កីឡា
គ្រូ U23 ជប៉ុននិយាយពីក្រុមរបស់លោកជ្រើសរើសពីសាកលវិទ្យាល័យ
ទាំងគ្រូបង្វឹក និងក្រុមបាល់ទាត់ជម្រើសជាតិជប៉ុនអាយុក្រោម២៣ឆ្នាំពិតជាចង់ឈ្នះក្នុងការប្រកួតប្រកួតមិត្តភាពអន្តរជាតិជាមួយជម្រើសជាតិកម្ពុជាអាយុក្រោម២៣ឆ្នាំ វេលាម៉ោង៧យប់ ថ្ងៃទី២០ ខែកញ្ញា ស្អែកនេះនៅពហុកីឡដ្ឋានជាតិមរតកតេជោ ផ្សាយផ្ទាល់ដោយទូរទស្សន៍បាយ័ន និង BTV News។
លោក Lee Wooyoung គ្រូបង្គោល U23 ជប៉ុនបាននិយាយក្នុងសន្និសីទសារព័ត៌មានព្រឹកថ្ងៃទី១៩ ខែកញ្ញានេះថា ៖«នេះជាការប្រកួតមួយដែលខ្ញុំរង់ចាំដូចជាការប្រកួតអន្តរជាតិផ្សេងៗទៀតដែរ។ ការប្រកួតនៅថ្ងៃស្អែកនឹងប្រឹងឲ្យអស់ពីសមត្ថភាព។ សម្រាប់ការប្រកួតនេះ ក្រុមរបស់ខ្ញុំប្រមូលផ្តុំកីឡាករមកពីសាកលវិទ្យាល័យនានា ហើយជាការប្រកួតចុងក្រោយក្នុងឆ្នាំនេះ។ អីចឹងខ្ញុំសង្ឃឹមទទួលបានលទ្ធផលល្អ»។
លោកបានឲ្យដឹងថា ក្រុមកីឡាករលោកមានអាយុចាប់ពី១៨ឆ្នាំដល់២២ឆ្នាំដែលភាគច្រើនមកពីសាកលវិទ្យាល័យនានា ប៉ុន្តែពួកគាត់មានការហ្វឹកហាត់ត្រឹមត្រូវតាមកម្រិតស្តង់ដា និងមានឈ្មោះនៅតាមក្លឹបអាជីពមួយចំនួនហើយ។ នៅឆ្នាំក្រោយនេះ ពួកគាត់មួយចំនួននឹងលេងនៅក្លឹបអាជីពក្នុងក្របខណ្ឌលីគកំពូល និងលីគទី២ បន្ទាប់ពីពួកគាត់ចប់ការសិក្សានៅសាកលវិទ្យាល័យ។
«ការប្រកួតនេះគឺជាការប្រកួតដែលពួកខ្ញុំចង់ឈ្នះមែនទែន បើទោះជាកីឡាករយើងមកពីសាកលវិទ្យាល័យក៏ដោយ»។ លោក Lee Wooyoung បានសង្កត់ធ្ងន់។
តាមការផ្សាយរបស់សារព័ត៌មានប៉ុន Gekisaka កាលពីថ្ងៃទី១២ ខែកញ្ញាកន្លងទៅនេះបង្ហាញថា U23 ជប៉ុនដែលត្រៀមប្រកួតជាមួយនឹង U23 កម្ពុជាមិនមែនជាក្រុមជម្រើសជាតិ U23 ជប៉ុនសុទ្ធនោះទេ។ ពួកគេជាកីឡាករដែលជានិស្សិតសាកលវិទ្យាល័យ។
បើមើលសមាសភាពផ្នែកបម្រើ និងប្រយុទ្ធ ពួកគេសុទ្ធតែមានឈ្មោះនៅក្លឹបអាជីពធំៗរបស់លីគកំពូលជប៉ុន ដូច្នេះការប្រកួតរបស់ U23 កម្ពុជាស្អែកនេះមិនមែនជាការងាយស្រួល និងពិតជាត្រូវធ្វើការធ្ងន់។
កីឡាករដែលមានឈ្មោះក្នុងក្លឹបអាជីពនៃលីគកំពូលជប៉ុនមួយចំនួនមានដូចជា Izumi Tooya ជានិស្សិតឆ្នាំទី៤ របស់ក្លឹប Vissel Kobe, Terayama Tsubasa ជានិស្សិតឆ្នាំទី៤ របស់ក្លឹប FC Tokyo, Saito Sena ជានិស្សិតឆ្នាំទី៤ របស់ក្លឹប Shimizu Spulse, Kumasawa Kazuki ជានិស្សិតឆ្នាំទី៤ របស់ក្លឹប Kashiwa Reysol, Mazui Ken ជានិស្សិតឆ្នាំទី៣ របស់ក្លឹប Nagoya, Uemura Heroto ជានិស្សិតឆ្នាំទី៤ របស់ក្លឹប Jubilo Iwata ហើយខ្សែប្រយុទ្ធ Yamada Shin ជានិស្សិតឆ្នាំទី៤ របស់ក្លឹប Kawasaki Frontale និង Ochiai Riku ជានិស្សិតឆ្នាំទី៤ របស់ក្លឹប Kashiwa Reysol៕
អត្ថបទ៖ វីរបុត្រ
អំពើពុករលួយ ធ្វើឱ្យប្រធានសមាគមបាល់ទាត់ថ្នាក់ជាតិរបស់ប្រទេសចិន ត្រូវជាប់ពន្ធនាគារអស់មួយជីវិត
ក្នុងត្រីមាសទី១ឆ្នាំនេះ ខេត្តកែប នាំចេញផ្លែស្វាយកែវរមៀតជាង ៧ពាន់តោន កើនឡើង ៨២%
ផ្លូវប្របមាត់ព្រែកពីគល់ស្ពានថ្មីដល់ស្ពានចាស់ រួមជាមួយសួនកម្សាន្ត និងលេចរូបរាងឆាប់ៗក្នុងខេត្តកំពត
ដីព្រៃក្នុងដែនជម្រកសត្វព្រៃគូលែន-ព្រហ្មទេព ក្បែរបរិស្ថានតាកឹង កំពុងរងការឈូសឆាយកាប់បំផ្លាញ
កម្ពុជា-ថៃ ជួបប្រជុំទ្វេភាគីលើកទី១៤ស្តីពីកិច្ចសហប្រតិបត្តិការប្រយុទ្ធប្រឆាំងគ្រឿងញៀន
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៣ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ agoដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ