កីឡា
ព្យាករជម្រើស១១នាក់ដំបូង និងលទ្ធផល អាល្លឺម៉ង់ ប៉ះ ជប៉ុន ម៉ោង៨យប់នេះ
ម្ចាស់ជើងឯកពិភពលោក ឆ្នាំ២០១៤ អាល្លឺម៉ង់ នឹងប៉ះក្រុមខ្លាំងពីអាស៊ីគឺជប៉ុន វេលាម៉ោង៨យប់នេះ វគ្គសន្សំពិន្ទុក្នុងពូល E នៃព្រឹត្តិការណ៍បាល់ទាត់ជើងឯកពិភពលោក ឆ្នាំ២០២២ នេះនៅប្រទេសកាតា។
ព័ត៌មានក្រុម
នៅចាំបានទេ ជើងឯកពិភពលោក អាល្លឺម៉ង់ ក្នុងនាមជាក្រុមការពារជើងឯកឆ្នាំ២០១៤ បែរជាធ្លាក់ត្រឹមវគ្គចែកពូល កាលពីឆ្នាំ២០១៨ នៅប្រទេសរុស្ស៊ី។ ដូច្នេះឆ្នាំ២០២២ នៅប្រទេសកាតានេះ អាល្លឺម៉ង់នឹងប្រឹងប្រែងស្តារមុខមាត់ឡើងវិញ។
ដោយឡែក ជប៉ុន ដែលស្ថិតនៅក្នុងពូល E ដ៏លំបាកខ្លាំងដែលមាន អាល្លឺម៉ង់ អេស្ប៉ាញ និងកូស្តារីកា ត្រូវការប្រឹងប្រែងខ្លាំងមែន ហើយក៏ត្រូវការសំណាងផងដែរដើម្បីអាចឈានឡើងទៅវគ្គ១៦ក្រុមចុងក្រោយ ពីព្រោះអាល្លឺម៉ង់ និងអេស្ប៉ាញជាផ្ទាំងថ្មធំបំផុត។
កីឡាករគួរឲ្យចាប់អារម្មណ៍
ខ្សែបម្រើស្លាបរបស់អាល្លឺម៉ង់ Leroy Sane កំពុងឡើងជើងខ្លាំងនារដូវកាលនេះនៅក្លឹប Bayern Munich។ រូបគេគ្រោះថ្នាក់ទាំងបង្កើតឱកាសមាស និងរកគ្រាប់បាល់ ដូច្នេះច្បាស់ណាស់ប្រកួតយប់នេះគ្រោះថ្នាក់ខ្លាំងសម្រាប់ជប៉ុន។
មនុស្សច្រើនណាស់ ប្រហែលជាមិនសូវចាប់អារម្មណ៍កីឡាករ Takefusa Kubo កាលនៅ Real Madrid ទេ។ កីឡាករដែលកំពុងលេងឲ្យ Real Sociedad ថ្វីត្បិតមាឌតូច ប៉ុន្តែរហ័ស បត់បែនលឿន និងអាចបង្កើតឱកាសមាសឲ្យមិត្តរួមក្រុមដែលអាចនឹងគ្រោះថ្នាក់សម្រាប់អាល្លឺម៉ង់។
ព្យាករជម្រើស១១នាក់
អាល្លឺម៉ង់ អាចនឹងប្រើទម្រង់ ៤-២-៣-១ ជាមួយជម្រើស១១នាក់ដំបូង៖ Neuer; Kehrer, Sule, Rudiger, Raum; Kimmich, Goretzka; Hofmann, Musiala, Sane និង Havertz។
ជប៉ុន អាចនឹងប្រើទម្រង់ ៤-២-៣-១ ដែរ ជាមួយជម្រើស១១នាក់ដំបូង៖ Shimdt; Sakai, Yoshida, Tomiyasu, Nagatomo; Shibisaki, Morita; J Ito, Kamada, Kubo និង Minamino។
ប្រវត្តិជួបគ្នា
អាល្លឺម៉ង់ និង ជប៉ុន ធ្លាប់មានប្រវត្តិជួបគ្នាពីរដង ក្នុងនោះអាល្លឺម៉ង់ ឈ្នះ១ដង និងស្មើគ្នា១ដង។ មិត្តភាពថ្ងៃទី១៦ ខែធ្នូ ឆ្នាំ២០១៤ អាល្លឺម៉ង់ ឈ្នះ ៣-០ និងមិត្តភាពថ្ងៃទី៣០ ខែឧសភា ឆ្នាំ២០០៦ ស្មើគ្នា ២-២។ ៥ប្រកួតចុងក្រោយ អាល្លឺម៉ង់ ឈ្នះ២ ស្មើ១ និងចាញ់១ ខណៈជប៉ុន ឈ្នះ២ ស្មើ២ និងចាញ់១ ដូចគ្នា។
ព្យាករលទ្ធផល
ជប៉ុនជាក្រុមយល់ដឹងច្រើនពីស្ថានភាពកីឡាករអាល្លឺម៉ង់ ពីព្រោះមានកីឡាករជប៉ុន៨នាក់កំពុងលេងនៅលីគរបស់អាល្លឺម៉ង់ Bundesliga។ យ៉ាងណា អាល្លឺម៉ង់សំបូរកីឡាករឆ្នើមៗលើពិភពលោក ដូច្នេះការប្រកួតនេះនឹងតឹងតែង។ លទ្ធផលអាច អាល្លឺម៉ង់ ២-០ ជប៉ុន៕
ប្រែសម្រួល៖ វីរបុត្រ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម