Connect with us

កីឡា

លុប​ទិដ្ឋាការ​លើក​ទី​២​ Djokovic​ ប្រឈម​និរទេសចេញ​ពី​អូស្ត្រាលី

បានផុស

នៅ

តារាវាយកូនបាល់មិនចាក់វ៉ាក់សាំងបង្ការកូវីដ-១៩ Novak Djokovic នៅថ្ងៃសុក្រម្សិលមិញបានចាត់ការតាមរយៈតុលាការដើម្បីរារាំងការនិរទេសរូបគេមុនពេលការប្រកួតពានរង្វាន់ Australian Open នៅថ្ងៃចន្ទខាងមុខនេះ បន្ទាប់ពីរដ្ឋាភិបាលអូស្ត្រាលីបានលុបចោលទិដ្ឋាការរបស់គេជាលើកទី២ដោយសារជុំវិញច្បាប់កូវីដចូលប្រទេស។

ទោះជាយ៉ាងណា រដ្ឋាភិបាលអូស្ត្រាលីបានបញ្ជាឲ្យតារាវាយកូនបាល់លេខ១លើកលោកត្រឡប់ទីឃុំឃាំងមុនពេលនិរទេសនៅនៅថ្ងៃសៅរ៍នេះ ទោះបីជាមានការអនុញ្ញាតឲ្យជួបមេធាវីរបស់ខ្លួននៅការិយាល័យមេធាវីក៏ដោយ។

Novak Djokovic
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមច្បាប់របស់កីឡាករ Djokovic បានដាក់ពាក្យស្នើសុំទៅតុលាការយប់ជ្រៅ មិនដល់៣ម៉ោង បន្ទាប់ពីរដ្ឋមន្ត្រីក្រសួងអន្តោប្រវេសន៍ លោក Alex Hawke បានប្រើអំណាចឆន្ទានុសិទ្ធិដើម្បីលុបទិដ្ឋាការ។

កីឡាករវាយកូនបាល់លេខ១លើកលោក ដែលកំពុងព្យាយាមស្វែងរកកំណត់ឈ្នះពានរង្វាន់ធំ Grand Slam លើកទី២១ក្នុងពានរង្វាន់ Australia Open របស់ខ្លួនត្រូវបានគេប្រាប់នៅពេលទៅដល់ប្រទេសអូស្ត្រាលីកាលពីថ្ងៃទី៥ ខែមករា ថា ទិដ្ឋាការរបស់គេដែលត្រូវបានផ្តល់ឲ្យតាមរយៈការលើកលែងផ្នែកវេជ្ជសាស្ត្រពីតម្រូវការចាក់វ៉ាក់សាំងសម្រាប់ភ្ញៀវគឺគ្មានសុពលភាព។

កីឡាករសញ្ជាតិស៊ែប៊ីអាយុ៣៤ឆ្នាំបានចំណាយពេលជាច្រើនថ្ងៃនៅក្នុងការឃុំឃាំងអន្តោប្រវេសន៍ នៅសណ្ឋាគារមួយក៏បានប្រើអ្នកស្វែងរកសិទ្ធិជ្រកកោន មុនពេលការសម្រេចចិត្តនោះត្រូវបានដកហូតដោយហេតុផលនីតិវិធី។

លោក Hawke បាននិយាយកាលពីថ្ងៃសុក្រថា ៖«ខ្ញុំប្រើអំណាចឆន្ទានុសិទ្ធិរបស់ខ្ញុំក្រោមមាត្រា១៣៣C (៣) នៃច្បាប់អន្តោប្រវេសន៍ដើម្បីលុបទិដ្ឋាការដែលកាន់កាប់ដោយ Novak Djokovic ដោយហេតុផលសុខភាព និងសណ្តាប់ធ្នាប់ល្អ ដោយឈរលើមូលដ្ឋានដែលជាប្រយោជន៍សាធារណៈ»។

ក្រោមមាត្រា ១៣៣C កីឡាករ Djokovic នឹងមិនអាចទទួលបានទិដ្ឋាការចូលអូស្ត្រាលីរយៈពេល៣ឆ្នាំ លើកលែងតែកាលៈទេសៈចាំបាច់បំផុតទេ។

ចៅក្រុម Anthony Kelly បាននិយាយថា រដ្ឋាភិបាលបានយល់ព្រមមិននិរទេស Djokovic មុនពេលករណីត្រូវបានបញ្ចប់៕

ប្រែសម្រួល៖ វីរបុត្រ
ប្រភព៖ reuters

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម