កីឡា

សញ្ញាកាន់តែល្អ! ៣ប្រកួតនៅកីឡដ្ឋានខេត្តស្វាយរៀងមានអ្នកគាំទ្រកើនឡើងរហូត

បានផុស

៥១ វិនាទី មុន

នៅ

ថ្ងៃអង្គារ ១៩ កញ្ញា ២០២៣

ដោយ

សន្ទុះអ្នកគាំទ្ររបស់ក្លិបព្រះខ័នរាជស្វាយរៀងបានកើនឡើងរហូតសម្រាប់ការធ្វើជាម្ចាស់ផ្ទះ៣លើកក្នុងចំណោម៥សប្តាហ៍នៃខេមបូឌានព្រីមៀរលីគរដូវកាលថ្មី២០២៣-២៤។ អ្នកគាំទ្រទស្សនាផ្ទាល់កើនឡើងបែបនេះ បន្ទាប់ពីកីឡដ្ឋានត្រូវបានពង្រីកទីកន្លែងសម្រាប់អ្នកគាំទ្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេល ព្រះខ័នរាជស្វាយរៀងឈ្នះ ភ្នំពេញក្រោន ដោយលទ្ធផល ២-១ ក្នុងសប្តាហ៍ទី២ ដែលជាការធ្វើជាម្ចាស់ផ្ទះលើកដំបូងនៅរដូវកាលនេះ មានអ្នកគាំទ្រទស្សនាផ្ទាល់ចំនួន ២៣៩៥នាក់។ នៅសប្តាហ៍ទី៣ មានអ្នកគាំទ្រផ្ទាល់ចំនួន ៣៤៩០នាក់ ជាពេលដែលព្រះខ័នរាជស្វាយរៀងបានឈ្នះណាហ្គាវើលដ៏ដោយលទ្ធផល ១-០ និងនៅសប្តាហ៍ទី៥មានអ្នកគាំទ្រផ្ទាល់ឡើងដល់ ៤០៧៩នាក់ ជាពេលព្រះខ័នរាជស្វាយរៀងបានយកឈ្នះក្រុមអង្គរថាយហ្គឺរដោយលទ្ធផល ៥-២។

អ្នកគាំទ្រចូលទស្សនាផ្ទាល់បានកើនឡើង បន្ទាប់ពីព្រះខ័នរាជស្វាយរៀងបានពង្រីកកន្លែងអ្នកគាំទ្រចំនួន៣៧៥០កៅអីបន្ថែមទៀតកាលពីខែសីហា។ បូករួមទាំងកន្លែងសម្រាប់ភ្ញៀវពិសេស (VIP) ព្រមទាំងមានកន្លែងសម្រាប់លក់ភេសជ្ជៈ និងអាហារ។

ក្រៅពីកីឡដ្ឋានដែលត្រូវបានពង្រីកទំហំសម្រាប់អ្នកគាំទ្រ សំបុត្រចូលទស្សនាផ្ទាល់ក៏ងាយស្រួលរកទិញគឺទាំងនៅកីឡដ្ឋានផ្ទាល់ និងតាម App។

ទោះបីជាយ៉ាងណា ក្នុងចំណោមការប្រកួតទាំងអស់៥សប្តាហ៍កន្លងទៅនេះ ជំនួបរវាង ភ្នំពេញក្រោន និងបឹងកេត កាលពីសប្តាហ៍ទី១ នៅកីឡដ្ឋាន ស្មាតអអេសអិន មានអ្នកគាំទ្រចូលទស្សនាច្រើនជាងគេបំផុតរហូតដល់៥០៧៨នាក់។

សប្តាហ៍ទី៥ សរុបអ្នកគាំទ្រ ៨៧៣៨នាក់