កីឡា

ម្តាយរបស់ប្រធានបាល់ទាត់អេស្បាញ ដែលមានជម្លោះធ្វើកូដកម្មអត់អាហារ

បានផុស

២ years មុន

នៅ

ថ្ងៃពុធ ៣០ សីហា ២០២៣

ដោយ

ម្តាយរបស់លោក Luis Rubiales ប្រធានសហព័ន្ធកីឡាបាល់ទាត់អេស្បាញដែលរងការរិះគន់ចំពោះការថើបមាត់របស់កីឡាការិនី Jennifer Hermoso ក្នុងពេលទទួលពានជើងឯកនារីពិភពលោក (Women’s FIFA World Cup) បានចាប់ផ្តើមកូដកម្មដោយការអត់អាហារ នៅថ្ងៃច័ន្ទ ដើមសប្តាហ៍នេះ ដើម្បីការពារកូនប្រុស ខណៈមានការអំពាវនាវឱ្យលាលែងពីតំណែង ហើយព្រះរាជអាជ្ញាបានបើកការស៊ើបអង្កេតបឋម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Luis Rubiales ត្រូវបានសហព័ន្ធកីឡាបាល់ទាត់អន្តរជាតិ (FIFA) ដាក់ពិន័យដោយផ្អាកការងារគ្រប់សកម្មភាពកីឡាបាល់ទាត់ជាបឋមចំនួន៩០ថ្ងៃ និងមានអ្នករិះគន់ជាច្រើនអំពាវនាវឲ្យលោកលាឈប់ពីតំណែងប្រធានសហព័ន្ធកីឡាបាល់ទាត់អេស្ប៉ាញ ប៉ុន្តែលោកបានបដិសេធលាលែង។

ម្ដាយរបស់លោក Rubiales គឺអ្នកស្រី Ángeles Béjar បានប្រាប់ទីភ្នាក់ងារព័ត៌មានរដ្ឋ EFE ថា អ្នកស្រីនឹងបន្តធ្វើកូដកម្មអត់អាហារ “ទាំងយប់ទាំងថ្ងៃ” នៅព្រះវិហារមួយភាគខាងត្បូងប្រទេសអេស្ប៉ាញ ចំពោះអ្វីដែលអ្នកស្រីហៅថា “ការញុះញង់ដ៏អមនុស្សធម៌”លើកូនប្រុសរបស់អ្នកស្រី។

ថ្លែងនៅខាងក្រៅព្រះវិហារនៅភាគខាងត្បូងទីក្រុង Motril បងប្អូនជីដូនមួយរបស់លោក Rubiales ឈ្មោះ Vanessa Ruiz បានចូលរួមជាមួយម្តាយក្នុងការអំពាវនាវដល់ កីឡាការិនី Hermoso ឱ្យ “ប្រាប់ការពិត”។

កីឡាការិនី Hermoso បានបដិសេធការអះអាងរបស់ លោក Rubiales ដែលថា នាងបានយល់ព្រមចំពោះអ្វីដែលហៅថា “ការថើបគ្នាទៅវិញទៅមក” ក្នុងអំឡុងពេលពិធីបំពាក់មេដាយ កាលពីថ្ងៃទី២០ ខែសីហា នៅទីក្រុងស៊ីដនី ប្រទេសអូស្ត្រាលី៕