កីឡា
ក្រុមបាល់ទះជប៉ុន និង អ៊ីរ៉ង់ ឡើងវគ្គពាក់កណ្តាលផ្តាច់ព្រ័ត្រមុនគេជើងឯកអាស៊ី
ក្រុមបាល់ទះជម្រើសជាតិជប៉ុន និងម្ចាស់ផ្ទះអ៉ីរ៉ង់ បានឡើងទៅដល់វគ្គពាក់កណ្តាលផ្តាច់ព្រ័ត្រមុនគេក្នុងការប្រកួតបាល់ទះជើងឯកអាស៊ី ឆ្នាំ២០២៣ បន្ទាប់ពីគ្មានដៃគូប្រកួតនៅវគ្គ៨ក្រុមចុងក្រោយ។
ការប្រកួតបាល់ទះជើងឯកអាស៊ី ឆ្នាំ២០២៣មានក្រុមដែលជាប់វគ្គជម្រុះចំនួន២១ ប៉ុន្តែនៅសល់តែ១៧ក្រុមប៉ុណ្ណោះបានចូលរួមប្រកួត ពីព្រោះ អូស្ត្រាលី អារ៉ាប៊ីសាអ៊ូឌីត ស្រីលង្កា និងម៉ុងហ្គោលី បានដកខ្លួន។
ការបែងចែកពូលខ្លះមាន៣ក្រុម ហើយពូលខ្លះមាន២ក្រុមប៉ុណ្ណោះ ខណៈការប្រកួតសន្សំពិន្ទុក្នុងពូលទាំង៦ត្រូវជ្រើសរើសយកក្រុមលេខ១ និងលេខ២ឡើងវគ្គបន្ត។ ការជ្រើសរើសយកក្រុមលេខ១ និងលេខ២ ពីពូលទាំង៦ ដូច្នេះមាន១២ឡើងវគ្គបន្តដើម្បីប្រកួតឡើងទៅកាន់វគ្គ៨ក្រុមចុងក្រោយ។
បែបនេះហើយបានជាក្រុមម្ចាស់ផ្ទះ អ៉ីរ៉ង់ និង ជប៉ុន បានឡើងទៅកាន់វគ្គពាក់កណ្តាលផ្តាច់ព្រ័ត្រមុនគេដោយសារមិនចាំបាច់ឆ្លងកាត់ការប្រកួតវគ្គ៨ក្រុមចុងក្រោយ បន្ទាប់ពីអ៉ីរ៉ង់ឈ្នះប៉ាគីស្ថាន ៣-០ ហើយជប៉ុនឈ្នះបារ៉ែន ៣-០ នៅវគ្គ១២ក្រុមចុងក្រោយ។
ថៃ ចាញ់ កាតារ ៣-០ នៅវគ្គ១២ក្រុមចុងក្រោយ ខណៈចិនបានឈ្នះឥណ្ឌាទាំងលំបាក ៣-២ នៅវគ្គ១២ក្រុមចុងក្រោយដែរ។ ដោយឡែក កូរ៉េខាងត្បូងក៏បានឡើងវគ្គ៨ក្រុមចុងក្រោយដែរ ក្រោយឈ្នះម្ចាស់មេដាយមាសស៊ីហ្គេម ឥណ្ឌូណេស៊ី យ៉ាងតឹងតែង ៣-២។
ការប្រកួតវគ្គ៨ក្រុមចុងក្រោយ ថ្ងៃទី២៤ ខែសីហានេះ
- ចិន vs កូរ៉េខាងត្បូង សម្រាប់ក្រុមឈ្នះ បន្តទៅជួប អ៉ីរ៉ុង វគ្គពាក់កណ្តាលផ្តាច់ព្រ័ត្រ
- ឆាយនីសតៃប៊ិ vs កាតារ សម្រាប់ក្រុមឈ្នះ បន្តទៅជួប ជប៉ុន វគ្គពាក់កណ្តាលផ្តាច់ព្រ័ត្រ
អត្ថបទ៖ វីរបុត្រ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ