កីឡា

បាល់ទាត់បុរស-នារីវៀតណាមទទួលបានជោគជ័យបំផុតឆ្នាំ២០២៣

បានផុស

២ years មុន

នៅ

ថ្ងៃចន្ទ ២៨ សីហា ២០២៣

ដោយ

ក្នុងឆ្នាំ២០២៣ ក្រុមបាល់ទាត់ជម្រើសជាតិវៀតណាមទាំងបុរសនិងនារីទទួលបានជោគជ័យខ្លាំងបំផុត បន្ទាប់ពីក្រុម២៣ឆ្នាំបានឈ្នះជើងឯកពាន AFF U23 Championship កាលពីថ្ងៃទី២៦ ខែសីហានេះនៅប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមបាល់ទាត់នារីវៀតណាមក្នុងឆ្នាំ២០២៣ នេះបានបង្កើតកំណត់ត្រាជាប្រវត្តិសាស្រ្តរបស់ខ្លួនដោយបានឆ្លងទៅដល់ជុំផ្តាច់ព្រ័ត្រ ជើងឯកបាល់ទាត់នារីពិភពលោកឆ្នាំ ២០២៣ ដែលប្រទេសអូស្រ្តាលី និងនូវែលសេឡង់ ធ្វើជាសហម្ចាស់ផ្ទះ។

ស្ថិតក្នុងពូល E ក្រុមនារីវៀតណាមជួបក្រុមខ្លាំងសហរដ្ឋអាមេរិក ហូឡង់ និងព័រទុយហ្គាល់។ ឆ្លងកាត់ការប្រកួត៣លើកក្នុងពូល ក្រុមវៀតណាមចាញ់ទាំង៣ប្រកួត និងមិនអាចរកគ្រាប់បាល់បញ្ចូលដៃគូសូម្បី១គ្រាប់។

ការប្រកួតរវាងក្រុមនារីអាមេរិក និងវៀតណាម នៅជើងឯកពិភពលោក

ទោះបីជាយ៉ាងណា នេះក៏ជាការបោះជំហានមួយដ៏ធំរបស់ក្រុមបាល់ទាត់នារីវៀតណាមដែលបានឡើងដល់ជុំផ្តាច់ព្រ័ត្របាល់ទាត់ពិភពលោកនារី ក្នុងនាមជាក្រុមមួយក្នុងតំបន់អាស៊ានដែលមានក្រុមនារីហ្វីលីពីនទៅជាមួយផង។

ជាមួយគ្នានេះ ក្រុមបាល់ទាត់នារីវៀតណាមបានឈ្នះមេដាយមាសពីកីឡាស៊ីហ្គេម លើកទី៣២ ឆ្នាំ២០២៣ ដែលប្រទេសកម្ពុជាធ្វើជាម្ចាស់ផ្ទះ។

ចំណែក ក្រុមបាល់ទាត់បុរសវៀតណាមអាយុក្រោម២៣ បានឈ្នះជើងឯក AFF U23 Championship ដែលប្រទេសថៃធ្វើជាម្ចាស់ផ្ទះ ក្រោយយកឈ្នះក្រុមឥណ្ឌូណេស៊ី ក្នុងវគ្គទាត់បាល់ប៉េណាល់ទីកាត់សេចក្តីក្នុងលទ្ធផល ៦-៥ ក្រោយស្មើគ្នា ០-០ អស់រយៈពេល ១២០នាទី។

នេះក៏ជាការឈ្នះជើងឯក AFF U23 លើកទី២ របស់ក្រុមជម្រើសជាតិវៀតណាមអាយុក្រោម២៣ឆ្នាំ បន្ទាប់ពីធ្លាប់ឈ្នះកាលពីឆ្នាំ២០២២នៅលើទឹកដីកម្ពុជា។

ក្នុងកីឡាស៊ីហ្គេម ឆ្នាំ២០២៣ ក្រុមបាល់ទាត់បុរសវៀតណាមទទួលបានមេដាយសំរិទ្ធ ក្រោយយកឈ្នះក្រុមមីយ៉ាន់ម៉ា ដោយលទ្ធផល ៣-១។