កីឡា
ខ្សែក្រវាត់ខារ៉ាបាវ ពេជ្រ សម្បត្តិ ផ្តួល រ៉ាក់ថៃ ទឹក២ ខណៈ ទួនប៉េ ផ្តួល ផាត់ណាត់ ឈរកំពូលតារាង
អ្នកលេងគុនខ្មែររហស្សនាមក្របីព្រៃ ពេជ្រ សម្បត្តិ និងខ្លាចាស់ឆ្លងដែន ទួនប៉េ ស៊ីតសាមផាយ៉ាត ទទួលបាន៣ពិន្ទុដូចគ្នា បន្ទាប់ពីផ្តួលដៃគូឲ្យសន្លប់រៀងៗសម្រាប់ការប្រកួតខ្សែក្រវាត់ភេសជ្ជៈប៉ូវកំលាំងខារ៉ាបាវរដូវកាលទី៨ ជុំទី២ កាលពីយប់ថ្ងៃអាទិត្យ ទី២៤ ខែកក្កដា ឆ្នាំ២០២២ នៅសង្វៀនបាយ័ន។
អ្នកលេងគុនខ្មែរ ផាន ផាន់ណាត់ តស៊ូបានត្រឹមតែ៤ទឹកប៉ុណ្ណោះសម្រាប់ការប្រកួតសន្សំពិន្ទុជុំទី២នេះ បន្ទាប់ពីត្រូវបានខ្លាចាស់កំពូលល្បិច ទួនប៉េ បានដេញវាយ និងសម្រុកចូលយ៉ាងខ្លាំង ហើយអ្នកលេងឆ្លងដែនដៃរូបនេះប្រើកណ្តាប់វាយលើក្បាលពោះរឿយៗឲ្យដួលអាជ្ញាកណ្តាលរាប់៨ម្តងមុនពេលថែមមួយជង្គង់ទៀតត្រូវបានអាជ្ញាកណ្តាលបញ្ឈប់ការប្រកួតក្នុងទឹកទី៤តែម្តង។
កាលប្រកួតសន្សំពិន្ទុលើកទី១ ផាត់ ផាត់ណាត់ បានបរាជ័យ ដូច្នេះការប្រកួតសរុបទាំងពីរលើកនេះរូបគេទើបទទួលបាន២ពិន្ទុប៉ុណ្ណោះ។ ចំណែកខ្លាចាស់ឆ្លងដែន ទួនប៉េ រកបាន៦ពិន្ទុពេញឡើងទៅឈរលើកំពូលតារាង បន្ទាប់ពីប្រកួតពីរលើកគឺឈ្នះទាំងពីរលើក។ កាលពីប្រកួតលើកទី១ កីឡាករថៃរូបនេះបានឈ្នះ ពេជ្រ សម្បត្តិ។
ចំណែក ពេជ្រ សម្បត្តិ រកបានជ័យជម្នះដើម្បីទទួលបាន៣ពិន្ទុហើយ បន្ទាប់ពីផ្តួលកីឡាករថៃ រ៉ាក់ថៃ ស៊ីតអាចានបៀរ តាមរយៈកណ្តាប់ដៃឲ្យសន្លប់ក្នុងទឹកទី២។ អ្នកលេងគុនខ្មែររូបនេះពិតជាត្រូវការជ័យជម្នះខ្លាំងណាស់ដើម្បីសន្សំពិន្ទុឡើងវគ្គពាក់កណ្តាលផ្តាច់ព្រ័ត្រ បន្ទាប់ពីបានចាញ់កាលប្រកួតលើកទី១។ អ្នកលេងគុនខ្មែររូបនេះស្ថិតក្នុងចំណោមកីឡាករខ្មែរ២រូបគឺកីឡាករ ធន់ ផានិត ដែលសង្ឃឹមខ្ពស់ជាងគេក្នុងការឡើងទៅវគ្គខ្វែង។
តាមរយៈជ័យជម្នះនេះផ្តល់ឲ្យ ពេជ្រ សម្បត្តិ ឈរលើកំពូលតារាងពូលខ្មែរ ខណៈជ័រ ពៅ និងធន់ ផានិត ត្រូវប្រកួតលើកទី២នៅថ្ងៃអាទិត្យ ទី៣១ ខែកក្កដា ឆ្នាំ២០២២។
សូម្បីបញ្ជាក់ថា អ្នកលេងគុនខ្មែរ៤រូបស្ថិតនៅក្នុងពូល A ខណៈអ្នកលេងមួយថៃស្ថិតនៅពូល B។ ការប្រកួតវគ្គសន្សំពិន្ទុ កីឡាករខ្មែរមិនប៉ះគ្នាទេ ហើយកីឡាករថៃក៏មិនប៉ះគ្នាដែរ។ អ្នកលេខ១ និងលេខ២នៃពូលនីមួយៗត្រូវប្រកួតគ្នាក្នុងវគ្គពាក់កណ្តាលផ្តាច់ព្រ័ត្រដើម្បីយកឈ្នះឡើងទៅវគ្គផ្តាច់ព្រ័ត្រ៕
ពិន្ទុបណ្តោះអាសន្នពូលខ្មែរ (A)
- ពេជ្រ សម្បត្តិ មាន៤ពិន្ទុ (២ប្រកួត)
- ជ័រ ពៅ មាន៣ពិន្ទុ (១ប្រកួត
- ផាន់ ផាត់ណាត់ មាន២ពិន្ទុ (២ប្រកួត)
- ធន់ ផានិត មាន១ពិន្ទុ (១ប្រកួត)
ពិន្ទុបណ្តោះអាសន្នពូលថៃ (B)
- ទួនប៉េ ស៊ីតសាមផាយ៉ាក មាន៦ពិន្ទុ (២ប្រកួត)
- រ៉ាក់ថៃ ស៊ីតអាចានបៀរ មាន៤ពិន្ទុ (២ប្រកួត)
- ផាត់ថាណា ស៊ីអាចានរីក មាន៣ពិន្ទុ (១ប្រកួត)
- ផេតម៉េតម៉ៃ មាន១ពិន្ទុ (១ប្រកួត)
អត្ថបទ៖ វីរបុត្រ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៨ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល