កីឡា
គួច សុកុម្ភៈ ប្រាប់មូលហេតុខ្លះដែលខ្លួនបានជាប់ជម្រើសជាតិឡើងវិញ
ឈានដល់វគ្គ៣៦ឆ្នាំ កីឡាករ គួច សុកុម្ភៈ ត្រូវបានគ្រូបង្វឹកកោះហៅចូលក្រុមជម្រើសជាតិកម្ពុជាឡើងវិញសម្រាប់ការប្រកួតមិត្តភាពអន្តរជាតិជាមួយក្រុមជម្រើសជាតិបង់ក្លាដែស យប់ថ្ងៃព្រហស្បតិ៍ ទី១៥ ខែមិថុនា នៅពហុកីឡដ្ឋានជាតិអូឡាំពិក។
គួច សុកុម្ភៈ ស្ថិតក្នុងចំណោមកីឡាករវ័យចំណាស់ និងរៀមច្បងមួយចំនួនដែលត្រូវបានកោះហៅចូលជម្រើសជាតិ បន្ទាប់ពីខកខានរយៈពេលប៉ុន្មានឆ្នាំចុងក្រោយដូចជា ធារី ចន្ថាប៊ីន, អ៊ុំ វិចិត្រ និង ចាន់ វឌ្ឍនាកា ជាដើម។ ថ្វីបើកន្លងមកមិនមានឈ្មោះក្នុងក្រុមជម្រើសជាតិ ប៉ុន្តែកីឡាករដើមកំណើតនៅខេត្តកំពង់ធំជាសមាជិកដ៏សំខាន់របស់ក្លិបណាហ្គាវើលដ៍សម្រាប់ការប្រកួតលីគ និងជាពិសេសជួយឲ្យក្លិបមួយនេះឡើងវគ្គផ្តាច់ព្រ័ត្រ ខេមបូឌានលីគខាប់ ដែលទើបតែចប់ទៅកន្លងថ្មីៗនេះ។
នៅព្រឹកថ្ងៃពុធ ទី១៤ ខែមិថុនា គួច សុកុម្ភៈ ត្រូវបានគ្រូបង្វឹកបានផ្តល់ឲ្យចូលរួមក្នុងសន្និសីទសារព័ត៌មានស្តីពីការប្រកួតជាមួយបង់ក្លាដែស។ ជាទូទៅកីឡាករដែលចូលរួមក្នុងសន្និសីទគឺជាប្រធានក្រុម។ កីឡាកររូបនេះបាននិយាយថា ថ្វីបើការជ្រើសរើសក្រុមជម្រើសជាតិលើកនេះមានកីឡាកររៀមច្បងលាយចម្រុះជាមួយកីឡាករវ័យក្មេងច្រើន ប៉ុន្តែការហ្វឹកហាត់ប្រហែលជា២សប្តាហ៍កន្លងទៅនេះមិនមានបញ្ហាអ្វីគួរឲ្យបារម្ភទេ។ ក្រុមទាំងមូលបានប្តេជ្ញាធ្វើឲ្យបានល្អបំផុតសម្រាប់ការប្រកួតយប់ថ្ងៃស្អែក។
តើមានកត្តាអ្វីខ្លះដែលធ្វើឲ្យរូបគេនៅតែទទួលបានឱកាសចូលជម្រើសជាតិសាថ្មី ទោះបីជាអាយុច្រើន និងមិនបានជាប់ជម្រើសជាតិច្រើនឆ្នាំ? គួច សុកុម្ភៈ បាននិយាយថា ៖«រឿងជាប់ ឬមិនជាប់ គឺខ្ញុំអត់គិតទេ។ រឿងសំខាន់បំផុតគឺយើងផ្តោតលើការខិតខំប្រឹងប្រែងរបស់យើង។ ការសម្រាក យើងត្រូវតែគិត ព្រោះបាល់ទាត់ជាអាជីព ជាការងាររបស់យើង។ អីចឹង យើងធ្វើអ្វីក៏ដោយ យើងគិតពីវា ហើយពាក់ព័ន្ធនឹងជម្រើសជាតិ បើយើងអត់ជាប់អីជាដើម ក៏ខ្ញុំអត់ខ្វល់ទេ»។
«សំខាន់បំផុតរបស់ខ្ញុំគឺខ្ញុំខំប្រឹង ហើយខំប្រឹងទៀត។ មូលហេតុនេះហើយបានជាខ្ញុំអត់ទាន់លាឈប់ពីជម្រើសជាតិ ព្រោះខ្ញុំនៅតែបន្តការប្រឹងប្រែងរបស់ខ្ញុំ ហើយចុងក្រោយខ្ញុំនៅតែមានឱកាស»។ គួច សុកុម្ភៈសង្កត់ធ្ងន់។
គួច សុកុម្ភៈ បានជាប់ជម្រើសជាតិកម្ពុជាលើកដំបូងតាំងពីឆ្នាំ២០០៦ និងជាប់ជម្រើសជាតិជាបន្តបន្ទាប់ក្នុងរយៈពេលប្រមាណជាង១៥ឆ្នាំកន្លងទៅនេះ។ យ៉ាងណា ប្រហែលជា៣ឆ្នាំចុងក្រោយនេះ រូបគេមិនបានជាប់ជម្រើសជាតិទេ ទើបតែឆ្នាំ២០២៣នេះទើបត្រូវបានកោះហៅជាថ្មី បន្ទាប់ពីកីឡាស៊ីហ្គេមចប់ ដែលគ្រូបង្វឹកថ្មីត្រូវការរៀបចំសមាជិកក្រុមថ្មី៕
អត្ថបទ៖ វីរបុត្រ
កែវ អមរៈ ធ្វើឱ្យលោក អូលីវ៉ា គង់ មានមោទនភាពជាមួយនឹងសមត្ថភាព ដ្បិតទើបប្រឡូកវិស័យដើរម៉ូដ
អឺរ៉ុបអាចនឹងចុះវាយតម្លៃលើផលិតផលត្រីកម្ពុជានៅឆ្នាំក្រោយបង្កើតក្ដីសង្ឃឹមលើការនាំចេញ
ស្នងការរាជធានីភ្នំពេញ ផ្ដល់រង្វាន់ដល់នគរបាលខណ្ឌបឹងកេងកង ក្រោយឃាត់ខ្លួនជនសង្ស័យ ៧នាក់ ឆក់ទ្រព្យសម្បិត្តរបស់ពលរដ្ឋ
៤ខែដើមឆ្នាំ២០២៥ អារ៉ាប៊ីសាអូឌីត ប្រហារជីវិតមនុស្ស ១០០នាក់
ម៉ិកស៊ិក ច្រានចោលសំណើរបស់ ត្រាំ ដែលចង់ដាក់ពង្រាយកងទ័ពអាមេរិកលើទឹកដីខ្លួន
រុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
ហ្សេលេនស្គី៖ គ្មានការធានាសុវត្ថិភាពដល់ប្រតិភូបរទេសចូលរួមក្បួនព្យុហយាត្រាក្នុងថ្ងៃជ័យជម្នះរុស្ស៊ីទេ
គ្រាប់យុទ្ធភណ្ឌមិនទាន់ផ្ទុះប្រភេទ MK-82 មួយគ្រាប់ ត្រូវបានពលរដ្ឋប្រទះឃើញនៅស្រុកប្រាសាទបល្ល័ង្ក
លោក គីម បង្អួតពីភាពជឿនលឿនក្នុងបច្ចេកវិទ្យារថក្រោះរបស់កូរ៉េខាងជើង
ប្រទេសទីម័រឡេស្ដេនឹងបំពាក់គ្រឿងឥស្សរិយយសកម្រិតខ្ពស់បំផុតជូនសម្ដេចតេជោ
-
សន្តិសុខសង្គម៣ ថ្ងៃ agoស្គាល់អត្តសញ្ញាណអ្នកបើកបររថយន្តបង្កគ្រោះថ្នាក់ស្លាប់មនុស្ស ៤ នាក់ នៅស្រុកស្នួល
-
ព័ត៌មានជាតិ១ ថ្ងៃ agoមណ្ឌលគិរី! ជន្លង់ម្រេចរបស់កសិករ ត្រូវបានសមត្ថកិច្ចរឹបអូសដោយពុំមានមូលហេតុ
-
ព័ត៌មានជាតិ៦ ថ្ងៃ agoបន្ថែមពីថវិកា៧០លានរៀល កុមារី ស៊ុន ស្រីតី ទទួលបានផ្ទះ ដីទំហំជាងកន្លះហិកតា ដែលដាំស្វាយរួចរាល់
-
សន្តិសុខសង្គម១ សប្តាហ៍ agoព័ត៌មានបឋម ៖ បាក់ស្រុតផ្លូវអមមាត់ប្រឡាយលូស្ទឹងមានជ័យធ្លាក់កង់បីឥណ្ឌា ១ គ្រឿង ក្រោយភ្លៀងមួយមេ
-
សន្តិសុខសង្គម៣ ថ្ងៃ agoថៃបិទច្រកអានសេះ ដោយមិនជូនដំណឹងប្រាប់មុន
-
ព័ត៌មានអន្ដរជាតិ២ ថ្ងៃ agoបាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក
-
ព័ត៌មានជាតិ២ ថ្ងៃ agoសមត្ថកិច្ចចាត់ទុកការចែកចាយលុយបង្កប់សារប្រឆាំងរដ្ឋជាសកម្មភាពបដិវត្តន៍ព័ណ៌ និងកំពុងចាត់វិធានការ
-
នយោបាយ៣ ថ្ងៃ agoសម្តេចធិបតី ហួសចិត្តដែលលោកស្រី មួរ សុខហួរ និងបក្ខពួកទៅសុំអឺរ៉ុបដាក់ទណ្ឌកម្ម ខណៈកម្ពុជាកំពុងប្រឈមការដំឡើងពន្ធពីអាមេរិក