កីឡា

ស្ត្រីពោះធំនៅវៀតណាមម្នាក់ តម្រង់ជួរទិញសំបុត្រទស្សនាបាល់ទាត់ស៊ីហ្គេម ឲ្យឪពុកម្ដាយក្មេក តែនៅតែមិនបានសម្រេច

បានផុស

៣ សប្តាហ៍ មុន

នៅ

ថ្ងៃអង្គារ ៣ ឧសភា ២០២២

ដោយ

អ្នកគាំទ្រជាច្រើនបានប្រឹងប្រែងធ្វើការអង្គុយចាំតាំងពីយប់ ប៉ុន្តែនៅតែត្រូវចាកចេញដោយដៃទទេ បន្ទាប់ពីការដណ្ដើមគ្នាដើម្បីទិញសំបុត្រទស្សនាបាល់ទាត់ កីឡាស៊ីហ្គេម នៅកីឡដ្ឋាន Viet Tri នៅព្រឹកថ្ងៃទី០៣ ខែឧសភា ខណៈស្ត្រីពោះធំម្នាក់ តម្រង់ជួរទិញសំបុត្រ ឱ្យឪពុកម្ដាយក្មេក ក៏ទៅវិញទាំងដៃទទេដូចគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រី Huong មានអាយុជាង ៣០ឆ្នាំ និងមានផ្ទៃពោះ ៨ខែ បានធ្វើដំណើរចម្ងាយជាង ៥០គីឡូម៉ែត្រពីស្រុក Thanh Son មកកាន់ទីក្រុង Viet Tri នៅយប់ថ្ងៃទី០២ ខែឧសភា ដើម្បីរង់ចាំទិញសំបុត្រទស្សនាបាល់ទាត់ ការប្រកួតបាល់ទាត់បុរស ក្នុងពូល A ក្នុងព្រឹត្តិការណ៍ស៊ីហ្គេម លើកទី៣១ របស់ក្រុម U23 វៀតណាម ដែលនឹងបើកលក់ចាប់ពីម៉ោង ៨ព្រឹក ថ្ងៃទី០៣ នៅក្លោងទ្វារកីឡដ្ឋាន Viet Tri Sports Arena។

ដូចអ្នកគាំទ្រជាច្រើនទៀតដែរ អ្នកស្រី Huong ឈរតម្រង់ជួរតាំងពីម៉ោង ១២:០០ពាក់កណ្ដាលអាធ្រាត ប៉ុន្តែនៅពេលដែលមនុស្សកាន់តែច្រើនឡើង នាងត្រូវបោះបង់កៅអី ព្រោះបារម្ភថាមនុស្សច្រើននឹងប៉ះពាល់ដល់សុខភាពទារក។

«ខ្ញុំបានតម្រង់ជួរនៅទីនេះតាំងពីយប់។ ព្រឹកឡើងពេលខ្ញុំអង្គុយតឹងពេក មនុស្សម្នាប្រាប់ខ្ញុំឲ្យចេញទៅក្រៅដើម្បីសម្រួលការថប់ដង្ហើម។ ខ្ញុំបានចាកចេញពីជួរ ហើយខ្ញុំបាត់កន្លែង។ ជិតដល់ម៉ោងលក់សំបុត្រហើយ ខ្ញុំចង់ត្រឡប់ទៅទីតាំងវិញ ប៉ុន្តែខ្ញុំមិនអាចទេ។» Huong បានប្រាប់សារព័ត៌មានវៀតណាម Zing។

អ្នកទទួលខុសត្រូវលោកសំបុត្រ បានអញ្ជើញលោកស្រី Huong ចេញពីតំបន់ក្បែរកន្លែងលក់សំបុត្រ ដើម្បីចាប់ផ្តើមជួរម្តងទៀត ទោះបីជាស្ត្រីមានផ្ទៃពោះបានពន្យល់ថានាងស្ទើរតែអស់កម្លាំងពីការស្នាក់នៅពេលយប់ក៏ដោយ។ នាងបាននិយាយថា នាងគ្រាន់តែចង់ទិញសំបុត្រមួយគូឱ្យឪពុកម្ដាយក្មេករបស់នាង មើលការប្រកួតបើកឆាករវាង U23 វៀតណាម និង U23 ឥណ្ឌូនេស៊ី ប៉ុណ្ណោះ។

«គេបានប្រាប់ខ្ញុំឱ្យរក្សាសុវត្ថិភាពចេញពីហ្វូងមនុស្ស ដែលស្ត្រីមានផ្ទៃពោះនឹងត្រូវបានផ្តល់អាទិភាព ប៉ុន្តែវាមិនមែនដូច្នោះទេ។ ប្រហែលជាខ្ញុំត្រូវទិញសំបុត្រនៅលើទីផ្សារងងឹតវិញហើយ។» អ្នកស្រី Huong បាននិយាយបន្ថែម។

គួរដឹងដែរថា មនុស្សរាប់ពាន់នាក់បានប្រមូលផ្តុំគ្នានៅកីឡដ្ឋាន Viet Tri ក្នុងខេត្ត Phu Tho ចាប់ពីយប់ថ្ងៃចន្ទ ដើម្បីទិញសំបុត្រចូលទស្សនាការប្រកួតបាល់ទាត់បើកឆាក ក្នុងព្រឹត្តិការណ៍ស៊ីហ្គេម លើកទី៣១ ខណៈការប្រកួតនេះមានសំបុត្រតែ ២០០០០សំបុត្រប៉ុណ្ណោះ និងអាចទិញបានទាំងផ្ទាល់ ឬតាមអនឡាញ៕

អត្ថបទ ៖ មន្នីរ័ត្ន