កីឡា

តារាវាយកូនបាល់លេខ១លើលោក Djokovic ទៅដល់អូស្ត្រាលីត្រូវបានដកទិដ្ឋាការឲ្យទៅវិញ

បានផុស

៤ years មុន

នៅ

ថ្ងៃព្រហស្បតិ៍ ៦ មករា ២០២២

ដោយ

តារាវាយកូនបាល់លេខ១លើលោក Novak Djokovic ត្រូវបានហាមចូលប្រទេសអូស្ត្រាលីនៅថ្ងៃព្រហស្បតិ៍នេះដើម្បីចូលរួមប្រកួតពានរង្វាន់ Australian Open ដោយសាររូបគេមិនចាក់វ៉ាក់សាំងបង្ការកូវីដ-១៩ដែលជំរុញឲ្យមានការតវ៉ាយ៉ាងខ្លាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាវាយកូនបាល់ត្រូវបានគេដឹកយកទៅឲ្យនៅដាច់ដោយក្នុងសណ្ឋាគារមួយនៅទីក្រុង Melbourne បន្ទាប់ពីត្រូវបានដាក់ឲ្យស្ថិតនៅព្រលានយន្តហោះក្នុងទីក្រុងនេះពេញមួយយប់ និងត្រូវបានគេប្រាប់ឲ្យរូបគេចាកចេញពីប្រទេសអូស្ត្រាលីយប់នាថ្ងៃព្រហស្បតិ៍នេះ។

កម្លាំងព្រំដែនអូស្ត្រាលីបានបញ្ជាក់ថា ទិដ្ឋាការរបស់ Djokovic ត្រូវបានលុបចោល ខណៈប្រភពមួយបាននិយាយថា មេធាវីរបស់កីឡាករគ្រោងដាក់ពាក្យប្តឹងដើម្បីទប់ស្កាត់ពីការលុបចោលទិដ្ឋាការ និងឲ្យរូបគេចាកចេញពីប្រទេសអូស្ត្រាលី។

យោងតាមឯកសាររបស់តុលាការបានបង្ហាញថា សំណើររបស់ Djokovic ជំទាស់នឹងការលុបចោលទិដ្ឋាការត្រូវបានចុះបញ្ជីសម្រាប់បើកសវនាការវេលាម៉ោង៤ល្ងាចប្រទេសអូស្ត្រាលីនៅតុលាការសហព័ន្ធ និងគ្រួសារ។

បញ្ហាកើតឡើងដោយសារគោលការណ៍ក្នុងស្រុកអំពីចំណាត់ការទប់ស្កាត់កូវីដ-១៩ដែលកំពុងឆ្លងថ្មីជាប់កំណត់ត្រា ខណៈប្រធានាធិបតីស៊ែបបានអះអាងថាជាការបង្កើតឧបទ្ទវហេតុអន្តរជាតិក្នុងការយាយីដល់កីឡាករឆ្នើមរបស់ខ្លួន។

នាយករដ្ឋមន្ត្រីអូស្ត្រាលីលោក Scott Morrison បាននិយាយថា ៖«គ្មានករណីពិសេសទេ ច្បាប់គឺច្បាប់។ យើងនឹងបន្តការសម្រេចចិត្តត្រឹមត្រូវរបស់យើង នៅពេលត្រូវការធានាព្រំដែនអូស្ត្រាលីក្នុងការទប់ស្កាត់កូវីដ»។

តារាវាយកូនបាល់ Djokovic ដែលបានបដិសេធបង្ហាញពីស្ថានភាពចាក់វ៉ាក់សាំងបាននិយាយថា លោកទទួលបានការលើកលែងផ្នែកវេជ្ជសាស្ត្រដើម្បីចូលរួមប្រកួតក្នុងការការពារកំណត់ត្រាពានរង្វាន់ Grand Slam លើកទី២១ដែលត្រូវប្រកួតនាថ្ងៃទី១៧ ខែមករា ខាងមុខនេះ។

សេចក្តីប្រកាសបានជំរុញឲ្យមានការខឹងសម្បារ និងតវ៉ាយ៉ាងខ្លាំងនៅប្រទេសអូស្ត្រាលី ជាពិសេសទីក្រុង Melbourne ដែលជាកន្លែងរៀបចំព្រឹត្តិការណ៍ប្រកួត៕

ប្រែសម្រួល៖ វីរបុត្រ
ប្រភព៖ Reuters

Related Topics:Novak Djokovic