើសជាតិកម្ពុជាលោក Lee ជាគ្រូធំ
ក្រុមបាល់ទាត់វិសាខា បានប្រកាសតែងតាំងលោក Lee Tae Hoon ជាគ្រូបង្គោលរបស់ខ្លូនសម្រាប់ត្រៀមខ្លួនរដូវកាល២០២២ខាងមុខ។
ការប្រកាសតែងតាំងលោក Lee Tae Hoon ដែលជាជនជាតិកូរ៉េខាងត្បូង និងជាអតីតគ្រូបង្វឹកជម្រើសជាតិកម្ពុជានាព្រឹកថ្ងៃពុធនេះបានធ្វើឡើង បន្ទាប់ពីក្លឹបអ្នកមានវិសាខាទើបតែងបានតែងលោក មាស ចាន់ណា អតីតគ្រូបង្វឹកណាហ្គាវើល ជាអ្នកចាត់ការកាលពីពេលថ្មីៗនេះ។ កាលពីប៉ុន្មានខែមុន វិសាខា បានតែងតាំងលោក ភា សុភ័ក្ត្រា ជាអ្នកវិភាគ។ ដូច្នេះអាចនិយាយបានថា ក្លឹបចំណូលថ្មីលីគកម្ពុជានេះ រឹងមាំជាងគេទាំងផ្នែកកីឡាករ ក្រុមគ្រូបង្វឹក និងហិរញ្ញវត្ថុ។
ដូច្នេះមានន័យថា លោក Lee និងលោក មាស ចាន់ណា មានឱកាសធ្វើការជាមួយគ្នាទៀតហើយ ពីព្រោះអ្នកទាំងពីរធ្លាប់ធ្វើការជាមួយគ្នានៅក្រុមជម្រើសជាតិដែលពេលលោកគ្រូបង្វឹកជនជាតិកូរ៉េខាងត្បូងជាគ្រូបង្គោល ហើយលោក មាស ចាន់ណា ជាគ្រូជំនួយ។
លោក Lee ធ្លាប់ដឹកនាំក្រុមជម្រើសជាតិកម្ពុជាពីរដងពោលគឺលើកទី១ចាប់ពីឆ្នាំ២០១០ដល់ឆ្នាំ២០១២ និងលើកទី២ចាប់ពីឆ្នាំ២០១៣ដល់ឆ្នាំ២០១៧។ បន្ទាប់មក លោកបានទៅធ្វើជានាយកបច្ចេកទេសនៅក្លឹប Hoang Anh Gia Lai FC របស់ប្រទេសវៀតណាម និងជាគ្រូជំនួយជម្រើសជាតិវៀតណាម ហើយចុងក្រោយនៅឆ្នាំ២០២១នេះដឹកនាំក្រុមក្រសួងការពារជាតិ មុនពេលត្រូវបានតែងតាំងជាគ្រូបង្គោលវិសាខា៕
អត្ថបទ៖ វីរបុត្រ
-
ព័ត៌មានអន្ដរជាតិ៦ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៤ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៦ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ៣ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៦ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ១ សប្តាហ៍ ago
ក្រុមហ៊ុនឡូជីស្ទីកលំដាប់ពិភពលោក មានកប៉ាល់ដឹកទំនិញជាង៦០០ គ្រោងពង្រីកការវិនិយោគនៅកម្ពុជាបន្ថែម