កីឡា

ស្តេចប្រដាល់ភូមា Leduc ជម្រាបឯកឧត្តមបណ្ឌិត ហ៊ុន ម៉ាណែត ពីការប្រកួតជាមួយ ព្រំ សំណាង

បានផុស

៣ years មុន

នៅ

ថ្ងៃអង្គារ ១៥ សីហា ២០២៣

ដោយ

កីឡាករមីយ៉ាន់ម៉ា Dave Leduc បានជម្រាបឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ពីការប្រកួតរបស់ខ្លួនជាមួយជើងខ្លាំងគុនខ្មែរ ព្រំ សំណាង នឹងក្លាយជាព្រឹត្តិការណ៍ប្រដាល់ធំបំផុតក្នុងប្រវត្តិសាស្ត្ររបស់ប្រទេសកម្ពុជា និងតំបន់អាស៊ីអាគ្នេយ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីម្សិលមិញ Dave Leduc ដែលជាជើងឯក Lethwei ពិភពលោកបានចូលរួមអបអរសាទរដល់ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ដែលត្រូវបានព្រះមហាក្សត្រនៃព្រះរាជាណាចក្រកម្ពុជាប្រោសព្រះរាជទានតែងតាំងជានាយករដ្ឋមន្ត្រីនៃព្រះរាជាណាចក្រកម្ពុជា។

លោកបាននិយាយថា ៖«ខ្ញុំសូមអបអរសាទរឯកឧត្ដមបណ្ឌិត ហ៊ុន ម៉ាណែត សម្រាប់តំណែងជានាយករដ្ឋមន្ត្រីថ្មីនៃប្រទេសកម្ពុជា។ នៅចុងឆ្នាំនេះ ខ្ញុំមកលេងប្រទេសកម្ពុជាដ៏ស្រស់ស្អាត ហើយត្រូវទៅប្រកួតក្រោមគុនខ្មែរ។ នេះនឹងក្លាយជាព្រឹត្តិការណ៍ប្រយុទ្ធដ៏ធំបំផុតក្នុងប្រវត្តិសាស្ត្រកម្ពុជា និងអាស៊ីអាគ្នេយ៍ នៅពេលដែលខ្ញុំមកដល់កម្ពុជា»។

លោកបានរៀបរាប់ថា ប្រជាជនមីយ៉ាន់ម៉ាប្រមាណ៥៤លាននាក់ និងប្រជាជនកម្ពុជាប្រមាណ១៦លាននាក់បានលើកទឹកចិត្តពួកគាត់សម្រាប់ការប្រកួតដើម្បីអបអរសាទរដល់ចំណងមិត្តភាពដ៏អស្ចារ្យរវាងប្រទេសទាំងពីតាំងពីបុរាណកាលមក។ ជាពិសេស ព្រឹត្តិការណ៍ប្រកួតនេះនឹងត្រូវបានបណ្តាញសារព័ត៌មានទូទាំងពិភពលោកចាប់អារម្មណ៍ និងធ្វើការផ្សព្វផ្សាយយ៉ាងទូលំទូលាយ។

ជាងនេះទៀតនេះ Dave Leduc ចង់ឃើញឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត អញ្ជើញជាអធិបតីក្នុងព្រឹត្តិការណ៍ប្រកួតនាទីក្រុងភ្នំពេញ ហើយលោកចង់ទទួលបានឱកាសចាប់ដៃឯកឧត្តមនាយករដ្ឋមន្ត្រីដោយផ្ទាល់។

តាមការគ្រោងទុក ជំនួបស្តេចប្រដាល់មីយ៉ាន់ម៉ា Leduc និងម្ចាស់មេដាយមាសស៊ីហ្គេម ព្រំ សំណាង អាចនឹងកើតមាននៅខែតុលា ឆ្នាំ២០២៣ រាជធានីភ្នំពេញ ដោយប្រកួតក្រោមច្បាប់គុនខ្មែរ ហើយក៏ជាការប្រកួតចុងក្រោយរបស់កីឡាករភូមាមុនពេលសម្រេចចូលនិវត្តន៍ពីអាជីពប្រដាល់៕

អត្ថបទ៖ វីរបុត្រ

Related Topics:Dave Leduc កីឡាប្រដាល់គុនខ្មែរ ព្រំ សំណាង

ព័ត៌មានអន្ដរជាតិ២១ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា