កីឡា

នឹកស្មានមិនដល់! គង់ សំបូរ ត្រូវ យុគផេត ទាត់តែបន្តិចដេកទឹកទី១

បានផុស

៤ years មុន

នៅ

ថ្ងៃសៅរ៍ ១៧ កញ្ញា ២០២២

ដោយ

អ្នកលេងរន្ទះជើង គង់ សំបូរ ត្រូវបានកីឡាករថៃ យុគផេត ផេតកាសាម ទាត់ឲ្យខូចជើងដើរលែងរួចដើមទឹកទី១ក្នុងការប្រកួតជើងឯក គូបូតា បច្ចេកវិទ្យាកសិកម្មថ្មី កាលពីល្ងាចថ្ងៃសុក្រម្សិលមិញនៅសង្វៀនបាយ័ន។

ការពិតលើសង្វៀនបានដំណើរការប្រហែលជា១នាទីក្នុងទឹកទី១ កីឡាករថៃ យុគផេត ទាត់ចុងជើងតិចៗប្រៀបដូចជាការទាត់ដើម្បីស្ទាបស្ទង់ប៉ុណ្ណោះទៅលើជើងក្រោមរបស់ គង់ សំបូរ ប៉ុន្តែបែរជាអ្នកលេងគុនខ្មែរឈឺជើង ដួលក្រោកលែងរួចតែម្តង។

តាមរយៈលទ្ធផលនេះ អ្នកគាំទ្របានសម្តែងការហួសចិត្ត និងមិននឹកស្មានដល់ថា គង់ សំបូរ ខូចជើងនៅដើមទឹកទី១យ៉ាងលឿនបែបនេះសោះ។ អ្នកលេងគុនខ្មែររូបនេះជាអ្នកពូកែទាត់ក្រោម និងឡើងជើងខ្លាំងមួយរយៈពេលចុងក្រោយ។ អ្នកគាំទ្របានបង្ហាញចំណាប់អារម្មណ៍ផ្សេងៗគ្នាទៅលើ គង់ សំបូរ សូម្បីតែអ្នកគ្រប់គ្រងកម្មវិធីប្រដាល់របស់សង្វៀនបាយ័នក៏បានលើកឡើងពីបញ្ហានេះដែរ។

រាត្រីជាមួយគ្នានេះ អ្នកលេងគុនខ្មែរ អ៊ូច ធារិទ្ធ បានប្រើកែងផ្តួលកីឡាករថៃ ឃីងផូដាំ លៀងប្រាសឺត ឲ្យបែកឈាម និងសន្លប់ក្នុងទឹកទី២៕ ឃីងផូដាំ លៀងប្រាសឺត ឲ្យបែកឈាម និងសន្លប់ក្នុងទឹកទី២៕