កីឡា
កីឡា៨ប្រភេទប្រកួតនៅស្តាតមរតកតេជោ ក្នុងកីឡាអាស៊ានប៉ារ៉ាហ្គេម
ពហុកីឡដ្ឋានជាតិមរតកតេជោបានក្លាយជាទីកន្លែងរៀបចំការប្រកួតកីឡាច្រើនប្រភេទជាងគេសម្រាប់ព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ ដែលនឹងចាប់ផ្តើមបើកជាផ្លូវការនៅថ្ងៃទី៣ ខែមិថុនា និងបិទបញ្ចប់នៅថ្ងៃទី៩ ខែមិថុនា ឆ្នាំ២០២៣។
ក្នុងចំណោមកីឡា១៤ប្រភេទ មានកីឡា៨ប្រភេទត្រូវរៀបចំការប្រកួតនៅពហុកីឡដ្ឋានជាតិមរតកតេជោ ពីព្រោះនៅទីនោះមានភូមិកីឡា (Sport Village) ដែលជាកន្លែងសម្រាប់កីឡាករ កីឡាការិនីជនមានពិការភាពស្នាក់នៅ ទទួលទានអាហារ និងងាយស្រួលធ្វើដំណើរ។
កីឡាទាំង៨ប្រភេទរួមមាន៖
- កីឡាជនពិការអត្តពលកម្ម
- កីឡាជនពិការហែលទឹក
- កីឡាជនពិការបាល់បោះជិះរទេះ
- កីឡាជនពិការបាល់ទះអង្គុយ
- កីឡាជនពិការវាយកូនឃ្លីលើតុ
- កីឡាជនពិការវាយសី
- កីឡាជនពិការបាល់ទាត់ជនពិការភ្នែក
- កីឡាជនពិការបាល់បោះភ្នែក
ដោយឡែក កីឡាបាល់ទាត់ចលនាខួរក្បាលប្រកួតនៅពហុកីឡដ្ឋានជាតិអូឡាំពិក។ កីឡាលើកទម្ងន់ប្រកួតនៅមជ្ឈមណ្ឌលជាតិជនពិការ តេជោសែន។ កីឡាយូដូប្រកួតនៅសហភាពសហព័ន្ធយុវជនកម្ពុជា។ កីឡាប៊ូស្យាប្រកួតនៅមជ្ឈមណ្ឌលជាតិហ្វឹកហ្វឺនកីឡា និងកីឡាអុកប្រកួតនៅសាកលវិទ្យាល័យភ្នំពេញ ហើយកីឡាប្រកួតសម្តែងគឺ អេឡិចត្រូនិកប្រកួតនៅណាហ្គាវើលដ៍។
រហូតដល់ពេលនេះ ប្រទេសអាស៊ានទាំង១១បានចុះឈ្មោះអត្តពលិក និងមន្ត្រីរបស់ខ្លួនរួចរាល់ហើយ។ ក្នុងនោះប្រទេសថៃដាក់បុគ្គលិកចូលរួមប្រកួតច្រើនជាងគេ។ បន្ទាប់មកឥណ្ឌូណេស៊ី កម្ពុជា ហ្វីលីពីន និងម៉ាឡេស៊ីជាដើម។
សុបអត្តពលិក និងមន្ត្រីដែលចូលរួមប្រកួតអាស៊ានប៉ារ៉ាហ្គេម លើកទី១២ មានចំនួន២៦៩២នាក់៕
អត្ថបទ៖ វីរបុត្រ
-
ព័ត៌មានអន្ដរជាតិ២៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ