កីឡា
កីឡាករព្រះខ័នរាជស្វាយរៀង៣នាក់ជាប់ U23 និង៥នាក់ជាប់ជម្រើសជាតិក្រុមធំ
សហព័ន្ធកីឡាបាល់ទាត់កម្ពុជាបានចេញបញ្ជីឈ្មោះកីឡាករជម្រើសជាតិបឋមគឺ យុវជនក្រោមអាយុ២៣ឆ្នាំ (U23) ចំនួន៣៥រូប និងជម្រើសជាតិក្រុមធំចំនួន៤០រូបសម្រាប់ការប្រកួតមិត្តភាពអន្តរជាតិនាពេលខាងមុខ។
សម្រាប់សមាជិក៣៥រូបនៃក្រុមយុវជនជម្រើសជាតិអាយុក្រោម២៣ឆ្នាំត្រូវបានជ្រើសរើសចេញពីក្លឹប និងក្រុម១៣ផ្សេងគ្នា។ ក្នុងចំណោមនោះមានកីឡាករ៣រូបត្រូវបានជ្រើសរើសចេញពីក្លឹបបាល់ទាត់ព្រះខ័នរាជស្វាយរៀងគឺកីឡាករ អ៊ាន ពិសី, នី សុខរី និង មិន រតនៈ។
![](https://www.kampucheathmey.com/wp-content/uploads/2022/09/Cambodian-U23-Team-819x1024.jpg)
ចំណែកក្រុមបាល់ទាត់ជម្រើសជាតិកម្ពុជាក្រុមធំដែលមាន៤០រូបត្រូវបានជ្រើសរើសចេញពីក្លឹប និងក្រុម១០ផ្សេងគ្នាទាំងក្នុង និងក្រៅប្រទេស។ ក្នុងចំណោម៤០រូបនោះ មាន៥រូបត្រូវបានជ្រើសរើសចេញពីក្លឹបព្រះខ័នរាជស្វាយរៀងគឺ សឿយ វិសាល, សារ៉េត គ្រីយ៉ា, គីម សុខយុទ្ធ, ឡុង ភារ៉ាត់ និង អោម ឧត្តម។
សូមបញ្ជាក់ថា ក្រុមបាល់ទាត់ជម្រើសជាតិកម្ពុជាទាំងក្រុមធំ និងយុវជន U23 នឹងមានការប្រកួតមិត្តភាពអន្តរជាតិគឺក្រុមធំត្រូវប្រកួតជាមួយក្រុមបាល់ទាត់ជម្រើសជាតិបង់ក្លាដែស នៅថ្ងៃទី២២ ខែកញ្ញានេះ ខណៈ ក្រុម U23 ត្រូវប្រកួតជាមួយក្រុមខ្លាំងអាស៊ីគឺ U23 ជប៉ុន នៅថ្ងៃទី២០ ខែកញ្ញានេះដែរ។
![](https://www.kampucheathmey.com/wp-content/uploads/2022/09/Cambodian-National-Football-Team-819x1024.jpg)
ការប្រកួតមិត្តភាពអន្តរជាតិនេះគឺសម្រាប់ក្រុម U23 កម្ពុជាត្រៀមខ្លួនឲ្យបានល្អប្រសើរទាំងបច្ចេកទេស កម្លាំងស៊ុហ្វ និងបទពិសោធសម្រាប់កីឡាស៊ីហ្គេម ឆ្នាំ២០២៣ដែលកម្ពុជាធ្វើជាម្ចាស់ផ្ទះ។ ជាមួយគ្នានេះ ក្រុមបាល់ទាត់ជម្រើសជាតិកម្ពុជាក្រុមធំត្រូវប្រកួតជើងឯក AFF Cup ដែលនឹងចាប់ផ្តើមចុងឆ្នាំ២០២២នេះ៕
អត្ថបទ៖ វីរបុត្រ
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៥ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៥ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ សប្តាហ៍ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៣ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានជាតិ១ សប្តាហ៍ ago
UPDATE៖ ជំនន់ទឹកភ្លៀងនៅខេត្តព្រះវិហារ បានស្រកបណ្តើរៗ តែស្ពាននិងថ្នល់មួយចំនួនរងការខូចខាត
-
ព័ត៌មានអន្ដរជាតិ២ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី