កីឡា
គ្រូព្រះខ័នរាជស្វាយរៀងទន្ទឹងរង់ចាំជំនួបដ៏តឹងតែងជាមួយណាហ្គាវើលដ៍ថ្ងៃសៅរ៍នេះ
ព្រះខ័នរាជស្វាយរៀងនឹងបើកទ្វារកីឡដ្ឋានស្តាតចាស់ទទួលស្វាគមន៍ភ្ញៀវល្អ ណាហ្គាវើលដ៍ វេលាម៉ោង៦:៣០នាទីល្ងាច ថ្ងៃសៅរ៍ ទី៤ ខែមីនា សម្រាប់ការប្រកួតខេមបូឌានលីគខាប់ ឆ្នាំ២០២៣ សប្តាហ៍ទី៤ផ្សាយផ្ទាល់តាមផេក«កម្ពុជាថ្មី»។
ការប្រកួតថ្ងៃសៅរ៍នេះជាការប្រកួតសប្តាហ៍ទី៣របស់ព្រះខ័នរាជស្វាយរៀង បន្ទាប់ពីបានឆ្លងកាត់ការប្រកួត២លើកក្នុងនោះឈ្នះ១ និងចាញ់១។ បើកឆាកក្លឹបមានមូលដ្ឋាននៅខេត្តស្វាយរៀងបានចាញ់ជើងឯកឆ្នាំចាស់ ភ្នំពេញក្រោន ១-០ មុនពេលទទួលបានជ័យជម្នះ ០-៥ លើអង្គរថាយហ្គឺរក្នុងសប្តាហ៍ទី២។
៣ប្រកួតកន្លងទៅ ណាហ្គាវើលដ៍ធ្វើបានល្អឥតខ្ចោះដោយឈ្នះទាំង៣ប្រកួត មាន៩ពិន្ទុពេញ កំពុងឈរលើកំពូលតារាងពូល B។ សប្តាហ៍ទី១ ពួកគេបានឈ្នះក្រុមអគ្គស្នងការដ្ឋាននគរបាលជាតិ ៣-០, សប្តាហ៍ទី២ ឈ្នះអាយអេសអាយ ដង្កោសែនជ័យ ១-៣ និង សប្តាហ៍ទី៣ ឈ្នះ សូលទីឡូអង្គរ ៦-០។
ជុំវិញការប្រកួតនេះ លោក Conor Nester គ្រូបង្វឹកព្រះខ័នរាជស្វាយរៀងបានប្រាប់«កម្ពុជាថ្មី»ថា ៖«យើងពិតជាទន្ទឹងរង់ចាំនូវជំនួបដ៏តឹងតែងខ្លាំងនេះ។ ណាហ្គាវើលដ៍បានចាប់ផ្តើមហ្វឹកហាត់តាំងពីខែវិច្ឆិកា ឆ្នាំ២០២២មកម្ល៉េះ ហើយយើងបានឃើញការប្រកួតរបស់ពួកគេកន្លងមកគឺ ពិតជាត្រៀមខ្លួនបានល្អណាស់។ ដូច្នេះយើងត្រូវតែប្រឹងប្រែងខ្លាំងបំផុតឲ្យអស់ពីសមត្ថភាពសម្រាប់ការប្រកួតថ្ងៃសៅរ៍នេះ»។
ទោះបីជាយ៉ាងណា ក្រុមទាំងពីរអាចនឹងមានការប្រែប្រួលខ្លះបន្ទាប់ពីសមាជិកមួយចំនួនជាប់ភារកិច្ចជាមួយជម្រើសជាតិកម្ពុជាអាយុ២២ឆ្នាំដើម្បីត្រៀមស៊ីហ្គេមលើកទី៣២។ ព្រះខ័នរាជស្វាយរៀងមានសមាជិក៦រូប និងណាហ្គាវើលដ៍មាន៣រូបជាប់ទៅជម្រើសជាតិ U22 ឆ្នាំ៕
អត្ថបទ៖ វីរបុត្រ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ