កីឡា
៥សំណួរអំពីផែនការរបស់ នៅ ស្រីពៅ និងរឿងចងចាំបំផុតឆ្នាំ២០២០
នៅ ស្រីពៅ ជាកីឡាការិនីគុនខ្មែរលេចធ្លោបំផុតប្រចាំព្រះរាជាណាចក្រកម្ពុជារហូតដល់មានឈ្មោះទៅប្រកួតនៅសង្វៀនលំដាប់អន្តរជាតិរបស់មីយ៉ាន់ម៉ា និងONE Championship ជាបន្តបន្ទាប់ និងចេញទៅប្រកួតនៅស៊ីហ្គេមកន្លងមកទៀតផង។ ស្រីពៅ អាចប្រកួតបានបីប្រភេទកីឡាផ្សេងគ្នាដូចជាគុនខ្មែរ ,គុនចម្រុះ និង ប្រដាល់សកល។ សិស្សគុនមកពីក្លិបតាឡីដំរីមានរិទ្ធិ ដែលឡើងប្រកួតនៅសង្វៀន ONE ចំនួន៣លើកនោះ បានរៀបចំផែនការសម្រាប់ឆ្នាំ២០២១ និងប្រាប់រឿងល្អ ព្រមទាំងរឿងចងចាំបំផុតក្នុងឆ្នាំ២០២០តាមរយៈ ៥ សំណួរដូចខាងក្រោម។
ONE៖ ជម្រាបសួរ ស្រីពៅ ! តើឆ្នាំ២០២១ខាងមុខ មានផែនការអ្វីខ្លះសម្រាប់អាជីពរបស់ខ្លួន?
ស្រីពៅ៖ ចាសបង!នៅឆ្នាំ២០២១ បើអត់មានបញ្ហាកូវីដ-១៩ មកយាយីទៀត គឺខ្ញុំត្រៀមហ្វឹកហាត់និងអភិវឌ្ឍខ្លួនបន្ថែមដើម្បីចូលរួមប្រកួត ស៊ីហ្គេម ដែលរៀបចំនៅវៀតណាមនាចុងឆ្នាំក្រោយនេះបង។
ONE ៖ ចុះ! ស្រីពៅ គិតថា អាចមានផែនការឡើងសង្វៀនប៉ុន្មានដងនៅឆ្នាំថ្មី?
ស្រីពៅ ៖ អត់ទាន់ដឹងច្បាស់បង ប៉ុន្តែ ខ្ញុំប្រហែលជាពិបាកក្នុងការចេញទៅប្រកួតនៅក្រៅប្រទេសដូចរាល់ដង ព្រោះវាកៀកស៊ីហ្គេមផង។ មួយវិញទៀត ខ្ញុំត្រូវបោះជំរំហ្វឹកហាត់នៅក្រុមជម្រើសជាតិរហូតដល់ថ្ងៃចេញស៊ីហ្គេមតែម្ដង។
ONE៖ អ្វីទៅជាការចងចាំដ៏ល្អរបស់ ស្រីពៅ នៅឆ្នាំ ២០២០ នេះ?
ស្រីពៅ៖ ការចងចាំល្អបំផុតរបស់ខ្ញុំ គឺ ពេលខ្ញុំឮដំណឹងថាបានទៅប្រកួតនៅសង្វៀនធំបំផុត ONE Championship កាលថ្ងៃទី៣០ ខែ តុលានៅព្រឹត្តិការណ៍ ONE: INSIDE THE MATRIX។ ទោះត្រៀមខ្លួនមិនសូវបានល្អ ប៉ុន្តែ ខ្ញុំជាកីឡាការិនីដំបូងដែល ONE ចុចឈ្មោះទៅប្រកួតក្នុងអំឡុងវិបត្តិកូវីដ-១៩ មុនបង ចាន់ រតនា (ប្រកួតថ្ងៃទី១៨ ខែធ្នូ ខាងមុខ)។
ONE៖ តើរឿងណាដែល ស្រីពៅ ចងចាំអាក្រក់បំផុតក្នុងឆ្នាំ ២០២០ នេះ?
ស្រីពៅ៖ រឿងចងចាំដ៏អាក្រក់របស់ខ្ញុំពេលចាញ់កីឡាការិនីឥណ្ឌា Ritu Phogat កាលខែតុលា នេះឯង។ វាជាការប្រកួតដ៏អាក្រក់របស់ខ្ញុំរហូតដល់សន្លប់នៅទឹកទី២។ បរាជ័យនេះ សូម្បីគ្រួសាររបស់ខ្ញុំ និងឳពុកម្ដាយខ្ញុំ ក៏និយាយដែរថា វាជាលើកទី១ ដែលទើបឃើញកូនរបស់ខ្លួនត្រូវធ្ងន់ក្នុងអាជីព។
វីដអូ ស្រីពៅ vs Ritu
ONE៖ ជាចុងក្រោយ តើ ស្រីពៅ មានអ្វីថ្លែងទៅកាន់អ្នកគាំទ្រទេ?
ស្រីពៅ៖ ចាសសូមអរគុណ! ខ្ញុំសូមអរគុណដល់អ្នកគាំទ្រដែលបានផ្ដល់កម្លាំងចិត្ត និងទាំងអ្នកឧបត្ថម្ភដល់រូបខ្ញុំពេលចេញទៅប្រកួតនាពេលកន្លងមក និង អំឡុងឆ្នាំ២០២០ នេះ។ ខ្ញុំសូមអរគុណដល់ប្រធានសហព័ន្ធកីឡាប្រដាល់គុនខ្មែរ, ក្លិប, ក្រុមការងារគ្រូបង្វឹកទាំងក្លិប និងគ្រូជម្រើសជាតិដែលធ្វើឲ្យរូបខ្ញុំមានថ្ងៃនេះ។ ដើម្បីជាការតបស្នងចំពោះការយកចិត្តទុកដាក់ទាំងនេះ ខ្ញុំនឹងប្រឹងប្រែងបន្ថែមទៀតឲ្យអស់សមត្ថភាពនៅឆ្នាំ២០២១៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង