គ្រូបង្វឹក Spur រិះគន់កីឡាករខ្លួនឯងចំៗថា មានភាព “អាត្មានិយម”

លោក Antonio Conte បានសម្ដែងការខឹងសម្បារ និងបាននិយាយថាកីឡាកររបស់លោកគឺមានភាព “អាត្មានិយម” ហើយ Tottenham “អាចផ្លាស់ប្តូរអ្នកចាត់ការបានប៉ុន្តែស្ថានភាពមិនអាចផ្លាស់ប្តូរបានទេ” នៅក្នុងការរិះគន់ យ៉ាងខ្លាំងចំពោះវប្បធម៌របស់ក្លិប។

គ្រូបង្វឹក Spurs បាននិយាយថាក្រុមរបស់លោក “មិនចង់ជួយគ្នាទេ” បន្ទាប់ពីស្មើ ៣-៣ នៅលើទឹកដីរបស់ Southampton កាលពីថ្ងៃសៅរ៍យប់មិញ។

«រឿងរបស់ Tottenham គឺ – ២០ឆ្នាំមានម្ចាស់ថ្មីហើយពួកគេមិនដែលឈ្នះអ្វីមួយ។ តើមកពីមូលហេតុអ្វី?» លោក Conte បាននិយាយ។

Spurs បាននាំមុខ ២គ្រាប់ក្នុងលទ្ធផល ៣-១ លើម្ចាស់ផ្ទះ Southampton នៅកីឡដ្ឋាន St Mary’s ប៉ុន្តែបានរបូត ២គ្រាប់វិញក្នុងរយៈពេល ១៥នាទីចុងក្រោយ ដែលនាំឱ្យលទ្ធផលស្មើគ្នា ៣-៣។

«តើកំហុសគឺសម្រាប់តែក្លិប ឬអ្នកចាត់ការ (គ្រូបង្វឹក) គ្រប់រូបដែលនៅទីនេះ?” លោក Conte បាននិយាយ។ «ខ្ញុំបានឃើញអ្នកគ្រប់គ្រងដែល Tottenham មានពីមុនមក។ អ្នកប្រថុយនឹងបង្អាក់តួរលេខរបស់អ្នកចាត់ការ និងការពារស្ថានភាពផ្សេងទៀតគ្រប់ពេល។ រហូតមកដល់ពេលនេះ ខ្ញុំព្យាយាមលាក់បាំងស្ថានភាព ប៉ុន្តែមិនមែន ពេលនេះទេ ព្រោះខ្ញុំនិយាយម្តងទៀត ខ្ញុំមិនចង់ឃើញអ្វីដែលខ្ញុំបានឃើញថ្ងៃនេះទេ ព្រោះនេះមិនអាចទទួលយកបាន ហើយក៏មិនអាចទទួលយកបានសម្រាប់អ្នកគាំទ្រដែរ»។

Tottenham បានឈ្នះពានរង្វាន់តែ ១គត់ ចាប់តាំងពីម្ចាស់ក្លិបចូលមក ដែលដឹកនាំដោយ លោក Daniel Levy ក្នុងឆ្នាំ២០០១ នោះគឺពាន League Cup ក្នុងឆ្នាំ២០០៨។

ពួកគេមានអ្នកគ្រប់គ្រង (ឬគ្រូបង្វឹក) ១១នាក់ផ្សេងគ្នានៅក្នុងពេលនោះ រួមទាំង ៣នាក់ចាប់តាំងពីការចាកចេញរបស់ លោក Mauricio Pochettino ក្នុងឆ្នាំ២០១៩ ដែលបាននាំពួកគេទៅកាន់វគ្គផ្តាច់ព្រ័ត្រនៃក្របខ័ណ្ឌ Champions League មុនពេលត្រូវបានបណ្តេញចេញ ៦ខែក្រោយមក។

Spurs បានជ្រុះចេញពីការប្រកួតប្រជែងពានរង្វាន់ទាំងអស់ក្នុងរដូវកាលនេះទេ ដោយសារ Sheffield United បានទម្លាក់ពួកគេចេញពី FA Cup មុនពេល AC Milan បញ្ចប់ក្ដីសង្ឃឹម Champions League ហើយ Conte បាននិយាយថា វាដល់ពេលហើយសម្រាប់ក្លិប និងកីឡាករ ដើម្បីចាប់ផ្ដើមទទួលខុសត្រូវ។

លោកបាននិយាយថា៖ «មិនមែនតែក្លិបទេ អ្នកគ្រប់គ្រង និងបុគ្គលិក។ កីឡាករត្រូវតែចូលរួមក្នុងស្ថានភាពនេះ ព្រោះវាដល់ពេលដែលត្រូវផ្លាស់ប្តូរស្ថានភាពនេះ ប្រសិនបើ Tottenham ចង់ផ្លាស់ប្តូរ។ ប្រសិនបើពួកគេចង់ បន្តតាមរបៀបនេះ ពួកគេអាចផ្លាស់ប្តូរអ្នកគ្រប់គ្រងបាន អ្នកគ្រប់គ្រងជាច្រើន ប៉ុន្តែស្ថានភាពមិនអាចផ្លាស់ប្តូរបានទេ។ ជឿខ្ញុំ»។

លោកបន្តទៀតថា៖ «ប្រហែលជាកាលពីមុននៅក្នុងការប្រកួតផ្សេងទៀតអ្វីមួយអាចផ្លាស់ប្តូរ។ ប៉ុន្តែនៅទីនេះ យើងស៊ាំនឹងវាជាយូរមកហើយ។ ក្លិបមានទំនួលខុសត្រូវសម្រាប់ទីផ្សារដោះដូរកីឡាករ គ្រូបង្វឹកទាំងអស់ ដែលស្នាក់នៅទីនេះមានទំនួលខុសត្រូវ។ ហើយកីឡាករ? កីឡាករ? តើកីឡាករនៅទីណា? តាមបទពិសោធន៍របស់ខ្ញុំ ខ្ញុំអាចប្រាប់អ្នកថា បើអ្នកចង់ប្រកួតប្រជែង បើអ្នកចង់ប្រយុទ្ធ អ្នកត្រូវតែកែលម្អទិដ្ឋភាពនេះ។ ហើយទិដ្ឋភាពនេះ ខ្ញុំអាចប្រាប់អ្នកថា ក្នុងពេលនេះ គឺពិតជាទាបណាស់។ ឃើញតែកីឡាករ ១១នាក់ដែលលេងឱ្យខ្លួនឯង»។

នៅពេលសួរថាហេតុអ្វីបានជានេះជាករណីនៅ Tottenham លោក Conte បាននិយាយថា៖ «ដោយសារតែ ពួកគេធ្លាប់ទៅទីនេះ ពួកគេស៊ាំនឹងវា។ ពួកគេមិនលេងឱ្យអ្វីដែលសំខាន់នៅទីនេះទេ។ ពួកគេមិនចង់លេង ក្រោមសម្ពាធទេ មិនចង់លេងក្រោមភាពតានតឹង»។

Spurs នៅតែស្ថិតក្នុងចំណាត់ថ្នាក់លេខ៤ ក្នុងក្របខ័ណ្ឌ Premier League ហើយមានឱកាសឡើងពីលើ Manchester United ទៅកាន់ចំណាត់ថ្នាក់លេខ៣ ជាមួយនឹងជ័យជម្នះលើក្រុម Southampton ប៉ុន្តែក្នុងអំឡុងពេលសន្និសីទសារព័ត៌មានដ៏អាក្រក់របស់លោកបន្ទាប់ពីការប្រកួត លោក Conte បាននិយាយថា ប្រសិនបើទម្រង់លេងបច្ចុប្បន្នរបស់ពួកគេនៅតែបន្ត ពួកគេនឹងមានសំណាងក្នុងការទទួលបានកៅអីក្នុងក្របខ័ណ្ឌ Champions League នោះទេ។

លោកបានបញ្ជាក់ថា៖ «នៅសល់ ១០ប្រកួតទៀត អ្នកខ្លះគិតថាយើងអាចប្រយុទ្ធបាន។ តស៊ូដើម្បីអ្វី ដោយស្មារតីនេះ អាកប្បកិរិយានេះ ការតាំងចិត្តនេះ? យើងមានកីឡាករ ១១នាក់ដែលចូលទីលាន។ ខ្ញុំឃើញកីឡាករអាត្មានិយម ខ្ញុំឃើញកីឡាករដែលមិនចង់ជួយគ្នា និងមិនដាក់ចិត្ត។ ខ្ញុំមិនស៊ាំនឹងមុខតំណែងនេះទេ។ ខ្ញុំពិតជាពិបាកចិត្ត ហើយគ្រប់គ្នាត្រូវតែទទួលខុសត្រូវ»៕

ប្រភព៖ bbc.com

អត្ថបទ៖ មន្នីរ័ត្ន