កីឡា

ល្ងាចនេះ បើ U22 កម្ពុជា ឈ្នះ U22 ម៉ាឡេស៊ី នឹងឡើងផ្តាច់ព្រ័ត្រពាន Merlion Cup

បានផុស

៣ years មុន

នៅ

ថ្ងៃសុក្រ ២៤ មីនា ២០២៣

ដោយ

ក្រុមបាល់ទាត់ជម្រើសជាតិកម្ពុជាអាយុក្រោម២២ឆ្នាំ (U22) នឹងឡើងទៅវគ្គផ្តាច់ព្រ័ត្រពានរង្វាន់មិត្តភាព Merlion Cup ឆ្នាំ២០២៣ ប្រសិនបានទទួលបានជ័យជម្នះលើ ក្រុមបាល់ទាត់ជម្រើសជាតិម៉ាឡេស៊ី អាយុក្រោម២២ឆ្នាំ (U22) វេលាម៉ោង៤ល្ងាចនេះនៅប្រទេសសិង្ហបុរីផ្សាយបន្តផ្ទាល់ដោយទូរទស្សន៍ BTV Cambodia។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពានរង្វាន់មិត្តភាពអន្តរជាតិ Merlion Cup ឆ្នាំ២០២៣ នេះមានក្រុមចូលរួមប្រកួត៤គឺម្ចាស់ផ្ទះសិង្ហបុរី កម្ពុជា ម៉ាឡេស៊ី និងហុងកុង។ ជំនួបរវាងកម្ពុជា និង ម៉ាឡេស៊ី គឺជាការបើកឆាកពានរង្វាន់ដែលត្រូវបានបង្កើតឡើងតាំងពីឆ្នាំ១៩៨២។ បន្ទាប់មកវេលាប្រហែលជា៧យប់នេះ ក្រុម U22 ម្ចាស់ផ្ទះសិង្ហបុរី នឹងប្រកួតជាមួយ U22 ហុងកុង។

ក្រុមដែលទទួលបានជ័យជម្នះនឹងឡើងទៅវគ្គផ្តាច់ព្រ័ត្រដើម្បីដណ្តើមជើងឯក ខណៈក្រុមដែលចាញ់នឹងត្រូវប្រកួតដណ្តើមយកចំណាត់ថ្នាក់លេខ៣។

សម្រាប់ការជួបគ្នារវាងកម្ពុជា និងម៉ាឡេស៊ី គួរឲ្យចាប់អារម្មណ៍មួយ បន្ទាប់ពីប្រវត្តិជួបគ្នា៣លើកកន្លងមកគឺម៉ាឡេស៊ីមិនដែលឈ្នះកម្ពុជាឡើយ។ ជើងឯកយុវជនអាស៊ាន AFF U-22 Youth Championship ឆ្នាំ២០១៩ កម្ពុជាធ្វើជាម្ចាស់ផ្ទះ បានយកឈ្នះ U22 ម៉ាឡេស៊ី ១-០។

ក្នុងព្រឹត្តិការណ៍ស៊ីហ្គេម ឆ្នាំ២០១៩ នៅប្រទេសហ្វីលីពីន U22 កម្ពុជា បានយកឈ្នះ U22 ម៉ាឡេស៊ី ៣-១ និងស៊ីហ្គេម លើកទី៣១ ឆ្នាំ២០២២ នៅវៀតណាម ក្រុម U22 កម្ពុជាបានស្មើជាមួយ U22 ម៉ាឡេស៊ី ២-២។

សូមបញ្ជាក់ថា ពានរង្វាន់មិត្តភាពអន្តរជាតិ Merlion Cup នេះត្រូវបានបង្កើតឡើងដោយប្រទេសសិង្ហបុរីតាំងពីឆ្នាំ១៩៨២ ដែលត្រូវរៀបចំការប្រកួតជារៀងរាល់ឆ្នាំ ប៉ុន្តែរៀបចំមិនទៀងទាត់ទេ។ ចុងក្រោយកាលពីឆ្នាំ២០១៩ ដែលពេលនោះ U22 សិង្ហបុរីជាជើងឯក ក្រោយឈ្នះ U22 ថៃ ១-០ នៅវគ្គផ្តាច់ព្រ័ត្រ ហើយឥណ្ឌូនេស៊ី បានលេខ៣ និងហ្វីលីពីនបានលេខ៤៕

អត្ថបទ៖ វីរបុត្រ

Related Topics:ក្រុមបាល់ទាត់ជម្រើសជាតិកម្ពុជា

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា