កីឡា

ក្រុមU22គោព្រៃកម្ពុជា ត្រៀមខ្លួនរួចរាល់ហើយសម្រាប់ស៊ីហ្គេម២០២៣

បានផុស

៣ years មុន

នៅ

ថ្ងៃពុធ ១២ មេសា ២០២៣

ដោយ

ក្រុមបាល់ទាត់ជម្រើសជាតិកម្ពុជាអាយុក្រោម ២២ឆ្នាំ (U-22) ដែលនឹងត្រូវប្រកួតបើកឆាកក្នុងព្រឹត្តិការណ៍កីឡាស៊ីហ្គេម លើកទី៣២ ចុងខែនេះហើយ ខណៈពេលនេះកំពុងហ្វឹកហាត់ដំណាក់កាល ចុងក្រោយនៅប្រទេសថៃ។

កីឡាករ ២៣នាក់ដែលត្រូវបានជ្រើសរើសក្រោមអ្នកចាត់ការទូទៅ លោក Keisuke Honda បានទៅហ្វឹកហាត់នៅទីក្រុងបាងកក រហូតដល់ថ្ងៃទី១៨ ខែមេសា ឆ្នាំ២០២៣ ទើបត្រឡប់មកកម្ពុជាវិញ។ លោក កែវ សារ៉េត អគ្គលេខាធិការនៃសហព័ន្ធកីឡាបាល់ទាត់កម្ពុជា ក្រុម U-22 កម្ពុជា បានត្រៀមខ្លួនរួចរាល់ហើយសម្រាប់ស៊ីហ្គេមក្នុងនាមជាម្ចាស់ទឹកដីដី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្រូវបានស្រង់សំដីដោយគេហទំព័រផ្លូវការរបស់សហព័ន្ធកីឡាបាល់ទាត់អាស៊ីអាគ្នេយ៍ Aseanfootball.org លោក កែវ សារ៉េត បាននិយាយដូច្នេះថា ៖«ក្រុមបានត្រៀមខ្លួនរួចជាស្រេចសម្រាប់ស៊ីហ្គេម។ យ៉ាងណាក៏ដោយ យើងត្រូវតែយកចិត្តទុកដាក់បន្ថែមទៀតលើកលល្បិច»។

លោកបានបន្ថែមថា នៅទីក្រុងបាងកក ក្រុម U-22 កម្ពុជា នឹងប្រកួតមិត្តភាពមួយចំនួនដើម្បីធ្វើតេស្តកីឡាករបន្ថែមដែលធ្វើយ៉ាងណាឱ្យរួចរាល់ពេញលក្ខណៈមុនពេលត្រឡប់មកកម្ពុជា ដែលរង់ចាំការប្រកួតបើកឆាកប៉ុណ្ណោះ។

លទ្ធផលការចាប់ឆ្នោតកាលពីថ្ងៃទី៥ ខែមេសា ម្ចាស់ផ្ទះកម្ពុជាស្ថិតនៅក្នុងពូល A ដែលមានទីម័រខាងកើត ហ្វីលីពីន មីយ៉ាន់ម៉ា និងឥណ្ឌូណេស៊ី។

កាលវិភាគប្រកួតរបស់កម្ពុជានៅស្តាតអូឡាំពិក

កម្ពុជា vs ទីម័រខាងកើត នៅថ្ងៃទី២៩ ខែមេសា
កម្ពុជា vs ហ្វីលីពីន ថ្ងៃទី២ ខែឧសភា
កម្ពុជា vs មីយ៉ាន់ម៉ា ថ្ងៃទី៧ ខែឧសភា
កម្ពុជា vs ឥណ្ឌូណេស៊ី ថ្ងៃទី១០ ខែឧសភា

ប្រែសម្រួល៖ មន្នីរ័ត្ន
ប្រភព៖ aseanfootball.org

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា