កីឡា
បាល់ទាត់នារីហ្វីលីពីន ចង់ឈ្នះមេដាយមាសស៊ីហ្គេម ២០២៣ នៅកម្ពុជា មុនត្រៀម FIFA Women’s World Cup
ក្រុមបាល់ទាត់ជម្រើសជាតិនារីហ្វីលីពីន កំពុងសម្លឹងមើលការប្រើប្រាស់ការប្រកួតកីឡាក្នុងព្រឹត្តិការណ៍កីឡាអាស៊ីអាគ្នេយ៍ (ស៊ីហ្គេម) ឆ្នាំ ២០២៣ នៅកម្ពុជា ក្នុងខែឧសភានេះ ជាមួយការឈ្នះមេដាយមាស ដើម្បីជាការបោះជំហានត្រៀម មុនយុទ្ធនាការ FIFA World Cup ជាប្រវត្តិសាស្ត្ររបស់ខ្លួន។
នៅឯវេទិកាសមាគមអ្នកសរសេរកីឡាហ្វីលីពីន (PSA) ថ្ងៃអង្គារ ទី ២៤ ខែមករា អគ្គលេខាធិការសហព័ន្ធកីឡាបាល់ទាត់ហ្វីលីពីន (PFF) លោក Ed Gastanes បានសង្កត់ធ្ងន់ថា គ្រប់មធ្យោបាយដែលអាចធ្វើទៅបានកំពុងត្រូវបានរុករកជាមួយក្រុមហ្វីលីពីន ដើម្បីផ្ដល់ឲ្យប្រទេសនូវការប្រឹងប្រែងដ៏ល្អបំផុតរបស់ខ្លួននៅប្រតិទិនឆ្នាំដែលត្រូវប្រជែងយកមេដាយ។
លោកបានបន្តថា ៖ «យើងមានឱកាសពិតប្រាកដក្នុងពេលនេះសម្រាប់ក្រុមបាល់ទាត់នារីជម្រើសជាតិរបស់យើងក្នុងស៊ីហ្គេម ដើម្បីជាការត្រៀមខ្លួន ការប្ដេជ្ញាចិត្ត ជាមួយក្រុមគ្រូបង្វឹកដែលពោរពេញដោយសមត្ថភាព»។
«បន្ទាប់ពីហ្វីលីពីនដណ្ដើមបានពានរង្វាន់នារីប្រចាំតំបន់អាស៊ីអាគ្នេយ៍ (AFF Women’s Championship) កាលពីឆ្នាំមុន ពួកគេពិតជាទន្ទឹងរង់ចាំការដណ្ដើមបានមេដាយដទៃទៀត បើមិនបានមេដាយមាសក៏ដោយ»។
ជាមួយនឹងហ្វីលីពីនដែលក្រុមបាល់ទាត់នារីរបស់ខ្លួនមិនទាន់ខ្លាំងបំផុតនៅឡើយនោះ សហព័ន្ធ នឹងមិនចំណាយលើការបង្កើតការប្រកួតត្រៀមឡើយ ខណៈលោក Gastanes បានប្រកាសការប្រកួតអន្តរជាតិមួយចំនួនដែលនឹងមានសម្រាប់ឆ្នាំនេះ។
ទាំងនេះរួមមាន ការប្រកួត Pinatar Cup នៅទីក្រុង Murcia ប្រទេសអេស្ប៉ាញ ចាប់ពីថ្ងៃទី ១៥ ដល់ថ្ងៃទី ២១ ខែកុម្ភៈ ដែលប្រទេសហ្វីលីពីន (ចំណាត់ថ្នាក់ពិភពលោក លេខ ៥៣) នឹងត្រូវប្រកួតជាមួយក្រុមមហាអំណាចអឺរ៉ុប ដូចជា វែលស៍ (ចំណាត់ថ្នាក់ពិភពលោក លេខ ១៦) ស្កុតឡែន (ចំណាត់ពិភពលោក លេខ ២១) និងអ៊ីស្លង់ (ចំណាត់ថ្នាក់ពិភពលោក លេខ ២៥)។ ក្រោយមកនៅថ្ងៃទី ០៣ ដល់ថ្ងៃទី ១១ ខែមេសា ហ្វីលីពីន នឹងត្រូវជួបជាមួយប៉ាគីស្ថាន តាជីគីស្ថាន និងហុងកុង ក្នុងជុំទី ១ នៃការប្រកួតជម្រុះព្រឹត្តិការណ៍កីឡាអូឡាំពិក ទីក្រុងប៉ារីស ឆ្នាំ ២០២៤ ដែលនឹងអាចផ្ដល់ឲ្យហ្វីលីពីន នូវការប្រកួតប្រជែងកាន់តែធំជាងមុនដើម្បីបង្ហាញពីភាពប្រសើរឡើងរបស់ពួកគេ។
បន្ទាប់មកទើបគេត្រៀមចូលរួមប្រកួតស៊ីហ្គេម ឆ្នាំ ២០២៣ នៅកម្ពុជា ពីថ្ងៃទី ០៥ ដល់ថ្ងៃទី ១៧ ខែឧសភា មុននឹងបន្តដំណើរទៅប្រកួតជាប្រវត្តិសាស្ត្រ ក្នុងពានរង្វាន់បាល់ទាត់នារីពិភពលោក (FIFA Women’s World Cup 2023) ដែលគ្រោងធ្វើនៅប្រទេសអូស្ត្រាលី និងនូវែលសេឡង់ នៅ ២ ខែបន្ទាប់។
ស៊ីហ្គេម លើកចុងក្រោយ ឆ្នាំ ២០២១ នៅប្រទេសវៀតណាម ក្រុមនារីហ្វីលីពីន បានត្រឹមមេដាយសំរឹទ្ធ ក្រោយបរាជ័យនៅវគ្គពាក់កណ្ដាលផ្ដាច់ព្រ័ត្រ ក្រោមថ្វីជើងក្រុមនារីថៃ ៣-០។ ពួកគេបានយកឈ្នះមីយ៉ាន់ម៉ា ក្នុងវគ្គដណ្ដើមមេដាយសំរឹទ្ធ ក្នុងលទ្ធផល ១-២៕
ប្រភព ៖ Rappler
អត្ថបទ ៖ មន្នីរ័ត្ន
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ