កីឡា
ពេជ្រ សម្បត្តិ និង ទួនប៉េ ឡើងវគ្គពាក់កណ្តាលផ្តាច់ព្រ័ត្រខ្សែក្រវាត់ខារ៉ាបាវ
អ្នកប្រដាល់គុនខ្មែរ ពេជ្រ សម្បត្តិ និងអ្នកលេងឆ្លងដែន ទួនប៉េ ស៊ីតសាមផាយ៉ាក បានឡើងទៅកាន់វគ្គពាក់កណ្តាលផ្តាច់ព្រ័ត្រមុនគេ បន្ទាប់ពីទទួលបានជ័យជម្នះរៀងៗខ្លួនក្នុងការប្រកួតវគ្គសន្សំពិន្ទុ ជុំចុងក្រោយខ្សែក្រវាត់ខារ៉ាបាវ កាលពីយប់ថ្ងៃអាទិត្យ ទី៤ ខែកញ្ញានេះ។
ខ្លាចាស់កំពូលល្បិច ទួនប៉េ បានឡើងទៅកាន់វគ្គពាក់កណ្តាលផ្តាច់ព្រ័ត្រ បន្ទាប់ពីបានយកឈ្នះអ្នកលេងគុនខ្មែរ ជ័រ ពៅ ដោយពិន្ទុតាមរយៈការតស៊ូគ្នា៥ទឹកពេញ។ មុនទទួលបានជ័យជម្នះ កីឡាករថៃរូបនេះត្រូវបានម្ចាស់ស្រុកវាយឲ្យបែកមុខហូរឈាម និងត្រូវជង្គង់ច្រើន ប៉ុន្តែភាពធន់របស់គេបានផ្តល់ផលល្អសម្រាប់ការប្រកួតពីរទឹកចុងក្រោយ។
ក្រោយប្រឹងប្រែងខ្លាំង៣ទឹកដំបូង ជ័រ ពៅ បានស្រុតកម្លាំងស៊ុហ្វយ៉ាងខ្លាំង ដោយសារត្រូវកណ្តាប់ដៃរបស់ទួនប៉េ ទាំងក្បាលពោះ និងមុខ ហើយចូលទឹកទី៤ត្រូវបានកីឡាករថៃវ៉ៃឲ្យអាជ្ញាកណ្តាលរាប់៨ម្តងចុងទឹកទី៤។ ចូលទឹកទី៥ កីឡាករទាំងពីរមិនសូវសម្រុកវ៉ៃគ្នាខ្លាំងទេ ដោយសារ ជ័រ ពៅ ខ្សោយកម្លាំងមិនចង់វ៉ៃសម្រុក ខណៈ ទួនប៉េ មានប្រៀបសង្ឃឹមឈ្នះ ដូច្នេះរូបគេមិនចូលវ៉ៃទៀតទេ។
ចំណែកអ្នកប្រដាល់ថៃ ផេតម៉េតម៉ៃ ស៊ីតណងឡេក បានចាញ់សន្លប់លើកដំបូងក្នុងចំណោមការប្រកួតវិលជុំសន្សំពិន្ទុទាំង៤លើក។ បើទោះជារូបគេចាញ់ពិន្ទុ៣លើកជាប់គ្នា និងអស់ឱកាសឡើងទៅវគ្គបន្ទាប់ហើយ ប៉ុន្តែរូបគេចូលវ៉ៃ ប្តូរអាវុធដោយអត់ញញើតនឹងកណ្តាប់ដៃ ពេជ្រ សម្បត្តិ ឡើយ។
ការប្តូរគ្នាតាមរយៈកណ្តាប់ដៃ និងទាត់ដែលមានត្រូវគោលដៅទៅវិញទៅ កីឡាករទាំងពីរមិនដកថយឡើយ ប៉ុន្តែតតាំងគ្នាគួរឲ្យចាប់អារម្មណ៍។ យ៉ាងណា នៅទឹកទី២ ពេជ្រ សម្បត្តិ បានវាយកែងពេញលើមុខរបស់ ផេតម៉េតម៉ៃ បណ្តាលដួលសន្លប់ អាជ្ញាកណ្តាលបញ្ឈប់ការប្រកួតតែម្តង។
ដូច្នេះម្ចាស់ផ្ទះ ពេជ្រ សម្បត្តិ និងអ្នកលេងឆ្លងដែន ទួនប៉េ ស៊ីតសាមផាយ៉ាក បានឡើងទៅកាន់វគ្គពាក់កណ្តាលផ្តាច់ព្រ័ត្រហើយ ខណៈ២រូបទៀតត្រូវប្រកួតបញ្ចប់វគ្គសន្សំពិន្ទុក្នុងពូល ថ្ងៃអាទិត្យ ទី១១ ខែកញ្ញាខាងមុខនេះ រវាង កីឡាករគុន ផាន់ ផាន់ណាត់ ជាមួយ ផាត់ថាណា ខណៈ ធន់ ផានិត ជួប រ៉ាថែ៕
អត្ថបទ៖ វីរបុត្រ
សហរដ្ឋអាមេរិកនិយាយថា ករណីវាយប្រហារនៅសាលប្រគំតន្ត្រី Crocus City Hall គឺជាការអាម៉ាស់របស់រុស្ស៊ី
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ក្រសួងការងារនាំយកប្រាក់ឈ្នួល និងប្រាក់បំណាច់ជូនកម្មកររោងចក្រ Y&W ដែលកំពុងសម្រាលកូនដល់មន្ទីរពេទ្យ
ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ
ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ព័ត៌មានជាតិ១ សប្តាហ៍ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១១ ម៉ោង agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)