កីឡា
Djokovic៖«មិនប្រឆាំងការចាក់វ៉ាក់សាំងកូវីដទេ តែកុំបង្ខំឲ្យចាក់» 
តារាវាយកូនបាល់ឆ្នើមលើលោក Novak Djokovic បាននិយាយថា ខ្លួនមិនប្រឆាំងនឹងការចាក់វ៉ាក់សាំងបង្ការកូវីដ-១៩ឡើយ ប៉ុន្តែលោកនឹងរំលងចោលព្រឹត្តិការណ៍ប្រកួតធំៗ Grand Slam ប្រសិនបើបង្ខំឲ្យរូបគេចាក់វ៉ាក់សាំង។
កីឡាករ Djokovic ដែលមិនចាក់វ៉ាក់សាំងត្រូវបាននិរទេសចេញពីប្រទេសអូស្ត្រាលី បន្ទាប់តស៊ូរយៈពេល១១ថ្ងៃនៅប្រទេសមួយនេះដោយសារទិដ្ឋាការរបស់គេត្រូវបានរដ្ឋាភិបាលអូស្ត្រាលីលុបចោលពីរដងជុំវិញការមិនចាក់វ៉ាក់សាំងស្របតាមច្បាប់ប្រទេសដើម្បីទប់ស្កាត់កូវីដ។
កីឡាករសញ្ជាតិស៊ែប៊ីអាយុ៣៤ឆ្នាំបាននិយាយថា ៖«បាទ នោះគឺជាតម្លៃដែលខ្ញុំនឹងត្រូវសង»។ លោកដឹងខ្លួនឯងមិនអាចធ្វើដំណើរទៅចូលរួមប្រកួតព្រឹត្តិការណ៍ធំៗទូទាំងពិភពលោកទេនាពេលបច្ចុប្បន្ននេះដោយសារតែលោកមិនចាក់វ៉ាក់សាំង។
ម្ចាស់ពានរង្វាន់ធំ២០គ្រឿងគ្រោងវិលចូលទីលានប្រកួត ATP វិញនៅទីក្រុង Dubai សប្តាហ៍ក្រោយនេះដែលនឹងក្លាយជាការប្រកួតលើកដំបូងចាប់តាំងពីលោកត្រូវបាននិរទេសចេញពីពានង្វាន់ Australian Open។
Djokovic បាននិយាយថា លោកបានត្រៀមខ្លួនគ្រប់បែបយ៉ាងដើម្បីសេរីភាពនៃជម្រើស ប៉ុន្តែនាពេលអនាគតលោកនៅតែបើកចំហរសម្រាប់ការចាក់វ៉ាក់សាំង។ កីឡាករនិយាយថា ៖«ខ្ញុំមិនប្រឆាំងនឹងការចាក់វ៉ាក់សាំងទេ» និងបន្ថែមថា លោកធ្លាប់ចាក់វ៉ាក់សាំងច្រើនកាលពីកុមារ។ «ប៉ុន្តែខ្ញុំតែងតែគាំទ្រសេរីភាពដើម្បីជ្រើសរើសនូវអ្វីដែលយើងចង់ចំពោះរាងកាយ»។
«ខ្ញុំយល់ថា មនុស្សគ្រប់គ្នាទូទាំងពិភពលោកកំពុងប្រឹងប្រែងដើម្បីដោះស្រាយជំងឺកូវីដ ហើយសង្ឃឹមថា នឹងលុបបំបាត់បានឆាប់ៗ»។ តារាវាយកូនបាល់លេខ១លើលោកបាននិយាយ៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម១៩ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ